لاتكن ضحية خداع فحص كمبيوترالسيارات

بحكم احتكاكي بالعضو ابراهيم التركي

تعلمت منه اشياء والله العظيم كنت أجهلها

مثل يقول لو رحت ورشه على سبيل المثال موضوعك هذا

يقول خذ تقرير منه بالفحص ولا تسوي عنده روح سوي عند محل خارج المحل اللي فحصت منه

ولو ما ضبطت سيارتك اعرف ان المحل كان يتلاعب فيك ارجع وقدم شكوى عليه بالاتصال على 940

ويجونك على طول بخلال ساعتين باثبات القطع اللي اشتريتها والفحص حقهم

وهم يجبرون المحل بنفس اللحظه انهم يدفعون لك كامل الاصلاح

حتى لو رحت ورشه مثلا قالك تحتاج دينمو وغيرته بعدين قالك البطاريه خربت

تلعب على مين اشتكيه وبنفس اليوم يعوضونك بسعر الدينمو اللي شريته و بقيمة شغل اليد حتى 

هذا لو ما تجاوب معك صاحب المحل بنفسه انك سويت ولا استفدت شي لان فحصه طلع خطأ

حتى الرجه 

معي كابرس حصلت فيه رجه ورحت فحصت بالورشه قالوا لي عندك فلنجه الكفر

شريتها وصلحتها طلعت اجمالي التكلفه شغل اليد مع قيمة القطعه تقريبا 600 ريال

بالاخير طلع الكفر محبل

وانا ساكن بجده كلمت ابراهيم التركي قلت له قال تعال مر علي

واخذته ووديته الورشه وقالهم تلعبون على خلق الله عشان فلوس الكفر خربان شوفوه قدامكم

يعني غيرتوا قطعه ماهي محتاجه غيار يا انكم ترجعون للرجال قيمة الاصلاح كامله مع قيمة القطعه

او اللحين اتصل بالبلديه واخذ حقي عن طريقها بكل سهوله

والله لا عابطو معنا ولا شي رجعوا فلوسي كامله 

اشياء كثيره تحصل نجهلها من فحص كمبيوتر او غيره ويتلاعبون فينا

بالحاله هذي ما عندي مشكله افحص عند محلين واقارن بين المحلين 

لو حصل فيه فرق اتصلت بالبلديه يتفاهمون معهم

فحص كمبيوتر هنا يختلف عن المحل الثاني طلعوا لي من الصح وحاسبوا الغلطان 

وش شغلة البلديه هذي شغلتها حنا من ضمن اعمالهم ليش تاركينهم

اعذرني يا احدهم الناس مو فاضية للمشاكل والمطالبات الناس تبي تروح محل محترم يصلح سياراتهم والسلام
انت وخويك تدورون مشاكل وهواش .. وش اللي افحص بمحل واصلح بمحل ثاني . يعني المحل الثاني غبي اللي بيصلح
على تشخيص غيره يعني المفروض ما تخليه يلمس سيارتك . وثاني شي دام الكفر محبل ليه ما تشيك على كفراتك 
بدال ما تناشب فني مسكين اجتهد علشان يحل مشكله في سيارتك بسبب اهمالك.
انا بالعربي اكره اللي يدور المشاكل بكل مكان وصدقني انت اللي بتجيك الامراض بالاخير

الكمبيوتر ذا اشوفه ظلم
حتى انت لو تودي سيارتك الحين للفحص كمبيوتر يطلع لك الف ابو عله
اذكر مره بعت جيب خليجي وكالة نضيف فحص الي اشتراها كمبيوتر وطلع تصفيه مكينة وفحمات
وهو ما به اي شيء ومشكلة بس غصب غصب يطلعون لك شيء