أضف سؤال أو موضوع جديد          

هام ... تحذير من بعض السلع الرديئة الموجودة في السوق...

up 7 down 3
nader2002 1629
قبل 5 سنه و 3 شهر



السلام عليكم ورحمة الله وبركاته أخواني أعضاء المنتدى ، حاب أمسي / اصبح عليكم بالخير وسامحوني على الانقطاع الطويل عن المنتدى ، وعاد لا تلوموني ماشاء الله عليكم تحبون الهوشات ههههه
المهم بعد غيابي الطويل حبِّيت  اشارك بمواضيع مفيدة ويعلم الله اني استفدت كثير من هذا المنتدى عشان كذا قلت  لازم الواحد يفيد مثل مايستفيد
وموضوعي هذا بخصوص بعض المنتجات الرديئة الموجودة في السوق الله يفكنا منها, وانا متأكد انه بعضكم ماراح يقتنع بكلامي, لكن انا اكلمكم من واقع تجربة لهذي المنتجات اقول لكم بأنها سيئة  وعموماً اغلب المنتجات الصينية حرام يندفع فيها ريال واحد  وصناعتهم مثل.....

وترا مابيني وبين الصينيين ثار هههههه   بس هذا الواقع
وانا اكتب لكم هذا الموضوع من جهاز لابتوب صيني من نوع  لينوفو وصراحة شغال معي اكثر من سنة زي الوردة  لكن  في نظري 80% من المنتجات الصينية رديئة
وخصوصاً الكفرات ياجماعة الخير شي مايستهان فيه  لأنه فيها  ارواح ناس واذا انت روحك ماتهمك  يااخي اهتم لأرواح عيالك واهلك على الأقل
يعني لازم يصير لك شي لاسمح الله عشان تقتنع ؟؟!! 

وآخرة صورة لبطارية هيلدين التركية وانا جربتها وهي من اسوأ البطاريات اللي مرت علي وماتكمل حتى 10 شهور الا وهي قاضية 
والبطاريات التركية بشكل عام سيئة وفي واحد من الأعضاء هنا قبل فترة نزل موضوع لبطاريته التركية  ناسي اسمها , بعد مانفجرت لكن الله ستر وماخربت ظفيرة الكهرب

وبخصوص الاطارات هذا الدليل وموجود في مواقع كثيرة وسوو بحث وراح تتأكدون
وآسف على الاطالة يجماعة الخير والله يسلمكم من كل شر  ووين ماكنتوا براً وبحراً وجواً. 
نقلاَ عن صحيفة الشارع السعودي:




 
وصفت الإطارات الشتوية المصنعة في الصين بأنها " كارثية" ، وذلك خلال اختبار أجراه نادي السيارات الألماني ومنظمة ألمانية كبرى متخصصة في حماية المستهلك.




وخلصت نتيجة اختبار أجراه نادي السيارات الألماني ومنظمة "ستيفتونج فارينتيست" على 28 نوعا مختلفا من الإطارات إلى أنه لا يمكن وصف أي إطار من هذه الإطارات على قمة القائمة باعتبارها "جيدة جدا" .




ووجد أن أنواع الإطارات الثلاث التي وصفت بأنها "غير كافية" مصنعة في الصين. وظهر في الاختبار أنه عند الضغط على المكابح بكامل طاقتها خلال سير السيارة بسرعة تبلغ 100 كيلومتر/ساعة وجد أن نوع "ستار برفورمر وينتر" و"ويستليك إس دبليو 601 سنو ماستر" يتوقفان بعد 18 مترا و22 مترا من خط المكابح أبعد من الوضع القياسي.




وذكر نادي السيارات في تقرير له إن " مثل هذه الفروق الضخمة حيوية عندما يتعلق الأمر بوقوع حادث أو لا" .




وفي القطاع الأصغر"مقاسات 185/65 آر15 88 تي" حصل إطار"إس بي وينتر سبورت 3 دي إم أو" من "دنلوب" على أفضل الدرجات وهي 1ر2 في الطرق المبللة. وظهر إطار "ألتراجريب" من "جوديير" بأداء متميز على الطرق الثلجية.




