أضف سؤال أو موضوع جديد          

نصائح للسيارات الأقساط وكذا

up 2 down 19
abood aljokr 203
قبل 7 سنه و 3 شهر



السلام عليكم ورحمة الله وبركاته








ابشركم بعت سيارتي وكنسلت موضوع الجيب وبطلع اكسنت اقساط ميسره وبشتري ارض والله يرزقني ويرزقكم نبي نخش فمشاريع الاراضي 








بقولكم على نصائح مع شركات التاجير والبنوك بعد تجربه معاهم وهي مفيده للي حاب يدخل في عالمهم








قبل ماتوقع العقد أقراه حبه حبه واسئل عن كل شي








هل تقدر ترجع السياره لهم وكيف الطريقه وايش الشروط وكم النسبه اللي ياخذونها وغيره








هل تقدر تتنازل عنها لغيرك او لا لانه فيه شركات او بنوك ترفض التنازل حتى للقريب لك








في حال تاخرك في القسط هل ياخذون غرامه تاخير او لا 








تاكد لو اسنبحت السياره بسبب تاخرك وكان فيها اغراض مهمه او فلوس وراحت عليك فالبنك يخلي مسؤليته والعقد اللي انت موقع عليه يقول ( عند سحب السياره البنك يخلي مسؤليته عن فقدان اي اغراض فالسياره )












في حال سحب السياره بسبب تاخرك هل يرجعونها لك بعد ماتكمل لهم الاقساط المتاخره ولا يروحون يبيعونها ويدفعونك الفرق بين قيمتها الباقيه وقيمة بيعها فالسوق !!!








هل يوقعونك على سندات قبض بقيمة السياره توقعها كامله وهذي خطيره شوي لانهم موقعينك على قيمة السياره كامله بسندات ( بعض البنوك او الشركات ماتوقعك ولا شي ) 








هل يعطون تفويض لغيرك يستخدمها ويعطونه تامين بعد او لا








تاكد ان السياره ليست ملكك ولو سحبها البنك بسبب تاخيرك في القسط ماتقدر تحاجه وان سحبت عليهم راح يتعلق اسمك في ( سمه ) وتبقى في البلاك لست








تاكد انه هناك قد تكون شروط او جزاءات او غرامات مرتفعه في العقد لن يظهرها لك الموظف لان هدف الموظف هو اظهار الشرط الميسره ومدح السياره من اجل كسب العملاء وهذا ماحدث معي اليوم








سئلت الموظف ؟








قلت له ليه ماتوضحون للعميل عن شروطكم مثل عدم التنازل عن السياره في عجز العميل عن السداد !!!!








قال ياحبيبي هذي مشكلتة العميل ليه ماقرى العقد !!!! لذلك انتبه وحاول تعرف ايش اللي لك وايش اللي عليك








التزم بسداد القسط اول باول مهما كنات ظروفك وانا جربتها مع بنك فرنسي وبصراحه كان تعاملهم واجرائاتهم سهله وتعاونو معي يوم تركت السياره لاني كنت منتظم فالسداد








نجي نحسبها ماديا








مثلا راتبك 6000 ومتزوج








بتاخذ سياره قسطها 1600 يبقى من راتبك 4400








ايجار الشقه 1500 يبقى 2900








فاتورة الجوال + فاتورة + الكهرب + وصرفية + الاكل + وزوجتك وعيالك !!!! 2900 ماتكفي شي ولاتعيشك ولا بتصبر 5 سنوات على 2900 هذه اذا مارتفع الايجار والحياه بدات تصير غاليه 








لذلك وقف وانتبه وارجع عيد الحسبه وابحث عن سياره تناسب دخلك الشهري سواء عزوبي او متزوج قبل ماتفكر فمواصفات السياره وتطنش قيمتها وقسطها فكر في وضعك المادي وكم راح يصفالك نهاية الشهر !!!








لذلك فكر في قسط السياره قبل ماتفكر في مواصفاتها وقوتها لان السياره مجرد وسيله وليست غايه عشان ارمي نفسي 5 سنوات اقساط مهلكه !!!








لذلك ابحث عن سياره قسطها 900 ريال والسيارات موجوده ولا تقول ابي اكشخ وابي سياره حقت خط !!!








كل شوي امسك خطوط واشوف ناس مسافرين بسيارات صغيره ومنها الياريس مكينه 1.3 سيارات كلها تمشي وتمشيك بس متى الواحد يفكر وياخذ سياره على قد حاله !!!








