الموضوع محذوف

للأسف الكفرات الصينية يا تخيب يا تصيب وللأسف أغلب البناشر ينصحون به لأن مكاسبهم فيه كبيرة
على العموم رح للبنشر اللي غيرت عنده واطلب منه يغيرها لك بنوع ياباني أو كوري على الأقل وادفعله الفرق وأنا أتوقع يقلك رح للوكالة حق سايلون وبيصرفك.

كفرات السايلون ي غالي لا تركبها الا ع جنوط زينه حق فرفره داخل المدينه

اذا خطوط و سفريات ابعد كل البعد عنها

طيب جرب زيد الهوا زيادة يمكن ساعة البنشري عطلانه واتمنى أكون افدتك

اخوي خويي عنده سيلون على اكسنت وله أكثر من سنه ولا يشتكي منها ماادري عن اذا يزلق أو لا شيك على ضغط الهواء تراه ناقص حظه 35 شوف يفرق معاك أو لا 

خويي معاه شبح 96 اس 500 ومركب كفرات صينيه وكل شوي يروح الكويت وسرعاته على 200 ويمدح فيها هاديه وناعمه ولينه على السياره والان كملت لها سنه وشوي

اما بخصوص انزلاق السياره فهذا يرجع لنوع دعسة الكفر

انا حاليا مركب دنلوب لكن الا الا اي بي اس اوقات مايمسك والسياره تزلق لان دعسة الكفر نقشتها مافيها فراغات كبيره وشبه ناعمه لذلك ماتمسك الا فالطرق الخشنه اما على طرق الرياض الناعمه والله انها تتزحلق
واللي يؤكد كلامي انو قبل كنت راكبه كفرات ميشلان وكان الا اي بي اس شغال ميه ميه وماتتزحلق السياره 
فبمرجد ماغيرت الفكرات صارت تتزحلق 

ترى النقشات تاثر على تماسك السياره

وافتكر مره واحد عارض كفرات جابها من امريكا ودعستها غريبه عجيبه وقال انو هذي مخصصه حق القومات ماتخلي الكفر يفحط
لان الدعسه تصميمها جاي بشكل خشن ونص الكفر تصميم والنص الثاني غير

طق لك طقم هنكوك جديد انتاج 2013
صحيح الجديد يجي تجميع اندونيسي بس اصلي
انا اخذتهن من الوكيل الواحد ب300 مقاس 215R16 
 و الحمدلله ارتحت و ارتاح الموتر

افضل حل ارجع للبنشر ورجعها له وان ما رجعها شكوى لوزارة التجارة غش تجاري

شيك لايكون مركب الكفر باتجاه غلط لان الكفر يركب باتجاه معين ولو عكسه يسبب لك مشاكل ويبدا يتاكل

الساسلون عن تجربه شخصيه ومن تجارب زميلي ممتازه تستحمل كرف مو طبيعي كل يوم دوامي بعيد ولاشفت منها الا كل خير