مشكله كبيره في موقع حراج
6
3
إضغط هنا للإخفاء
السلام عليكم ،، كيف الحال
بسوي موضوع هناا باختصار شديد
اناا دايم يقهرني اذا دخلت اعلان وحصلت واحد يسوم وهي يمكن بخس
في السلعه ،، لكن اللي يقهر انك تشوف واحد تحت يرد ويقول ياخي ترا
هذي سياره كذا وكذا ونضيفه وانت ما تعرف اسعار السيارات ذي وخلك
على اكسنت وكرلا ،، وتوصل انه يسب كمان ،، وهو ماله دخل في الاعلان
ولا له دخل في صاحب السياره ولا شي ،، بس يبغى يتكلم
لو حصلت احد بخس السلعه لا تتدخل فيه ،، ارفع السوم ولا اسكت ،،
راعي الاعلان اولى بالكلام ذا ويمكن سيارته مضروبه وموافق ع البيعه
ولا تنسى انه قسم انه ما يبخس ،،
انتو وش رايكم في اللي يعلق على سومات الناس ويسب ويغلط ويحشر نفسه
في مالا يعنيه ،، ادري ان اسلوبي في الموضوع لكم عليه ،، بس والله العضيم
اني توني جيت من ٥ اعلانات وفيها تعليق وبعضها فيها سب للي سام باللي يقدر عليه
وكان ودي اني صورتها لكم لكن ما عندي برنامج تصوير الشاشه
وشكرا ،،
إبلاغ
سيارات للبيع
الردود
اذا ما ناسبتك سومته قله بعيدين و شكرًا لا تأخذ و تعطي معه
و الي يسوم يبي السيارة بارخص ثمن ممكن لا تلومه و ما ارى فيها باس. لان ان كانت السيارة تستأهل اكثر راح يجيك من يسموها اكثر
و ان ما ناسبت صاحبها السومة ما راح يبيع.
2
0
ولا تنسى بعضهم شوي ويجيب فواتير للبنزين انا حطت وسويت وفعلت ولبست المراتب وركبت مساحات ومركب سماعات ب1200 وملبس الوطايات و و و
أو يجيك معلن مصقوع بسياره ويقول م ترضون لي الخساره مانرضى لك الخساره بس مانتحمل معك خطاكك ..
وأنا أشوف الموقع أغلى من السوق بكثير بكثير ويجي واحد طالب بسيارته شي مو معقول ..
ولا اذا وصلت حدها بالسوق من السوم يقول انسامت بكذا وحدي كذا وفرقه عن السوم 8 الاف .. وبا الاساس هي وصلت حدهـا ..
والله يصلح الحال بس ويهدي كل مسلم ويرزق الشخص على قد نيته .. بالتوفيق لك ياصاحب الموضوع
0
1
موقع حراج على طول وقفت وسويت نفسي اشوف سياره على اني بشتريها فكان كلامهم ( يارجال اعرضها بموقع حراج اللي بالانترنت راح تكسب هنا السوق ميت معاد زي اول )
هههههههههههههههههههههه عشنا وشفنا
2
0
0
0
ملاحظ في الموقع ناس تعرض سيارات ويحط على السوم ويقول لحد يسوم بأقل من 50 ألف مثلا ؟؟
ياخي اختصرها على نفسك وحط حد واكتب قابل للتفاوض بالمعقول عشان الناس تفاوض معك وتسوم وماتبخس
0
0
0
1
0
0
قبل 11 سنه و شهر