لأصحاب الخبرة في التريلات

الي اقراه واسمع عنه انها مربحه ، اتمنى الاخوان يفيدونا هناا

اولا الله يوفقك

انا نفس الحالة ادور راس ودخلت السوق ولفيت والصراحة مافيه افضل من البي حتى لو كان قديم
صحيح غالي لكن قليل اعطال وصيانته سهله وقطعه متوفره ومرغوب جدا لو احتديت بعدين على البيع

لقيت موديل 90 حجمه موضب بـ 110 
ولقيت موديل 95 بـ 125

وكنت ابشتري مان بس استخرت الله وهونت عنه بسبب قطع غياره الغير متوفرة الا في المدن الكبيره وكثرة مشاكله

بالنسبة للشغل اذا انت ضامن العقد توكل على الله
اما غيره لا تقدم على هذي الشغله لأنها شغلة علاقات في المقام الاول

اما اذا بتشغلها نقل اسمنت واعلاف الشغله مربحه ولكن عليك بالسائق الأمين الشغيل

موفق

السلام عليكم 

اخوي تبي حق الكرف وقطعها رخيص والكل يعرف لها 


خذ ألبي موديل 90-89 

هذي اكرفها وماتقول شي 


وشغلت المشاريع حلوه بس يكرفونها كرف ليل نهار


نصيحتي لك

سلمها عامل وخله يشتغل اجارات

يعني يحمل حمله اجار مثلا من مكه الى الرياض 1800 ويحمل من الرياض ويطلع الدمام 1200

ويحمل من الدمام الى جده 2000

كل الدوره هذي تاخذ 5 ايام بالكثير


يعني بالشهر الداخل / تقريبا 20 الف

طلع منها 1500 راتب السواق

وطلع منها 5000 كفرات وخربات ...الخ


الصافي / 12000 تقريبا حلوووه جدا


الحمد لله اخوي معه تريله وشغاله مثل كذا والحمدلله سيارته محافظ عليها ويكرم السايق عشان يهتم في السياره



عسى الله ويوفقك ويرزقك الرزق الحلال انت ومن يقراء والمسلمين اجمعين  

والله الي يسمعك يقول ماعد فيه تريلات في البلد ترا احيانا توقف في جده يومين او اكثر من شان تحصل حموله

صح صادق 


بس لاتزعل علينا الله يسعدك ههههههههه

الله يجزاكم خير جميعاً وماقصرتو 
ولو احد من زوار المنتدى ايضاً عنده خبرة او خلفية يفيدنا
وجزاكم الله خير