موضوع بانواع الاستهبال باعلانات بيع السيارات

16 5

لايمكنك التصويت حتى الحصول على 20 نقطة على الأقل
إضغط هنا للإخفاء

super x 175
قبل 11 سنه و 10 شهر

السلام عليكم

صار لي سنة تقريبا متابع الموقع

نفسي اعرف ليش الاستهبال موجود ب 98% من الاعلانات

مثال 1
واحد ببيع كابريس 2012 يجيك واحد يقلك تبادل ب اكسنت 2001 و ازودك !
بالله اللي معاه كابريس راح يبادل باكسنت

مثال 2
للبيع كامري 2012 فل كامل و يذكر كامل المواصفات و السعر و المطلوب لون لؤلؤي
يجي الاخ يرد ع الاعلان وش مواصفاتها !؟

مثال 3
لكزس ال اس 2012 جديدة و مافيها اي عيوب فل كامل

يجي مين يرد اشتري ب 200 وهذا خراجي !
انا وش ابي في دراهمك اذا تبخس الشي

مثال 4 سوناتا فل كامل 2012
السوم واصل 99الف و المطلوب 105000
وسعرها جديد اقل من السوم!

مثال 5
سومة فتح الباب ما ادري وش تبي من الحياة لازم تكون اقل من السعر المنطقي ب 50% يعني وجودها زي عدمها بالنسبة للمعلن

مثال 6
اي واحد عنوانه البيع عاجل = البيع باكبر خسف لسعر السيارة

مثال 7
شفت زي سيارتك في جنوب غانا ارخص ب 10000ريال
ما عجبك خلاص ما تخرب على غيرك

مثال 8
بعض الاكسسورات تكون طلبيات خاصة من امريكا مثلا عازل حراري يجي واحد مطفي اللبمات يسوي يقلقك انا شفتها بالنت ب 100ريال و انت عارضها ب 700ريال ليش الطمع !
طبعا تاليف و تخريب ع الغير وماهو حاسب لا شحن و لا اي شي في باله غير التخريب و اتهام الاخرين

في الاخير بصراحة اشوف العيب من المعلين مفروض ما يعطون وجه للي يحبوا يستهبلوا

ارجو ان يكون الموضوع في مكانه الصحيح
وطبعا المستهبلين ما راح يقصروا في التقييم

إبلاغ

الردود