وش لنا ووش علينا ..؟؟

كلمة الحق تنقال والله ان جيتهم بحترام وابتسامه ان يمشيك وبيكون معك من احسن مايكون اما انك تمر عليهم منفس واسلوب زفت بيستقعد لك ويفتش موترك شبرشبر ولا يجيك واحد مظلل كاتم كل الموتر واذا وقفوها قام يهايط ووخفيفه وشمس وخرابيط وينافخ ويبي العسكري يحترمه كيف بس يحترمك وانت محترمت نفسك وخالفت الانظمه 
والله اني قبل مأمر على تفتيش الا موقفني ومفتشني لن موتري كان مظلل كاتم ويوم شلت التظليل وخليته خفيف والله محد قد وقفني امر ببتاسمه والله انه يقول تفضل 
صار لي موقف مع واحد من رجال المرور الله يستر عليه موقف غلط انا وجاني سلم وقال وقوفك غلط قلت وانا مبتسم  بنتضر الاهل ماراح يطولون اذا تسمح لي قال والله ممنوع قلت له ابشر قالي الله يسعدك دور لك موقف احسن من مخالفتك للنظام 

اتمنى تقيموني بخمس نقاط ابكتب موضوع ماادري عهنم ليش يسوون كذا تقييم سلبي بالله شوفو مواضيعي

اصابع يدك مو سوا فيه عسكر يقدرون ويحترمون اللي يحترمهم وفيه العكس 
بعضهم ماصدق يلبس البدله عشان يهايط ع العالم وبعضهم والله حتى السلام مايرده

صححححححححح كلامك

وجهة نظر...الي يقول تعاله بٲحترام وٲبتسامه وجامله ٲو بالٲصح ٲرضخ. ودوس على كرامتك حتى تسلم شره هذاغير صحيح البته.ا غير صحيح
وخصوصاً مع رجال المرور...لٲن عمله مخالفات وهذا تخصصه فٲحتفظ بكرامتك ٲفضل....

نروح لرجال الظبط الجنائي شرطه دوريات ٲمن بحث جنائي ﻤتخدرات ٲمن طرق جمارك ......لايصح لٲي عسكري يفتشك الا بوجود مبرر وشبهه واقعه ...والي كان مصدق يكتب في قوقل نظام الاجراآت الجزائيه ويستفيد.....

يعني ٲنت نظامي سيارتك نظاميه لاتوجد شبهه لايحق له تفتيشك
في حال هناك شبهه. يخبرك السبب للتفتيش ...ثم يقوم بتفتيش المركبه ٲمامك بعد ٲن يقوم بفتح يديه حتى الا يقوم بوضع شي في السياره ويتهمك به ...عشان يتعدى وياخذ اجازه...

في حال عدم تفاهم العسكري معك ولا ينافخ ولا شي الا تتجادل معه ٲتصل بعمليات المنطقه والجهاز الذي يتبع له وٲخبرهم وسوف يٲدبونه وٲنت تسمع....
وحصلت لي على طريق الرياض نقطة الي حول الخرج وصلنا النقطه ومستانسين ونظحك قال العسكري ليش تظحكون قلنا بيننا موضوع وقام وفتش ودور وبالٲخير قال ٲنا ٲوريكم الضحك ويلطعنا نص ساعه وندق على العمليات حقتهم ويغسلونه وٲحنا نسمع الجهاز ولا فتح فمه بكلمه نٲسف عالٲطاله....وشكراً

النظام العالمي والمتفق عليه ١ـ اذا ستوقفكـ عسكري  ينزل اليك ٢- يعرف بنفسه ويقولك لماذا استوقفكـ واذا لم يقول لك الحق بسؤاله ويجب عليه ان يجب ٣- اذا لم تكن مطلوب أمني يستأذنك لفحص وتشييك السياراه ٤-  للأسف عندنا العكس انت تنزله وهذا يشكل خطر على العسكري لكن عندنا عجز منهم تشفووون الواحد مكرش وياله يمشي من الجلوس بسياراه

ولد خالتي وولد خالي مسافرين بسيارة وحدة وهم راجعين بطريق سيد واحد طبعاً الطريق فاضي ما فيه احد المهم واقبلوا على تفتيش ووقفوهم وقالوا نبي نفتش السيارة وفعلاً فتشوا كل شيء بالسيارة وعطلوهم نص ساعة وبالنهاية ما حصلوا شيء وقالهم توكلوا...

السؤال هنا بأي حق يفتشون لا السيارة مشبوه فيها ولا شيء؟!
على كلام ولد خالتي من الفضاوة اللي فيهم فتشوا...

