أضف سؤال أو موضوع جديد          

عيوب سيارات جيلي

up 12 down 5
محمدبن غالب 30
قبل 8 سنه و 11 شهر



السلام عليكم ورحمة الله وبركاته 

بدون اي مقدمات..............بعرض العيوب اللي واجهتني للحين فقط وغيري حصل العن والعن قدامي بالوكالة


يالناس السيارات حلوة بس خراباتها جننتني كل يومين وانا لاقي فيها مشكله
اسمعو الخرابات اللي واجهتني :
1- خراب في القير
2-خراب في البواري 
3-اصوات غريبه وانا امشي فوق 160
4-خراب النور الواطي
وحصل كم خراب مايحظرني حاليا 
الانوار يقولون مي بالضمان مع العلم ان انهم يقولون غريبه النورين تطفي سوا 
الاصوات يقولون مايوضح معنا
الجربكس صلحوه بس بعد ماكرهوني العافيه مع مماطلة شهر وبدون يعطوني سيارة بديله او ورقه لمحل ايجارات 





انا كان معي مبلغ 30000 ريال وكنت بشتري اكسنت ولقيت هالسيارة واغروني بضمان خمس سنوات واغرائاااات
وقلت هالسيارة بشتريها وبنساها لمدة اقل شي ثلاث سنوات مالي خمس شهور شوفوني كرهتها من خراباتها 
واغراتهم الخمس سنوات طريقتهم كل خمس الاف تمر عليهم وياخذون منك 250 ريال على اساس يكشفون على 
السيارة ويسوون فحص كامل والله حتي السيفون ماغيروه لي على كلام البنشري اللي مريت عليه 
وازيدكم من الشعر بيت يغيرون ارخص زيت اللي مايمشي 2000 كيلو اللي هو موبيل ويقولون انت مو اعرف من ا
الوكالة مع العلم انك بعد 150 الف راح ينتهي الظمان وبعدها شوف خرابات المكينه 




اخيرا وليس اخرا 
والله اني ندمان على اني شاري هالسيارة وتمنيت اني شريت هونداي واي سوال انا حاضر 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اللي بيشتري جيلي يمر الوكالة ويشوف اصحاب السيارات اللي مر عليها 5 سنوات ويسال اما انك تسأل واحد ما كمل سنه والله لو انك تسأل عن جوال… عموماً فيه خيارات افضل ومقاربة للسعر


up 0 down 0
محرج حراج
قبل 2 سنه و شهر



وعليكم السلام ورحمة الله وبركاته
يقول لك أسأل مجرب ولا تسأل طبيب
سيارة شكل فقط اما مضمون فاحذرو منها
خلوكم على التايوتا والهونداي
زي ما قال الأخ كل شوي طالع به خراب
بعد اسبوع من طلعته خربت طرمبة البنزين
والآن الطبلون الاكتروني طافي
وأشياء كثيرة يظفشونك بها


up 0 down 0
هجوع الليل
قبل سنه و 8 شهر