أضف سؤال أو موضوع جديد          

انظمة الشكمان هل ارتفاع الصوت عليها مخالفات

up 0 down 9
aldossariaim 80
قبل 8 سنه و 2 شهر



السلام عليكم

ياشباب

انا عندي انفنتي إم35

الفئة هذي تحت الFX وفوق الG

موديلها 2006

بوكالتها يجي فيها نظام شكمان ابو دبّتين، كل دبة مخرجين
يعني اربع مخارج

المهم

السيارة حقت سرعة بمحركها 6 سلندر سعته 3.5 مع 24 صمام

انا غيرت سستم الشكمان من Y الى X بايب

وقد ركبت معها دبّات ماغنافلو

المهم الصوت طلع خرافي حيل، مع انه كان عالي مرة لدرجة ان بعض الاجزاء الداخلية في مقصورة السيارة اسمعها، اهتزازات ببعض المناطق

(الصوت ماكان مزعج، انما عالي، فرق بين المزعج انك تسمعه وانت في بيتك مثل حقين الدداسن الحمير اللي تاركتهم الدورية، والعالي هو اللي تسمعه وانت بره بصوت ملحوظ فقط وصوت حلو وزين)

مع مرور يومين من التركيب

وقفتني دورية بالتفتيش وقالولي وش مسوي بالسيارة معلي صوتها كذا ليش ومدري وشو هذي عليها مخالفة وحجز سيارة وقام يلخبط بالكلام

المهم قلت له لحظة وقف وقف، ياخوي هذي انفنتي هذي غرضها كذا

قال لا الصوت عالي وممنوع وليش تعبث سيارتك
قلت له ماعبثت شي لاتلف الموضوع ياخوي وين ريّسك

قال ريسي بيقولك نفس الكلام

صار بيننا نقاش وبالاخير تركني بحالي وقال غيرها المرة الجاية واذا شفناك كذا بنحجز السيارة

انا سكتت بعدها ماحبيت ازود الطين بلة

سؤالي الحين، هل هالشي عليه مخالفة صدق؟ او ان الشرطي كذاب ومنقهر من حاجة لانه توه بزر







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لو كان صوتها مرتفع ايه عليه مخالفه

وانت واضح من كلامك انها مزعجه لدرجة السياره جديده وتسمع صوت الديكور الداخلي

بعدين نقطة تفتيش يعني ما شافتك تمشي

جاي من بعيد رافع رجلك عن الدعسه ووقفت عنده والصوت بدون ما تدعس كان واضح انه قوي

يعني مخالف

انت كذا من نفسك ما عندك احساس

يعني تطلع اخر الليل الناس نايمة وانت مزعج الناس اذا انت مطربك الصوت غيرك كثير يزعجهم


up 5 down 3
مشكلتي بصراحتي 18
قبل 8 سنه و 2 شهر



صوت السيارة ماكان مثل صوت الحمّارة

كان صوت محترم، صوت انفنتي انفنتي، لمن تشوف انفنتي فئة G الكوبيه، نفس صوتها بالضبط

ماكان مررررة عالي، لكن مسموع وملحوظ

ومع كذا وقفوني وصار اللي صار




up 1 down 0
aldossariaim 80
قبل 8 سنه و 2 شهر



اخوي نصيحه ماتستاهل مشاكل الصوت صلحه او شوفله حل ورجعه وكاله وريح دماغك من الجرجره 
ليه مبتلش نفسك بالصوت المزعج 


up 1 down 0
احمد شريف 3176
قبل 8 سنه و 2 شهر



حالياً صوت السيارة منخفض ورجع زي اول عادي بدون اختلاف نغمة الصوت

لكن اللي صار قهرني صراحة، يعني انا اشوف يومياً سيارات بالهبل، اصواتها عالية ومزعجة انا شخصياً انزعج منها، ومع كذا اشوف هالدوريات تمر جنبهم ولايقولولهم شي مع الخيل ياشقرا


up 0 down 0
aldossariaim 80
قبل 8 سنه و 2 شهر



يارجال هذولا درباويه سيارتهم اصوتها عاليه لا وفوق كذا ازوعاج وفوق كذا  صوت مخيس ماهو طرب ومن غير كذا ماحد يقولهم شي 

 مع الاسف عندنا دوريات هنا ااذا شافو ناس  معهم سياارت سبورت يوقفونهم مادري وش بلاهم على ناس الي بحالها  ويتركون درباويه 

 خويي معه كمارو  اس اس  جايبها من امريكها معدله   دوقفه راعي دوريه   وقال صوت مزعج وعليها مخالفه قاله يا حبيبي  هذي سياره سبورت وبعدين اذا تبي تسوي فيها تلتف  لحد روح شوف درباويه ماحد قالهم  شي وبلع لسانه ووركب دوريه وراح 


up 3 down 0
سكودر 14928
قبل 8 سنه و 2 شهر



اي نعم ياخوي عليها مخاله ازعاج او حجز سيارة 


up 1 down 0
ولد المدينة 2014 1307
قبل 8 سنه و 2 شهر



يغالي انا مركب دبات جمس على كابرس وصوتها عالي
وامر تفتيش محد قد كلمني والا قلي ليش الصوت كذا

