أضف سؤال أو موضوع جديد          

وش السوات مع وزاره المواصلات والنقل

up 5 down 1
maldkheel 521
قبل 7 سنه و 10 شهر



مساء الخير ياشباب والله مدري من وين ابدا عموما فيني ضيقه مب فحد صخونه وكحه وتعبان لي من الاثنين الي راح وانا اراجع في المواصلات بخصوص نقل ملكيه تكس كامري 2013 شاريها من ابو جميل وكل يوم اطلع الدوام وابصم واستاذن من المدير زاروح لوزارة المواصلات تعامل سئ بماتعني الكلمه نفسيات تعبانه وتعقيد وتعجيز وكل شوي ناقص كذا وناقص كذا المصيبه ماعرفون وش يبون وانا على هلمنوال من الاثنين الي راح الي الخميس الماضي في الاخير قالي الموظف خلاص الخطاب راح تستلمه الاحد انشاء الله وانا من يوم الجمعه تعبان وحالتي حاله ادعولي يا اخوان بشفاء العاجل جزاكم الله خير اليوم الصبح داومت والصخونه مرتفعه عندي بصمت واستاذنت من مديري ورحت المواصلات مبسوط قلت باخذ خطابي موجه للمرور (( لامانع بنقل ملكيه المركبه لفلان ادمي )) المصيبه يوم جيت الشباك مع الزحمه والسري والموظف نفسه في خشمه يوم جادوري يقول شعندك انت ؟؟؟؟ وانا خايف وابتسم واكح 3 في واحد خطاب قالوا لي اليوم يجهز وجاي اخذه المفاجئه مالك خطاب بعد مادور مالك خطاب ؟؟؟؟؟ شلون وكيف الا يقول وخر وافتح مجال للي بعدك قلت له اوراق وانا اسبوع من جه الي جه مره مرور ومره الاحوال المدنيه وصور والحين تقولي مالي اوراق قالي زي ماقلت لك يلا ابعد خل الي بعد يالي بعده اشوف الي وراي حشر نفسه بيني وبين الجدار وانا ظغطي اتش مدري وش السوات مشيت من يمه شويات الا يتصلون علي العمل واعشق وامشي قلت ممكن بكره تخلص واساسا مافيني حيل اتهاوش معهم لن صوتي طايح واكح وحالتي حاله عطوني رايكم ياشباب وش المفروض اسوي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


يارجال الوزارات كلها نايمه ، والله مادروا عنك ::::


يابلادي واصلي


up 1 down 0
hmada1213 2018
قبل 7 سنه و 10 شهر



خذ حقكك بالصرااااااااخ صدقني جربتهااا


up 4 down 0
lolo-ss 4514
قبل 7 سنه و 10 شهر



الله يشفيك يا اخوي وترا المرض من ربك تكفير للذنوب
وعليك بعصير الليمون طبيعي انت سوه اعصر ليمونه 
بكوب مع مويه وسكر خفيف وأخذ لك حبيتن بنادول بإذن 
الله اتشافا
وعلي موضوعك لا تسكت رح للموظف اللي عطيته الأوراق قل 
الخطاب ما طلع وموعدي اليوم والموظف اللي استلم منك هو المسؤول
لانه هو اللي استلم الأوراق ولازم يروح يجيك وين العطلة بالموضوع
واذا ما لقالك حل ادخل علي المدير العام وقله ادخل عليه لا تستحي ولا تخاف
قله الموضوع واللي يستحي من الرجال ما يخلص شغله وهذي المعاملات لازم تركض
وتتعب وراها ولا ريح نفسك وشف لك واسطه .
والله يشفيك وتخلص معاملتك
تحياتي لك  


up 2 down 0
foxzx 1593
قبل 7 سنه و 10 شهر



رحم الله والديكم اخوي / foxzx ماقصرت ومشكور ع النصيحه ولا يهنون باقي الشباب المصيبه مقدر كل يوم استاذن لكن بحاول بكره وعساني اتحسن يارب تستاهلون لايك


up 1 down 0
maldkheel 521
قبل 7 سنه و 10 شهر



العفو وانا اخوك ما سوينا شي 
والله حاس فيك وادري انك ما تقدر تترخص
بس انت رح للموظف وقل بقلبك يا الله يا رب ملكني قلب هذا الشخص 
وكلمه بالهداوه وقله يا اخوي الله يطول بعمرك تراني موظف وهارب من دوامي ابو ساعه
وابرد قبل لا يحسون بغيابي يمكن يحس علي دمه وشوف معاملتك اما تجي تصارخ عليه 
علي طول راح يعاندك اما اذا جيته بهداوه وكلمته واذا ما نفع عطه وجهك الثاني وقله انا سلمتك 
المعامله وانت مسؤول عنها تشوف وين العطلة بالمعامله وما راح اطلع من مكتبك الا اعرف وش 
صار علي المعامله واذا طردك الموظف من المكتب اسكت ورح للمدير العام وحجه بحجتين 
قل للمدير معاملتي مضيعينها ورحت لللي استقبل المعامله وطردني من المكتب . 
ترا طردت مراجع من مكتب حكومي شي كبير عند المدير لانه يخاف من المساءله وخاصةً انت معاملتك
كامله مو ناقصه .
وربي يوفقك 


