أضف سؤال أو موضوع جديد          

بخصوص ساهر

up 8 down 8
abdulaziz 11 -36
قبل 7 سنه و 5 شهر



يقولك لكل فعل ردة فعل








ومافرض نظام الا بسبب تجاوزات غير مقبوله وبكثره
وللحد من هذه التجاوزات لابد من وضع عواقب معينه تحد هذي التجاوزات 
نظام ساهر مافرض الا بسبب كثرة الحوادث لدينا والتهور والهمجيه وقطع الاشارات 
ماعمري شفت احد يهدي فوسط شارع ويلتزم بالسرعه الا اذا كان امامه ساهر ؟
وكنه النظام يطبق امام ساهر فقط
باستثناء تدبيل المخالفات او وضع ساهر بطرق متخفيه للاطاحه بفريسته
خلونا نرجع للسبب الحقيقي اللي تم بسببه وضع نظام ساهر 
لو ساهر فكر في الفلوس كان جابوه من عام 1400 هجري
لو الشعب منضبط ويتقيد بالانظمه دون وضع عواقب عليه >>> محد راح يحط ساهر ولا احد راحد يحط رادارات 
حتى انا اكلت هوى من ساهر وبصراحه ماعمري فكرت اتقيد بالانظمه واحترمها الا بعد ماجلدني ساهر 
قبل ماتفتح الاشاره بثواني معدوده تلقى الواحد داز بموتره وناقز وكئن الجن والشياطين تلاحقه هارب ومستعجل ومطيور على ايش
الباقين والمتنحين اول ماتفتح الاشاره داقين بواري !!! خير يابو الشباب وش فيك تو الاشاره فاتحه واللي قدامي توه بيتحرك يعني اخش فيه !!! 

الثاني اذا شافك قدامه داق اشاره عشان تمسك المسار الايسر قام يكشح بالنور وشد على الموتر مايبي يعطيك مجال !!!

والثالث ماشي 180 وتلقاه من اخر الدنيا يكشح ولو تجلس معاه فموتره تلقاه يلعن ويسب فاللي مايوخر عنه !!!! طيب ياخوي على يميني سيارات مقدر ابعد عن مسارك الايسر الا لمن اتجاوزها بعدين افتحلك الطريق يعني وين تبيني اروح اصدم السيارات اللي فالمسار الايمن !! يبيك تفتح له المجال يعني تفتح وماهمه هل فيه سيارات على يمينك او لا بس وخر عنه
واذا ماقدرت تعطيه مجال شطفك من على الخط الاصفر ودخل فالتراب عشان يعميك بالتراب المتطاير من كفراته



(( حابين تفرضون على أنفسكم انظمه مثل ساهر خالفوا وعابطو )) بعدها راح تشوفون الانظمه تتزايد تعقيدا وتكثر عليكم

حابين الانظمه توقف وتتيسر الامور (( امشو بالعدل والهداوه واتركو عنكم السرعات )) وتقيدو بالسرعات المحدده داخل المدينه راح يوقف ساهر لانه مافيه ناس تخالف

والسبب في اختراع كمرة ساهر (( هو أنتم )) ((((( لكل فعل ردة ))))) وافعالنا في مخالفة الانظمه تسببت في اختراع كمرة ساهر

عني انا اشوف هالناس مايهجدها الا ساهر وفرض انظمه وعقوبات صارمه حتى يمشون مثل الدول المتحضره 










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


تُـشكر على الموضوع يا سيد عبد العزيز ،
وساهر كلنا نقر بأنه نظام ممتاز ، لكن طريقة تطبيقه خطأ ، سعر المخالفات مبالغ فيها ، التدبيل ، التشديد (وخاصة في الإشارات) ، ليش أوقف خمس ثواني لو بألفّ يمين والشارع فاضي ،
ومع ذلك الشباب السعودي تخطأ هذا الكابوس ولا كأنه صار شيء (تغطية اللوحات - التخفي - تجاوز الإشارة من المسار الأيمن)
كلنا تلزخنا في سـاهر الله لا يربحهم ،
وماني معك في إن ساهر ماهو للفلوس ، الهدف واضح والدليل التدبيل !

موضوعك جيد ، لكن المسافة بين الأسطر مبالغ فيها مرة ... ولك شكري



up 1 down 1
أبو أحـــمد 2433
قبل 7 سنه و 5 شهر



الله يعطيك العافيه وموضوع جميل لكن لو هم ما يبون فلوس ليه يحطونها 300 و 400 و 500 لين 900 ويدبلون ولك لايك


up 0 down 0
عبدالله السعدون 268
قبل 7 سنه و 5 شهر



طبل .... يامطبل 


up 0 down 4
برتقان -13
قبل 7 سنه و 5 شهر



الله يعافيكم ولو نتقيد بسرعه المحدده  حتى لو مافيه ساهر كان مانشوف المخالفات علينا وبعدين الواحد وش ومعجله يجيك شاطفك مسرع ونت مهدي هذا سبب كثره الحوادث الله يكفينا شرهاا ...