ماعدا عسكري قلي الصوت للبيع *-^ 
عيش حياتك اطرب نفسك ولاتفكر في احد


up 0 down 5
مورد الماء 322
قبل 8 سنه و 2 شهر



حسب نفسيه العسكري
ولا نظاما عليها مخالفه ازعاج وتزال بس تحجز اذا تكرر 
مره ثانيه فيها سيارات الصوت عليها يطلع اوكيه
وبعضها اعوذ بالله تقول حراثه تمشي جنبك


up 0 down 0
ابوسعيد الاحمري 1017
قبل 8 سنه و 2 شهر



أخوي معروف أن التعديل على صوت قزوز السيارة عليه مخالفة و حجز
ومو عندنا بس هذا في كل دول العالم

لكن بعض العسكر نفسه خايسه خاصة إذا كان ورع درباوي
من اللي سياراتهم دادسن و كامري و سواناتا و هايلكس و اللوحه مشيوله

قبل يومين و أنا أمشي بالدائري الجنوبي ماسك المسار الأيسر و أمشي ١٠٠
طلع لي بزر معه جيب ربع دورية ويزعجني بالبوري تبع الدورية قاااااق قاااااق
تقول عنده مهمة أو مداهمه
و المشكلة شايف الوضع ما يمديني أفتح الخط على يميني سيارات
المهم و افتح له الخط بعد ما تجاوزت السيارات و يسقط وهو ينفخ الحيوان بالبدله
قسم بالله لو ما كنت مداوم و قفته و لعنت خامسه الكلب 
اللي قاهرني ما عنده شيء تعداني و هدا !
الشكوى لله الله يعينا ابتلينا بمبزره أكبر واحد فيهم مواليد ١٤٠٩


up 1 down 2
أبو جـود 2747
قبل 8 سنه و 2 شهر



الله يمحا كل شخص يسوي صوت عالي بموتره عن وجه الارض 

ازعجتونا واقرفتونا 

بيتي علي شارع عام ماني قادر انام من ازعاجكم

بلا سبورت بلا خرابيط

الشركه مصممه السياره رياضيه بصوت مقبول لان الانظمه العالميه لها حد معين بالضوضاء

يجون الوراعين ويعدلون عليها وخذ طرطره 

ودي هالاشكال يحرقون فيهم مو بس يعطونهم مخالفه




up 3 down 7
العنقري 591
قبل 8 سنه و 2 شهر



^^^^
عد ارقد يا رجال واترك عنك الدعاء


up 3 down 1
مورد الماء 322
قبل 8 سنه و 2 شهر



نعم البي اعرفه عليها مخالفة , لكن والله استغرب من الأمور هذي ايش المشكلة فيها يعني ؟ , انا كنت في السيارة السابقة مسوي دبة ماقنافلو وكان صوتها ناعم وحلو وفقط عسكري واحد جنبني وسالني عنها , المفروض يعني دام الصوت ناعم وبسيط ومو مزعج يسهلوا الامر , ومو بس في الدبات في كل الامور الثانية ياخي العساكر ذولي بعض الاحيان يقهروني قهر ماهو طبيعي , على قولة الآخ اللي فوق اكثرهم يجوكـ درباوية وجهلة والواحد اخلاقوا صفر يجيكـ يشوف نفسوا عليكـ ...!


up 0 down 0
موليا 772
قبل 8 سنه و 2 شهر



صك لسانك يا العنقري ، أنا معك فيما قلته وأزيد عليه : إن هولاء الأوباش المزعجون جراثيم في المجتمع الإجرام يسري في دمائهم ، متعمدين لأذية الخلق ، كم من شخص مريض يحتاج إلى الهدوء والراحة وآخر نائم في بيته ثم يأتي هؤلاء الغوغاء فيزيدون المريض مرضه ويقلقون راحة العباد ، فأسأل الله أن يصم أذانهم ويكفينا شرهم   


up 1 down 5
رعد 4 3254
قبل 8 سنه و 2 شهر



آسف أقصد (صح لسانك)


up 0 down 2
رعد 4 3254
قبل 8 سنه و 2 شهر



انا اشوف ان فيه بعض الناس مايفرقون بين الصوت المزعج والصوت العالي

الصوت المزعج اللي تسمعه في بيتك يابو الشباب واتمنى ان دعاءك هذا عليهم هم

بينما موتري كان صوته عالي ماتسمعه الا اذا انت بره تسمعه بشكل ملحوظ ويعجبك الصوت


اقولك انفنتي تقوللي ددسن، اتمنى دعاءك هذا يُحصَر على حقين الدداسن المزعجين والسلنتح اللحوج حقين المركري مدري فورد



up 2 down 0
aldossariaim 80
قبل 8 سنه و 2 شهر