القير خبط .. كن مثقفا

الله يجزاك خير على النصيحه

كلام جميل

وكل هذا بسبب جهلنا بالامور الميكانيكه وانا اولهم

وما شاء الله تبارك الله عندك معلومات طيبه

طيب يخوي وش سبب احتراق الكلتشات ؟؟

وكم تنصح نغير فيه زيت المكينة ؟؟

جاري لما قلت له أنا اغير الزيت كل 5000 الاف انهبل ههههه وقال لي انت تبي مكينتك تروح ؟؟؟
قلت له ليه ؟

قال الزيت كل 2000 يتغير ؟؟؟
وش رايك ؟

ابو سالم الزيت انواع سيارتي 2011 من يوم ما اخذتها وكالة ليومك هذا وانا أغير كل 10000 والله العظيم السيارة ولله الحمد والمنه ماتشكو من شئ ماشاء الله تبارك الله بالعكس هدوء في المكينة وعزم عندك زيت موبيل 1 اللزوجة 40W 0 العلبة قيمتها 45 ريال طبعا كل تغييرة مع السيفون افضل زيت افضل صحيح غالي ولاكن كل شئ وثمنة فيه بس حبيت أشارك تجربتي مع الزيوت في سيارتي السابقة كنت استخدم كاسترول ماجانيك وسعرة حاليا 35 ريال بس هذا أفضل بكثيييير طبعا الفلتر يتغير ضروري يعني مرة تنظيف مع الغيار ومرة تبديل

سبب احتراق الكلتشات
عدم تغيير الزيت ( بحيث يكون لزوجته راحت وتبريده سيء فيحتر القير وتحترق الكلتشات)
حرارة القير ( ترتفع خاصه بالسرعات العالية حول 140 وطبعا حراره القير اذا ارتعفت تستمر بالزياده وماتوقف خصيصا عند السرعات العالية جدا مثل 180 لذلك اغلب اللي دايم يسرعون قيروهم تخبط بسرعه )
الدعسة الثانية ( هذي تمسح الكلتش مسح بحيث يكون القير ماسك بنمره ولما الواحد يدعس للصاجه وهو ماشي يرجع القير يرد نمره ويحرقها حرق )
طبعا كيف تحافظ على القير
تحافظ على تغيير الزيت مع الفلتر على 40-70 الف كيلو حسب الشخص وماديته ونوعية سيارته وتوصيات المصنع
وراعي السرعات العالية يضيفون مبرد زيت قير اذا سياراتهم مافيها مبرد زي الفوردات الامريكيه
وماتستخدم الدعسة الثانية الا وقت اللزوم لانها ترفع حرارة القير وتحرق الكلتشات حرق

زيت القير حسب سستم الوكالة يتغير كل 80000 وانا غيرته اول غيار بدون فلتر لمن وصلت سيارتي ال 70000 ولمن توصل السيارة 160000 يتغير بالفلتر هذا كلام المهندس بس انا لازم اغيرة لمن توصل 150000

السلام عليكم ورحمة الله
أخواني الأعزاء أشكر مروركم ومشاركتكم في موضوعي البسيط والقادم سيكون إلى الأفضل بإذن الله
بالنسبه للأخ أبوسالم أعتقد إن الأخ do5ode أجابك على سبب إحتراق وتعطل الكتشات وكلامه كفى ووفى
بالنسبه لزيت المحرك فعلى حسب موترك(جديد أوقديم) وراح أطرح موضوع كامل - بإذن الله - عن هذا الكلام
وأما بالنسبه للأخ do5ode فأقول صح لسانك أخوي وأشوف ملك نيه تترك كلمة (القير خبط؟؟) وكإنك يابوزيد ماغزيت
عموما كلامك مضبوط 100% وهذا المطلوب إن كل شخص يكون ملم بسيارته والمشاكل المتعلقه بها
تحياتي

جزاك الله خير على النصيحة

العجيب في اعلانات يقول اسطبات هوندا للبيع وتدخل الإعلان تلاقيها شمعات وهذا للأسف منتشر بكثرة

وعليكم السلام ورحمة الله وبركاته
رائع أخي الوجيه 444
أشكرك جزيل الشكر على هذه النصائح و المعلومات القيٌمة
سنكون في انتظار جديدك القادم بمشيئة الله 
تحيتي و تقديري ،،،

اخوي الله لايهينك اذا صار الموتر قير عادي يغير الزيت ؟؟
لاني كل من سالته يقول القير العادي مايغير زيته ابد
ووش افضل زيت للقير العادي نوع السيارة كامري

مشكوررر معلومه     ممتازه

هل يوجد فلتر للقير؟
لان الاخ do5ode ذكر ذلك في رده

بما انك فاهم في عالم المحركات ارجو توضيح( انفلات عامود الكرنك) لاني لم اسمع بذلك من قبل ؟

السلام عليكم عندي سؤال الحين اذا كنت على نزله عادي  افضي القير لان فيه واحد قالي حركتك يمكن تكسر شيئ نسيت اسمه وش رايكم في كلامه جاوبوني