مممممممهم ههههههه

اذا كنت تعرف شغل الورشه والعماله مدربه وفاهمه شغلها
كلامك صح
اما تروح لورشه تتعلم العمال بسيارتك 
لا والله الوكاله وتاخذ ضمان

وجهه نظر

كل الوكالات اسعارهم غاليه
الاكسنت صيانة ال 10 الالف كيلو ب500 والي بعدها بتكون ب700 تقريبا

او انك تغير الزيت عندهم ب90 ريال بس سيارتك بتكون برى الضمان
مكاسب الشركه من اجور الصيانه اوقات توصل لمكاسبهم من بيع السيارات 

على فكره
الوكاله حتى الزيوت يكسبون منها
يشترونها بكميات كبيره جدا وعليها عرض وتخفيض من شركة الزيوت
ويبيعونها بسعر اعلى

عشان كذا توكيلات الجزيره تغير زيت كاسترول تاخذه برخص التراب وتبيعه بسعر اعلى
لكن مايغيرون زيوت موتور كرفت رغم انها افضل من كاسترول 
الا اذا طلب العميل منهم لانها تجي من امريكا وعليها تكلفه

يوم شريت الاكسنت طلعتها من المعرض وعلى طول عالشرقية ويوم رجعت رحت غيرت الزيت عند اقرب مشحمة عند بيتنا
ولا طبيت الوكالة ابد لمدة سنة وثلاث شهور 

مادام الموتر من طقة الاكسنت واليارس خلك متابع الكتلوج وغير برا

والله بتوفر توفير غير طبيعي

واذا شريت مرسدس S-CLASS ذيك الساعة بسكن جنب الوكالة 

أما معي اكسنت ويارس وكل دخلة للوكالة بـ 500 و700 لا ياحبيبي عمرها ان شاء الله ما تطب الوكالة

انا حصلت لي مشكلة مع ابو جميل النصاب شريت منهم موتر وشيكت عليه يوم مشى ( 1000كم ) وبعدها ماشيكت بحكم ان الموتر دخل الضمان ولو تغير الزيت عندهم بياخذون كل مرة من 700 ريال الى 900 ريال عشان بس يغيرون الزيت ومحافظ على الموتر ومااغير زيت الا عند واحد معروف وانا اشرف عليه وطلع عندي صوت في المكينة يوم دخلته الوكالة قالوا الضمان مايشملك ليش ماشيكت باقي التشييكات وانا وياهم هواش وخليت الموتر عندهم وطلعت وارفع عليهم شكوى بوزارة التجارة وخطابات واسدعائات 3 شهور مامعي موتر وكل يوم بوزارة التجارة والحق معي 100% وآخر شي قال لي موظف وزارة التجارة ( تراك تناطح لك جبل ) يقول تجينا شكاوي من تويوتا ويتعب العميل ويراجع واخر شي يطلع بلا فايدة فهمت من كلامه ان ابو جميل وراه ظهر وماحد يقدر يوقفه عند حده وبيني وبينك تعبت 3 شهور بدون موتر كل يوم على تكسي وكل يوم ادور احد اخذ موتره ملييييت وطلعت الموتر منهم وانا اتحسب عليهم وصار درس لي اني مااخذ من ابو جميل الله لايوفقه