up 1 down 0
foxzx 1593
قبل 7 سنه و 10 شهر



تسلم يالغالي اي والله صعبه انا اطلع من البيت بالدمام وعلي المطار ابصم واستاذن وارجع بوسط الدمام اقطع حول 110 كيلو شغلي يتراكم على مكتبي والزملاء كل واحد الي فيه مكفيه لكن بكره باذن الله بروح لهم وبطبق كلامك بكتب لكم وش يصير معاي بكره باخذ سكليف الليله بروح المستشفي براجعهم وباخذ سكليف وبكره سيده انشاء للمواصلات والله يكتب الي فيه الخير


up 2 down 0
maldkheel 521
قبل 7 سنه و 10 شهر



ربي يوفقك ويشفيك 


up 0 down 0
foxzx 1593
قبل 7 سنه و 10 شهر



للاسف الموظفين غير مؤهلين للعمل
لذلك تلقى نفسياتهم خايسه وتعاملهم زفت ولا احد فيهم يبتسم حتى للمراجع ويجونك متاخرين ويطلعون بدري
والبريك يزودونه نص ساعه
المفروض قبل التوظيف يختبرون الشخص هل يتحمل ضغط العمل هل نفسيته كويسه الخ 


up 1 down 0



يالله يارب انك تفتحها بوجه maldkheel وتسهل امور وتسهل عليه كل صعب

الله يشفيك ويعافيك، وان شاء الله تتسهل عليك الأمور وتنقل السيارة بإسمك وترتاح


up 1 down 0
golden eye 124
قبل 7 سنه و 10 شهر



الله ييسر أمرك .. والله انا أبغ أغير سيارتي لليموزين .. وخايف من هالأشكال الي ماتمشي إلا بواسطه .. حسبي الله ونعم الوكيل الحين لازم اتدور لي معقب عندهم يخلصني بسرعه 


up 2 down 0
أبورولا -58
قبل 7 سنه و 10 شهر



الحمد لله ابشركم يا اخواني الله شافاني من الصخونه باقي الزكمه والكحه وتيبس في طرف الانف بخصوص الخطاب والله رحت امس الصباح ورحت الصادر الوارد وشيك الموظف المفاجئه ؟؟؟ مافي شي بهلاسم واساله شلون قال لن في مجموعه ثانيه مابعد تجي من التوقيع عند المدير قالي نفي الموظف تعال علي 12 ونص ولا وحدة الظهر ورحت ورجعت وشيك لي الا يقول ماجا شي رح للمدير واروح لمكتب المدير واسال السكرتير شيك لي في سجلات المعاملات الصادرة من مكتب المدير قالي ماجي شي عندنا ارجع هناك والله وانفجر فيه وادف باب المدير والله وادخل اقسم بالله يارجال انحرجت منه يطالعني ويبتسم تفضل ؟؟؟؟؟ علمته بسالفتي قالي اطلع للسكرتير يشيك في السجلات قلت له اسمي موموجود قالي رح لفلان قله جايك من مكتب المهندس وعلمه سالفتك اقسم برب البيت ياشباب رحت له وعلمته بسالفتي ويرفع التلفون ويتصل وتطلع معاملتي عليها ملاحظه صورة الاستمارة مومرفقه ويقوم وياخذ الصورة من عندي ويرفقها في المعامله ويطبعون الخطاب ويعطوني المعامله في يدي واروح واوقعها من المدير وعطيتها السكرتير عشان يرحلها برقم وعطاني المعامله ورجعت لهم للصادر والوارد علي نهايه الدوام وصدروا الخطاب لي عن طريق الصادر والوارد والحمد لله استلمت الخطاب بعد معاناه والله لكن ليش هلعطله يوم بغوى يخلصونه في وقته ماجلس الا 20 دقيقه وهو خالص بينما اول جلسوني حدود 5 ايام واساسا المعامله فيها نواقص بدون تشيك المعامله الحمد لله ع كل حال .


up 0 down 0
maldkheel 521
قبل 7 سنه و 10 شهر



الحمد لله يالغالي تسهلت امورك، والله يهدي بعض الاخوان الموظفين في الدوائر الحكومية

مايقوم بعمله على أكمل وجه، لازم من المماطلة او التأخير، حسبنا الله ونعم الوكيل


up 0 down 0
golden eye 124
قبل 7 سنه و 10 شهر



بعض الموظفين نجس وسبق وتعاملت مع بعض الاشكال الوسخه اذا باقي كم دقيقه على الاذان يوقف الدوام ويخليك تصف سرا مره ثانيه ويأخرك كله عناد ونجاسه


up 0 down 0
استثنائي 790
قبل 7 سنه و 10 شهر