القرار الجديد

خذ لك كريسيدا وكد

الوظائف واجد من قبل ما ينزل القرار 
بس العيب بالشعب ما يبي يشتغل الا على مكتب ويبي يرتاح 
صدقني لو تصلي الفجر يوميا وتدعي ربك وتطلع من بدري تدور شغله بتحصل 
الله يوفقك ويسهل دربك

الحمله مالها يومين كيف طلعت الوظايف بسرعة الخبر اشاعة ﻻ تصدق كﻻم الوتساب والبﻻك بيري

مافيه افضل من الاعمال الحرة 

تشتري لك باص 12 راكب 
تكد على سطحة ونقل سيارات من والى المدن الرئيسية 

انا اعرف واحد شاري جمس 3500 وحاط عليه شد سطحة شغال مابين جده والرياض والدمام 
للمعارض والافراد دخله الشهري فوق 10000 

والحين يفكر في السطحة الثانية 

العمل الحر فيه خير كثير 
والان الفرصة للسعودي اكبر من اول 

جزاك الله خير علي الطرح ولك احلي لايك 

فيه في جدة شركة المراعي براتب 6000 ريال 
بكرة اخر يوم 
العنوان حسب ماوصلني : شارع حائل 
وفيه مقر لهم بشارع فلسطين 
الله يوفق كل معسر

اكثره بالرياض على ماسمعت

وظائف للسعوديين فندق برج الساعة الفايرمونت الراتب يبداء من 4000 الاف ريال للثانوي والجامعي اكثر

افنح محل لو راس مالك بسيط صدقني بتطلع ذهب

اخوتنا غير السعوديين يشتري الفيزا بمبلغ وقدرة وبعد فترة تحصله معين خير

شغل اليد مبرووك وفيه خير وفلوسه مبروكة ,,

انا ناوي ان شاء الله بعد فترة شهر او اكثر بشوي افتح محل خضار وفواكة بس انتظر هالفترة لين يركد السوق مره وبعدها بفتح المحل ,,

رغم اني موظف بوظيفة محترمة مساعد مهندس ولكن راح اشغل اخوي فيه الصباح مفصول من العسكرية وراح اشتغل انا في الفترة المسائية

نصيحة لك الشغل طيب وزين وراح اكتب تقرير خلال هاليومين عن تجاربي بالتجارة

والله ياشباب معي مبلغ بسيط 3000 ريال بغيت استثمره
بس مايجيب شي فا قلت بشتغل. وازود عليها. وادوو لي
مشروع زين وش رايكم 

صدقت يأبو ناصر التجارة فيها خير بعد مايركد الوضع بفتح محل زينه انشاء الله ومن بعدها بفتح بنشر

كان عندنا محل خضره قبل 10 سنوات ويدخل مكاسب ذهب

والان شكلي بفتح محل خضره واشغل ولد عمي العاطل والله فيها دراهم
اشتري بالجمله من الحلقه وروح بيعها بالحبه