بعد ماتوزن حسبتك الماديه وتحدد قسط السياره المناسب لك ابداء البحث مره اخرى عن سياره جديده 








عشان الواحد يتفادى لايتعرض على ازمه ماديه ويضيع عمره وحياته وهو يقسط وفي البالك لست لاهو !!!!








وتاكد انه البنك او الشركه الماجره ماراح تضرب حساب لظروفك وتقدر وضعك 








الشركه اهم شي عندها انه القسط يجيها شهريا ومثل ما الشركه التزمت معك وطلعلتك سياره جديده انت بعد التزم بسداد القسط اول باول لذلك انسى شي اسمه ظروفي الماديه صعبه او من ذلك








لذلك لاتاخذ سياره الا بعد ماتحسب وضعك المادي وتشوف القسط المناسب لك وتاخذ سياره على قد حالك وتعيش حياتك بدون ازمات ماليه 








اخيرا اذا السياره لها اكثر من وكيل لازم تمر الوكلاء كلهم وتشوف الاسعار كيف ومثلا الاكسنت عند الوعلان مكينه 1.4 قيمتها 59 الف 








والاكسنت اللي اخذتها عند الناغي مكينه 1.6 ب51 الف يعني مكينه اقوى وارخص 








انتهى :::








اي خطاء او اضافه او تعديل او سؤال نتقبل رائيكم فيه والموضوع للنقاش 








حاليا اخترت اكسنت مكينه 1.6 فل اوبشن مواصفات الناغي قيمتها 51500 كاش والقسط 1150 السياره بتكون بيني وبين اخوي توه متوظف شراكه بيننا 








بعد فتره ان شاءالله راح اعطيكم رائيي فيها من جميع النواحي 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انت ناسخ موضوعي كامل وجايبه لزق مع توسيع فراغات ههههههههه
حتى موضوع الاراضي جبتها 


بصراحة تقرير رائع ومتكامل ومفيد وفيه بعض النقاط كانت خافيه علي ويعطيك العافيه....


up 0 down 1
أبوغانم 266 1
قبل 7 سنه و 3 شهر



شكرا لك على رفع الموضوع وظهوره من جديد 

لكن عيب عليك ماتذكر صاحب الموضوع الحقيقي 

على الاقل تقول منقوول 


up 2 down 1
ط ا ل ب ا ن 49
قبل 7 سنه و 3 شهر



اقول كل زق انت وياه والمضوع ذا صرله سنه يلي تقول ناسخه منك يلدخ 


up 1 down 15
abood aljokr 203
قبل 7 سنه و 3 شهر



اجل ياراعي الموضوع شريت اكسنت ههههههههههههه

واخوك متوظف توه بعد 


هههههههههههههههههههههههههههههههههههههههه


صار له سنه ولا ساعه انت الحين تكذب علينا تقول انك شريت اكسنت وانت كذاب 

ليه الكذب ياخي 


up 1 down 2
بزي ديزي -92
قبل 7 سنه و 3 شهر



صار له 11 شهر مو سنه ترى 

 تكذب مره ثانيه يعني ؟؟


هههههههههههههههههههههههههههههههههههههههههههههههههههههههههه


up 0 down 2
بزي ديزي -92
قبل 7 سنه و 3 شهر



هذا العضو سراق المواضيع
هذا موضوع كتبته انا وراح نسخه ولصقه
http://montada.haraj.com.sa/18701/%D8%A3%D9%8A%D9%86-%D8%A7%D9%84%D9%85%D8%B4%D9%83%D9%84%D8%A9-%D9%81%D9%8A-%D8%AC%D8%B9%D9%84-%D8%A7%D9%84%D8%A5%D8%B3%D8%AA%D9%8A%D8%B1%D8%A7%D8%AF-%D9%85%D9%81%D8%AA%D9%88%D8%AD-%D9%84%D8%AC%D9%85%D9%8A%D8%B9-%D8%A7%D9%84%D9%85%D9%88%D8%AF%D9%8A%D9%84%D8%A7%D8%AA/


up 2 down 1
اليابان 2203
قبل 7 سنه و 3 شهر



والله انك مصخره هههههههههههههههههههههههههههههههه 
شين وقوي عين خخخخخخخخخخخخخخخخخخخخخخخخخخخخخخخخخخ الله لايبلانا 
وكأنه يتكلم عن نفسه ... وش تحس فيه ؟؟؟ 


up 2 down 0
ff-ff999 344
قبل 7 سنه و 3 شهر