بعد ما تقرا هذي المعلومات سخن السيارة بكيفك

تسخين المحرك ينبغي أن يكون عن طريق القياده برفق لا عن طريق ّ الوقوف >>>>> البعض بفهم غلط ويشغل ويجيب طبلون الموتر ويقول المكينه خبطت بسبب عدم التحميه

جزاك الله الف خير ولا لايك

اتفق معك 
الشغله كلها تزيت للمكينه 
عاد عندنا نفسيات اي مشكله في السياره يقلك عشانك ماحميتها هههههه

شكرا ولايك

انا ما عمري حميت السيارة

ادق سلف و امشي

بس ما اشد على السيارة الين توصل الحرارة لوضعها الطبيعي

بس طلعت لي في عدة سيارات مشكلة جلد البلوف

ممكن عشاني ما احمي السيارة؟؟!!!!!!

و ايضا صوت البلوف طالع لعدة سيارات ايضا

بس ما هو ذاك الوضوح

ربما بعض الناس ودهم اذا مشوا على طول يشدون عليها
فبدال مايمشي عليه برفق يحميها قبل مايمشي يمشي ويشد بدون انتظار
والله اعلم

انا ما عمري حميت  بس انتظر عدد دورات المكينة ينزل عن الاف. و ما عمرها الحمد لله خبطت علي اي مكينة نهااائيا 

و عندي كامري جليت معي عشر سنين. كل الي طلعوها معي خبطت مكائنهم الا انا استمرت معي


الوسوسة عند البعض تضرالموتر و لا تنفعه 

الله يعطيك العافية موضوعك جاه بوقته 

ثلاثين ثانيه و سوق بهدوء تدريجيا و الرحمن الحافظ سبحانه

الفولفو فيها نظام له تقريبا 10 سنوات

وهو وقت البرد وانت ببيتك تسخين السياره عن بعد وهي طافيه

يعني احماء لماء الرديتر والزيت والسياره طافيه لمدة 20 دقيقه

يعني تجيها تشغل تحصل الحراره الثلث تقريبا

لو ما كان الاحماء ضروري ما كان حطو النظام هذا بسياره اوروبيه متقدمه بالتكنلوجيا

كان قالوا 30 ثانيه تكفي 

ليش نتعب انفسنا ونحط نظام احماء مدته 20 دقيقه 

طبعا الكلام هذا عندهم بالسويد لشدة برودة الاجواء طوال السنه

لكن عندنا بالشتاء تحتاج السياره تسخين مدة ما تقل عن 5 دقايق 

لكن بالصيف دقيقه وحط رجلك

كلام فاضي كله كله كذب في كذب علشان يخرب عليك القير او المكينه او السلف ويقولن

بعدين حنا موب مسولين عنك لاتصدقونهم كله كذب لازم تسخين السيارة على الاقل 30ثانيه

واقصى حد 3دقايق وفي البرد اقل شي 1دقيقة ونصف واقصى حد 5او 6دقايق

ياكثر ناس خبطه علييهم المكينه او القير او السلف علشانهم مايحمون

هذا غش وكذب اتفق عليه الشركات علشان يطلعون فلوس من الاغبياء الي مايحمون

وتخرب سيارتهم وهم كثير في العالم موب بس هنا مايحمون انا اقول حمي زي

ماقلتلك وشوف عداد الضغط ينزل لازم عن 1علشان تمشي غيرها خطا

لازم تحمي

للاستزادة ايضا شوفوا هذي الروابط 

الخبراء لاينصحون بالتسخين للسيارات ذات الحقن المباشر للوقود ( يعني كل السيارات الجديدة ) 

http://answers.yahoo.com/question/index?qid=20120513125853AAycrwv
http://www.thedailygreen.com/living-green/blogs/cars-transportation/warming-up-car

الخلاصة ان الوقت المحدد لما يسمى بالتسخين هو بين 20 الى 30 ثانية فقط

مع ملاحظة انهم يتكلمون عن الشتاء 

الصراحة اتمنى ألقى الكلام "الأكيد" والنهائي لهذا الشي , كثر الكلام حول تحمية السيارة والله , مو تقليل في موضوعكـ استاذي لكن والله ياما شفت مواضيع ثانية تقول لازم التحمية ومواضيع تقول لا مو لازم ..!

نوعيه الزيت ودرجه اللزوجه هي الي تحكم

بالفورد والهونداي والكرايسلر 5w20 sn
الامريكي والياباني 5w30
الالماني 0w40

صاحب الموضوع , شكرا جزيلاً

الكربريتر لازم تحمي السياره

اخوي موليا تابع موضوعي غدا بإذن الله تعالى

وراح تلقى الإجابة ان شاء الله

اشكركم جميعًا من قرأ أو علق

موضوع التسخين أصبح محسوم وغير قابل للتفنيد لوجود مصادر من كتلوج السيارة

 الذي يطلق عليه بشكل دارج في دول العالم المتقدم (البايبل) يعني الكتاب المقدس

 ولا يوجد موضوع يمكن أن يكون أقوى حجة منه سواء في المخالفة أو التأييد

كلام سليم ورائع 

عندي يارس من سنه وانا ادق سلف وامشي على طول حتى مايمديها تاخذ نفس الا وانا معشق اول وماشي ومن سنه وانا اسوي كذا ومافيها الا العافيه ولا بعد ادعس كانها شغاله من ساعه وعادي جدا .

رايق السيارات 

شوف بعطيك مثالين 

واحد وصل موتره 100الف بدون تسخين وخبط 
وواحد وصل موتره 100الف تسخين وخبط 

الاثنين خبطة مواترهم بالتحمية وغير تحمية فلا تأسس من تفكيرك على ان 
اللي مايسخن يخبط موتره فقط 
طيب اللي دائما يسخن موتره وخبط وش منه (( اغلب الناس يشوف اقرب مخرج ))؟؟؟؟؟؟؟
 ليه ماتقول من التسخين !!!!!*_^

ترى تخبيط الموتر له اكثر من سبب ؟ 

بعدين لو مثلا كلامك صحيح كان اخسرت اغلب الشركات وقفلت بسبب كثرت خرابات سياراتهم 
وعندك اكبر دليل في امريكا واوروبا وغيرها ماياخذ السياره الا بكتاب الوكاله ضرووووووري عندهم

والتسخين عندهم وانت تعرف الاجواء عندهم اتحداك يسوون مثل ربعنا يخليها 5 ولا 10دقايق
وبعضهم ربع ولانص ساعه تسخين والله الموتر لو يتكلم كان قال , خلاص يرحم امك امش خلني اتنفس 

الله يوفقكم