أضف سؤال أو موضوع جديد          

استاجرت سيارة وعندي سؤال

up 1 down 5
ahoh 178
قبل 7 سنه و 7 شهر



السلام عليكم ورحمة الله وبركاته

كيف حالكم يالربع

ياخوان انا استاجرت سيارة بحكم ان سيارتي في الوكالة , عندي استفسار ابي اسافر عليها الشرقية والكيلوات عندي تسمح باذن الله هل فيه مشكلة او التفتيش يطلب بطاقة او شي من المكتب يسمح لي بالسفر ؟ مع العلم مكتوب بالاستخدام " داخلي "
وسؤال ثاني تاريخ انتهاء العقد حطه المكتب يومين ومددته انا اتصلت عالسوداني وقالي اوكي خذ راحتك هل فيها مشاكل لانه منتهي الان لاكن من ناحية المكتب انا متفاهم معهم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لا مافيها مشكله اذا وقفت التفتيش وقالك اوراق السياره واثباتك عطه ورقه ايجار  فيه ورقه يعطيك اياها الايجار على حسب العسكري فيه بعضهم يقول انتهاء العقد وبعضهم يمشيك بس اذا طلب اوراق السياره  سياره عطه ورقه الايجار  بطاقه الاحوال ورخصه وماراح يقولك شي 


up 0 down 0
سكودر 14928
قبل 7 سنه و 7 شهر



وش المشكلة الوضع عادي صارت لك ظروف وتأخرت وأنت متفاهم وياهم على كذا 
وحتى العسكري اذا شك بيرجع للعمليات برقم اللوحة ويستفسر هل على السيارة بلاغ من المكتب او لا وإذا مافي شي بيقول لك توكل على الله



up 0 down 0
for speed 752
قبل 7 سنه و 7 شهر



روووووح ودربك أخضر


up 0 down 0
أبولتين555 655
قبل 7 سنه و 7 شهر



الداخلي يقصد فيها داخل المملكه


up 0 down 0
احمممممدها 1117
قبل 7 سنه و 7 شهر



اهم شيء اقطع قلبها (:


up 0 down 1
hack1 2915
قبل 7 سنه و 7 شهر



الداخلي يقصد داخل المدينة اللي استاجرت منها وانتبه بعض التفاتيش يستقعدون عليها


up 0 down 0
ابوابراهيم ksa 1391
قبل 7 سنه و 7 شهر



مر المحل وجدد العقد وخله يختم لك خارج المدينة وﻻ تاخذ خمس دقايق


up 0 down 0
ابوابراهيم ksa 1391
قبل 7 سنه و 7 شهر



انتبه وانا اخوك لا تسافر علي السياره الا لما ترجع للمكتب وتمدد رسمي بالورق وحاول تتحايل 
علي السوداني يمددلك من الكيلوات.
اسمع نصيحة اخوك اقدر اصفق لك واضحك لك 
واقولك رح ما عليك خلاف بس انا ياما انقرصت 
من المكاتب ومن نصبهم وخلك حريص ترا القانون 
ما يعرف اتصلت علي السوداني القانون عليه 
بالأوراق اللي قدامه .
لا سمح الله والله يبعد عنك كل شر لو صدمت 
بالسياره التأمين ما يعوضك لان مدة اجارك 
منتهي وتعتبر عليك قانونيا خيانة أمانه لأنك 
استأجرت سياره وانتهي العقد وما رجعت السياره
يعني استحوذت علي السياره واعتبرتها ملك خاص وانت ماجرها لو نقول بالرياض وانت مسافر بالشرقيه عندها المكتب يطالبك سياره 
جديده او يطالبك بقيمة السياره . 
نصيحه مدد علي الورق وخل شغلك رسمي امان 
لك وتحافظ علي حقك القانوني 
تسافر وترجع بالسلامه 


up 1 down 0
foxzx 1593
قبل 7 سنه و 7 شهر



نصيحة مدد العقد بالمكتب واضمن حقك ابرك لك وكلام الاخ foxzx عين العقل
مع انه اصلا المرور وامن الطرق مايركزون اصلا مرة على الاستمارة خصوصا اذا ماكان فيه بلاغ
والله يسلمك بطريقك ولا تنسى دعاء السفر


up 1 down 0
قمم المجد 364
قبل 7 سنه و 7 شهر