وتصدر إطار "ألبين إيه4" من شركة "ميشلان" الفرنسية القائمة في قطاع الإطارات الكبيرة"مقاسات 225/45 آر 17 91و94 إتش" ، إلى جانب إطارات "وينتركونتاكت تي إس 830 بي" من "كونتيننتال" و "إس بي وينتر سبورت 3 دي" من "دنلوب".



في اضافة بسيطة: اللي مطفر ومايقدر يشتري شي اصلي ومعروف , يااخوي عندك منتجات اندنوسية وماليزية وتايوانية والله انها احسن ب1000 مرة ونفس سعر الصيني تقريباً.









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الصين دوله ﻻيستهان بها .. وصناعاتها عظيمه 


ﻻكن المشكله بالتجار مايجيبون عﻻ النوع الردي عشان يكسب ... 


up 4 down 1
نقطتين 601
قبل 5 سنه و 3 شهر



ومشكور على التنبيه    ولك ﻻيك صيني هههههه


up 3 down 1
نقطتين 601
قبل 5 سنه و 3 شهر



المنتجات الصينية الي تيجي عندنا جودتها رديئة


up 1 down 0
كوكو888 558
قبل 5 سنه و 3 شهر



هلا بكم يالطيبين
صحيح كلامكم الصين دولة عظيمة وماتجي عندنا الا المنتجات الردية لكن فكروا شوي

الدول اللي تحترم نفسها مثل اليابان مثلاً عندهم  قوانيين  اي شركة تبي تصنع لازم تلتزم بالحد الأدنى من الجودة  ولا ماتقدر تصنع
اما الصين كل من هب ودب فتح معمل وجاب له عمال باضعف الرواتب وصدر 

ولو تلاحظون  الصين صناعاتها عظيمة لنفسها مثل ماصنعوا مكوك فضائي وغزوا الفضا  
لكن لما يفكرون يصدرون للعالم  يقولون بقريح وش دخلنا؟

وفي شركات يابانية تصنع داخل اليابان  ومهمشة في الخارج وصناعتها ممتازة جدًّا  والمفروض تنتشر وتغطي على السوق الصيني


وشاكر لكم مروركم الطيب ولكم لايكات كوكتيل يابانية على امريكية على اوروبية فقط هههههههههه



up 3 down 0
nader2002 1629
قبل 5 سنه و 3 شهر



مشكلة الصيني (الرخيص) الآمان فيه ضعيف بس فيه صيني جودة عالية بس يكون سعره مقارب للياباني وتجارنا مستحيل يجيبونه يقلك صيني بسعر الياباني كيف أصرفه فيطلب اقل المواصفات ليحظى بالسعر التنافسي.


up 3 down 0
nnmm 1409
قبل 5 سنه و 3 شهر



عاد هذي مشكلة الصينيين انفسهم ياخوي

اليابانيين لما انتجوا اعداد كبيرة من السيارات  في السبعينات والثمانينات نزلوها  بأقل من ربع السيارات الامريكية  صحيح كانت اقل راحة لكن ماتخلوا عن الجوهر وهو الجودة  لهالسبب انتشرت السيارات اليابانية بعد ماحققوا سمعة طيبة
لا وازيدك من الشعر بيت كانت سهلة الصيانة اكثر من الالماني  وحتى الامريكي نفسه



up 1 down 0
nader2002 1629
قبل 5 سنه و 3 شهر



صدقت البضاعة الصينية رديئة الا اللي تجي من الشركات المعروفة و تجمع في الصين تجي الجودة لا بأس بها 
و على فكرة لاب توب لينوفو شركة ممتازة و كانت تبع شركة IBM  العريقة 
أما الكفرات ما احس بالامان اذا حطيت صيني في سيارتي 


up 2 down 0
دفتر 220
قبل 5 سنه و 3 شهر



تعديل ** ربع سعر السيارات الامريكية**


up 1 down 0
nader2002 1629
قبل 5 سنه و 3 شهر



صدقت اخوي دفتر  وبخصوص لابتوب اللينوفو والله ماعندي علم اذا كانت الشركة تبع IBM

وترا مو كل مايصنع في الصين صيني عندك مثلاً البلايستيشن من شركة سوني اليابانية ويصنع في الصين وجودته عالية
انا اتكلم عن المنتجات المصنوعة من قبل الشركات الصينية نفسها


up 1 down 0
nader2002 1629
قبل 5 سنه و 3 شهر



التجميع الصيني يفرق عن الصناعة الصينية 

السلع الي تجمع في الصين غالبا جودتها ممتازة 
كل الاجهزة الالكترونية والهواتف تجميع الصين لكن جودتها ممتازه بسبب ان الشركات نفسها هي المشرفة على التجميع

