تنبيه من صاحب العضوية pm88
3
0
إضغط هنا للإخفاء
السلام عليكم/
تحية طيبة للمشرفين على موقع حراج وبقية الأخوان .
أنا حاب أشرح قصتي مع صاحب الأعلان هذا وأقسم بالله العظيم في هذا اليوم أن أقول الحق .
الأخ صاحب الأعلان وأسمه ظافر الشهراني ويسكن في الرياض أعلن الأسبوع الماضي عن سياره هيونداي النترا موديل 2005 للبيع واتصلت عليه وسألته كم حدك بالسياره فقال لي 23000 ريال فقلت له بأشاور وأتصل عليك وأتصلت عليه بعد 5 دقائق وقلت له صلي ع النبي أنا شريت بحدك وقال لي الله يبارك لك أنا بعتك وكان هذا الكلام يوم الخميس الماضي وقلت له سوف أرسل واحد من طرفي يفحص السياره ويعطيك نصف المبلغ والباقي يوم السبت فقال لي إذا كملت فلوسك أتصل علي مره وحده وأرسلت له رساله بأنه سوف أرسل واحد من طرفي يفحص السياره يوم السبت وإذا ناسبت السياره يدفع قيمتها وتتم البيعه بالمعرض ويوم الجمعه أتصل علي تقريباً على الساعه 3 عصراً وقال لي وين خويك اللي بترسله ماأتصل علي قلت له أنا أرسلت لك رساله قال والله اذا بيجي الحين لاني يوم السبت مستلم مايمديني اقابله ورجع قال اسمع يمكن انا مابيع لاني كنت محتاج فلوس علشان اشتري جيب وتقريبا انه بتتوفر الفلوس وبارد لك خبر نهائي الليله قلت له خير واتصل علي بعدها بربع ساعه وقال لي انا طلبتك قلت في ايش قال انك تسمحني انا اعطيتك النيه وانا هونت ليش طيب قال لايروح بالك بعيد مو علشان فلوس انا بطلت البيعه نهائي تيسرت أموري وابغاك تسمحني قلت مسموح والله يبارك لك بسيارتك بعدها دخلت على اعلانه لقيت واحد معلق ويقول انه اتصل عليه ويقول وصلت قيمة السياره 24000 الكلام هذا قبل ساعتين من اتصاله معناته انه لازال يرغب بقيمة اعلى مع انه اعطاني نية البيع قلت مابي اظلمه خليت اخوي يتصل عليه ويسأله عن السياره تخيلوا يأخوان قال له أنباعت والله أنا أنصدمت وأتصلت عليه قال خير أنت تبحث وراي أيه أنا بعتها وبصراحه والله دعيت عليه قام حط جواله على مسجل ومشغل اغاني في يوم فضيل يوم الجمعه وحتى عمولة الموقع مادفعها وانا حبيت أحكي لكم اللي حصل علشان الادارة تنتبه وينتبه الاخوان انه مو صادق في تعامله وآسف ع الاطاله والله على مأقوله شهيد ..
وربي اللي خلقني توه أتصل ومارديت و أرسل رساله على جوالي ويقول
((ههههههه هذا اللي قدرت عليه عل العموم السياره بعتها على رجال يستاهلها ب26 وكلام الخر مايظر ياورع )) ...
أشرايكم يأخوان هذا كلام واحد يتقي الله في نفسه ويدور الرزق الحلال ..
حسبي الله ونعم الوكيل
إبلاغ
سيارات للبيع
الردود
0
0
الظروف اليوم تحدك والف ريال زيادة تفك ازمة ووراي شرا سيارة ثانية ووراي حق معرض ويمكن مخالفات وو الخ ..
طريقتك غلط كان قدرت موقفه بدل ماتحشره بالطريقة ذي .. الرجل انحرج منك ولكن تصرفه غلط في تصريفك انا معك ..
لو قال يخوي ترى جتني بيعة اعلى وهونت الا ان كنت تبي تزيدني .. كان ازين ..
وتصرفه يوم يحط الجوال على المسجل .. حقدت انا عليه والله .. حركة وصخة .. واضح انه عسكري ذي اخلاقهم الا من رحم الله
1
1
لكن ياليت تبلغ ادارة الموقع لوضعه في القائمه السوداء
0
0
زي مره واحد من اخوياي يبيع جمس
المهم وصل السوم على 105 الاف
وجاء واحد زي صاحب الموضوع خخخ
وفرقها بـ 500 ريال
وخويي قاله بعتك ،
شوي جاء واحد وزاد على سومته الف ريال
وطبعا خويي وافق على ابو الف ريال وباعه السياره ودق ابو 500 ريال وجلس يدعي ويسب وفي النهايه ماله الا اللي ربي كاتبه وامكن خيره ان السياره مانباعت لـ ابو 500 ريال
علشان كذا لاتصير حقود ونفسيه الرجال هو حر في حلاله ووانت ماعطيته عربون علشان تمسك السياره ولعلمك حتى لو اعطيته عربون يقدر يرجع لك عربونك وتتوكل ،،
دور غيرها وخيره وادع للرجال ببركه ،،
1
0
0
0
0
0
... شوف حقي الكابريس 2005 اعطيني فيه 24 وخذه
0
0
0
0
اعتقد انه استحى بس عطاك عذر خطأ
بس حتى لو طال عمرك مفروض انك ماتتصل عليه بالطريقه هذي
كان ارسلت له رسالة تحرجه فيها فقط وهو اكيد بيعتذر لك
قبل 12 سنه و 5 شهر