كم كيلو للخرج

80 كيلومتر تقريباً 

مشكور يا رعد بس تقريبا ولا اكيد

تقريباً والله أعلم ، إنشاء الله إنا أعطيناكم الإجابة المفيدة 

80 كيلو
والمده تقريبا من 30 دقيقه الى 40 دقيقه
ترا الطريق ملغم ساهر

من وين بتجي اذا مع الدايري الشرقي حدود ٩٠ كيلو
بعد ماتتعدا  مصنع الشهيلي فيه كاميرا ثابته
عند محطه الادريس  السرعه ١٢٠ 
وادخل تويتر اكتب ساهر الخرج ويعلمك مكان الكاميرات

وعندك الخط الزراعي خط القديم

مشكورين يا طيبين ما قصرتوا والله

فيه طريقه سهله افتح قوقل وخش على الخرايط وتعرف كل اتجاهات الطرق والمسافات بس شوي تفكير

شلون يعني عن طريق الايباد ولا ايش يا اخي

المسافة من مدخل الخرج الى إشارة العزيزيه تقريا ٧٨ كيلو 

بعد التفتيش تجيك شركة الكهرب بعدها بشوي فيه ساهر على يسارك جنب الصبه ( الحاجز الخرساني )

بعد مخرج ٨ وانت نازل مع الدحديرا  عند الرفايع فيه ساهر 

عند مخرج العفجه.  ( مخرج ٥ ) احيان يوقف الباص على اليمين مع السيارات الواقفة عند الكبري