ايفون وسامسونج وموتورولا سوني وسانيو و ال جي كلها شركات عالمية تجمع اجهزتها في الصين


بعكس السلع المصنعة في الصين 


up 2 down 0
naac 2 2717
قبل 5 سنه و 3 شهر



انا اتفق  معك اخوي  naac 2  تماماً في كل كلمة قلتها  ولك اطلق لايك الماني تجميع صيني هههههه


up 2 down 0
nader2002 1629
قبل 5 سنه و 3 شهر



وعندي اضافة بسيطة:
بالاضافة الى الاشراف على التجميع تستخدم غالبية الشركات غير الصينية مثل اليابانية والاوروبية والامريكية خامات ومواد
ممتازة عكس الصينية اللي تستخدم مواد  ماتكلفهم شي يذكر


up 2 down 0
nader2002 1629
قبل 5 سنه و 3 شهر



انا رحت للصين وماشاء الله بلد صناعي درجة أولى وكل شي يخطر في بالك او ما يخطر يسونه وشفت عندهم شي بسيط للي يتصدر لنا وبحصره في غرف النوم لانه زيارتي كانت لشي هذا واغلب الصناعات الي تتصدر للخليج عموما تتبع نفس المنهاج .. كل شي له درجه .. غرف النوم كلها درجات عندك من الاولى لل 15 وللأسف محلات الاثاث الي لها وزنها بالخليج تيب أردى شي بعد سؤالهم معنه يأخذونها بمبلغ زهيد لا يتعدى 2000 وتحصلها اقل شي تنباع 10 آلاف وهم يأخذون جمله ف أكيد أرخص .. لو تتصدر لنا احسن شي من كل شي بصناعتهم بنرتاح لكن كل حد يفكر بالربح السريع مقابل جودة البضاعة 


up 2 down 0
بوسلطان 91297 342
قبل 5 سنه و 3 شهر



صادق اخوي بو سلطان بكل كلمة قلتها لكن المسؤولين  يريحونا ويريحون نفوسهم  ويصدرون قوانين تضع الحد الادنى للجودة
كان  ماقدروا التجار يلعبون علينا ويجيبون اسوأ شي 
يعني  الصينيين يتحملون المسؤولية بالدرجة الاولى
والبضايع الردية توفير بالبداية وخسارة في النهاية وهم ادرى بهالشي  لكن يتعامسون  والشكوى لله
ولك لايك ياالطيب


up 1 down 0
nader2002 1629
قبل 5 سنه و 3 شهر



تعديل
**المسؤولين الصينيين لو يريحونا**


up 1 down 0
nader2002 1629
قبل 5 سنه و 3 شهر



اطارات رنوي صناعتها صينيه وجودتها عاليه وعليها ضمان


up 1 down 0
wael1990 89
قبل 5 سنه و 3 شهر



هلا اخوي وائل
اللي اعرفه ان الرنوي اندونيسي وخير ياطير لو في ضمان ؟  اقرا الموضوع زين الله يهديك الخبر اللي نقلته يتكلم على سوء اداء الاطارات الصينية  لحظة التوقف المفاجيء وتفادي الحوادث
وماتكلم عن عمر الاطار الافتراضي ركز زين يعني  ماراح يعطونك ضمان على رساوة  وتماسك  الاطار لحظة التوقف المفاجيء
واكرر اطارات رنوي اندونيسية حسب ماجاوبوني اصحاب محلات التوزيع لهذي الاطارات

وشاكر مرورك ولك لايك...


up 0 down 0
nader2002 1629
قبل 5 سنه و 2 شهر