زحام شديد جدا في الدائري الشمالي الرياض

الله يعينكم يا أهل الرياض 

وكذلك الدائري الجنوبي زحام الى مخرج 18 ومن ثم زحام من 15 الى بعد مخرج 8
شكلها واصله للمطار
على طاري الزحام تذكروني اول يوم تطبيق لنظام المتخلفين كيف كانت الشوارع فاضيه كان الساعه 8 او 9 الصباح والدائري تمشي فيه 140 شكل المتخلفين تطمنو وطلعو.

ي خي بعض الناس يمشي ببطء شديد 
امس امشي 100 وقدامي سيارتين العصر قلت مو معقوله زحمه 
اول مااخذت يمين الا اشوف الشارع قدامه فاضي يشيل فوق 10 سيارات

وبعض الناس الصباح وعلى الزحمه كلها تلقى ناس مروقين 
يمشي بشويش 
والمسافه قدامه كبيره 

من جاء اليوم اللي شالوا فيه مسار الكتف من الدائري والوضع صاير زحمه اكثر يجيك العامل والا شايب عاض طرف شماغه ويمشي 80 بالايسر والواحد بهالزحمات صبحيات والا ظهريات ماله خلق ملاحق ومساقط ووتسبب حكحكه صدامات والا صدمه لاقدر الله هذا كوم وكوم اخواننا مخققين البنات كوم يمشي صفر مفهي معلق التلفون باذنه ويرضع ولاطق خبرر لاحد تتعقد وانت تمشي وراه
ترا لك طريق ثاني يابعدي التخصصي جربه ولا تطب الشمالي امسك التخصصي وسيده لا يمين ولا يسار وتتعدا زحمه مخارج 5678 وينزلك على مخرج 4ب او أ على الدائري الشمالي وومنها كمل المسار عاد

بعضهم يكلم او عالواتس

ويعطل اللي وراه

اي واحد اشوفه على مهله اعرف انه عالواتس ومو حول الخط

أنشهد اليوم كنت فيه الساعه 8


زحمه مو طبيعيه


والمرور لا حس ولا خبر ما ادري ايش وظيفته ؟؟؟؟؟؟

الهجرة يا سكان الرياض و المدن الكبيرة
الهرووووووووب تلاحقوا أعماركم اللي يقدر

كيف نهرب وأنظمتنا البيروقراطية تقول راجع الوزارة الفلانية مستشفيات على كبرها وزحمة

الحمدلله انا كنت من سكان الرياض و نقلت و تركتهم و نسيت شي اسمه زحمه

الرياض صارت متعبة في كل شي 

مره كنت عند واحد من الجماعة ساكن في محافظة قريبة للرياض 
يقول اقوم اصلي الفجر وافطر واتقهوى واقعد اتسدح لين 6:40 واطلع اشغل الموتر احميه وارجع البس 

يقول ما تجي 7: الا وانا مداوم قبل المدير

وما تجي الساعة 1:30 الا وانا راكب موتري راجع للبيت

لا زحمة ولا غثاثة والعالم تجيك مروقة ومبسوطه 
يقول حتى المراجعين ودنا نروح لهم في بيوتهم نناديهم يراجعون 
ههههههههه

من خبرة السواقين اللي تحت التجربة والخاصين هم السبب تخيل هندي اول مرة يسوق سيارة متعود على سيكل ويعطونه اكسبدشن او تاهو او سيكويا او فان اتش ون بالله كيف يسوقه ما يمشي الا 60 ومفلل بزران وحريم ومن سوق ليا سوق اكيد فيه زحمة المفروض يسوون حضر ويخصصون وقت لهم

لازم نسوي حملة على اللي يمسك المسار الايسر .ويمشي على هونه واكثرهم يكونوا اجانب 
الزبده اجنبي سعودي مايهم .لا شفته اضرب البوري الين ماتفجر راسه 
خذا أسلوبي المتبع معهم 

الزحمه خفت الاسبوعين اللي راحت  ورجعت هاليومين