صباح الخير ي ابراهيم التركي بالله عليك اذا المرور السياره ماهي باسمك يخليك تروح اجل ههههه من وين جبت هالكلام وبعدين الدوريات الامنيه تقوله اجيب عشا من مكان بعيد ! ي اخواني الدوريات الامنيه خصوصا هو الي يدقق عليكك يعني اخر ليل وماتبيه يسالك من وين جاي او وين رايح اكيد يبي يفتش موترك ويكثر والله الشاهد من البلاوي الي لقيناها لكن الله يحفظ الوطن بخير 

الكلام اللي نسمعه كثير عن النظام الواجب اتباعه في التعامل مع رجل الامن يختلف من بلد لاخر والواجب علينا في بلد مثل السعودية مترامية الاطراف وكل يوم نسمع قصص عن حراميه ومهربين اصبحوا يستخدمون سيارات حديثة وفخمة ايضاً جعل من واجب رجل الامن ان يتاكد من الجميع ومن حقه ان يشكك بأي شخص وطالما الشخص واثق ان ماعليه اي تجاوز يقف باحترام وينهي الموضوع بطريقة ودية ، لاننسى وجود بعض الشواذ اللي يمتهنون الاساءة والواجب ان تكون حازم معهم وتعاملهم باحترام حتى لايصيدوا عليك خطأ او اساءة ويستخدموها ضدك . 

والله انو فيهم خيرر الدوريات انا مامعايا رخصه وقبلت تفتيش قبل اسبواع دوريات قدام العسكر لحقني واقفني قال ليش تخليهم يشكو فيك عدي من التفتيش ماراح احدا يكلمك واذا انته ماعند رخصه ولا مضلل ولا مقطب ياخي الزبده مخالف انته انزلو ويسبك او انو يلطعك نص ساعه ويمشيك الا لو كان جزاني امنظام نظام هههه

دورات العسكري جيزاني

يفتشوا بدون سبب ماقلنا شي لكن يجيك العسكري يلعب  بسيارتك لعب وبعدها بقول روح ؟؟
وياما ناس يشتكوا من هالموضوع
اخر شي ولد خالتي عنده صالون المهم فتشه ونزل الاستبنه كانت ورا المراتب الخلفيه وقاله روح ؟ ولا رجعها ولا شي ؟
 عندنا نطقة تفتيش (للمجاهدين) المرتبه الخلفيه لها شهر مو مثبته ف مكانها لان كل مامريت من عندهم لازم يشوف تجتها ويالله ارجع اركبها من جديد
سيارتي كرسيدا طبعا ف مو مشكله المرتبه امرها سهل بس اللي سياراتهم جديده ويجيك عسكري  يلعب فيها لعب بدون اي سبب مقنع ؟؟

يا اخ  ( وقف لحظه ) ليش هم مهب بشر تحترمهم وليش تدوس على كرامتك هو يهودي ؟ انت تقول ان العسكري ما يفتشك الا في وجود شبهه وانا اقول لا يا شيخ يعني يفتشك لسواد عيونك حبيبي ؟ اكيد فيه شبهه انا من نايحتي والله ثم والله اني اذا كنت محترم وابتسمت له م يمشوني زي الماء اما اذا تعاملهم كنهم شغالين عند ابوك وتنافخ فهنا المشكله

اهلا


انا ما يضايقني في نقاط التفتيش

 الا انه يوقف بخط الوسط ويمشي السيارات باليدين

ولا طريق 3 خطوط ويسكر خط ويخليه خطين مع ان في عساكر جالسين

كل شي يغتفر اليه الا ان يوقف بجنب باب الراكب

يا رجل في حريم بالسيارة ما يصير

فانا ادا معي احد من اهلي امشي بخط اليمين مع التريلات حتى يكون بجنبي

اتوقع السبب اللي ما يخلي العسكري ينزل من الدورية عشان راعي الموتر اذا فقع يمديه يلحقه

 بالله عاد لو نزل العسكري متى يمديه  يركب الدورية الا وذاك هو ووجه الضيف 



بس عندي استفسار اللي معاه اهله يحق للمرور يوقفه او لا؟

انا قبل فترة وقفوني ومعاي اهلي وعطاني مخالفه بس عشان النور الامامي يمين خربان شوفوا الفضاوة ويش تسوي

وكلمته قلتله معاي اهلي وتوقفني 

رد علي يقول وانا وشدخلني ماني هيئه     

قلتله طيب انت تشوف معي حريم قدر ياخي     المهم ذب لي المخالفه ومشيت  بغيت استقعد له بس قلت ماله داعي يتوصى فيني

يا جهني وش فيك علي اهل جيزان اكثرهم في خدمه هذا الوطن مرابطين علي الحدود وتاركين اهلهم لحماه هذا الوطن وانت جالس خلف الشاشه وتتريق عليه عيب عليك

انا قبل فتره رحت بطلع ورقة اصلاح ووطلب العسكري تامين وشوي جو قدامي 2 وطلع لهم وقلت له ليه تطلع لهم وكذا وشوي لما انحشر قام ينفخ وقال اسكت لا اهفك بكوب الشاهي انا ماسكت رديت عليه وطبوا علي وكتبوا لي توقيف بسبب تلفظ ع رجل امن وقعدت عندهم ساعه واتافهم مع عقيدهم وطلعني

الٲخ ٲبو عابدالله....ٲنا لا ٲقصد الابتسامه والٲخلاق في كلامي .....ٲقصد بالرضوخ والكرامه ..تكفى وانا فداك ...وانا فدا رجولك .....وجعلني حذاك مما يقال بٲلفاظ ...لتجاوز المخالفه وهو معطيك معطيك..

ٲما من ناحية تفتيش....نعم يوجد من يفتش عشان سواد العيون ...،....ولا يطقطق ويمشي الاستلام ويبي يسولف......غير من يبحث عن تبادل المصالح.....