up 1 down 1
abdulaziz 11 -36
قبل 7 سنه و 5 شهر



موضوعك اوكي .. والله يعطيك العافيه 

لكن لاحظت في اخر شي تقول زي الدول المتحضره !!!!!!!
صاحي انت تقارنا في الدول المتحضره ؟؟
ما شاء الله شوارعنا تفتح النفس لا مطبات ولا حفر لا بنقاله تتعلم السواقه في الشوارع العامه ...الخ

يعني ما شاء الله تبارك الله يحق لنا نتعدى الدول المتحضره ..


up 1 down 0
ابو احمد 3535 23
قبل 7 سنه و 5 شهر



لو نظام ساهر من التاسيس لدوله كان حلو
بس يجي بشكل استثماري وربحي يعني
هو خايف عليك لاتصدم وساهر فايد شركات
التامين يعني بدل ١٠٠ سياره مصدومه صارت
١٠ يعني الطرفين مستفيده
بس تقول ساهر نظام حلو ياخي عندك شارع ما
ياهل انك تمشي فيه السرعه المحدده 
حفر مطبات (تقول تحدي ) المناظر الخلابه 
الصبات الى حافظ شكلها من كثر ما نشوفها



up 0 down 0
ابوسعيد الاحمري 1017
قبل 7 سنه و 5 شهر



طيب اكتب انه منقول 

http://montada.haraj.com.sa/18614/%D8%A7%D9%86%D8%AA%D9%85-%D9%85%D9%86-%D8%A7%D8%AE%D8%AA%D8%A7%D8%B1-%D8%B3%D8%A7%D9%87%D8%B1-%D9%81%D8%AA%D8%AD%D9%85%D9%84%D9%88-%D9%86%D8%AA%D9%8A%D8%AC%D8%A9-%D8%A7%D8%AE%D8%AA%D9%8A%D8%A7%D8%B1%D9%83%D9%85/

هاو از هابينينق 


مع اني ماني مع ساهر لكن كلامك صحيح الشعب يحتاج تأديب عشان يحترم النظام 


up 2 down 0
sosisos 615
قبل 7 سنه و 5 شهر



إذا كان رب البيت بالدف ضاربا    فشيمة أهل البيت الرقص

اصلن كل دولتك يبي لها هيكله من جديد منت قادر تعدل ناس تربت على هالشي اب عن جد


up 1 down 0
jeep-111 26
قبل 7 سنه و 5 شهر



كلامك سليم وفي مكانة.
بس عندي ملاحظة ع كلامك.
(من عام 1400 وخشبه )
ياخي مايتعبك لو كتبت 1400هـ هجري وهو بداية هجرة النبي صل الله علية وسلم.
الهجرة النبوية هي خروج رسول الله محمد وأصحابه من مكة إلى المدينة المنورة (يثرب قبلها) فرارا من أذى قريش، وكانت بداية للتأريخ الهجري بأمر من عمر بن الخطاب بعد استشارته بقية الصحابة على عهده.



up 0 down 0
n 977 409
قبل 7 سنه و 5 شهر



النظام كفكرة ممتاز 
لكنه كتطبيق فاشل واستغلالي





up 0 down 0
naac 2 2721
قبل 7 سنه و 5 شهر



معليش وبدون زعل الشعب السعودي يحتاج ثقافه وتعليم في اغلب الاشياء ما عرفت هلشي الى بعد ما سفرت عدت دول الدول الكبيرة والصغيرة ومن ضمنها دول خليج شفت فيها احترام للنظام احس الحكومه ساحرة الشعب يخافون ومنظمين سواء في دوريه او لا 

عندنا ما يتنظم الى اذا شاف دوريه يشيخ حتى وقفتهم في الاشارة يبي لها ثقافه واشوف في شعبنا ضيقه صدر فضيئه ماعندهم شي اسمه صبر مثل ما تفضلت اخوي يوم يجيك وتبي توخر له بس يمينك سيارة لازم تتجازوها وبعدها تبعد عنه بس للاسف من وجه نظري كل شي ما دمره غير الواسطه لو يلي ينمسك بقطع اشارة او عكس اتجاه ويخالف مخالفه ع اصولها يعرف ان الله حق 

بس اغلب الشعب عندنا فلان عيال عمه في القطاع الفلاني الو ياولد خذيت لي قسيمه امسحها ابشر وثاني يوم هو مثل فيه يا فلان شريت لي ارض بس ابي ازود في المساحه في الصك ابشر يا ولد العم زود وجب لي الاوراق يعني البلد فيها فسااااد غير طبيعي وبسبب توظيف الاقارب والواسطات يلي ما تشوف الصح من الخطأ ولا الصح من الخطأ 

اتمنى ان تكون وصلت الفكرة واتمنى السعودية تكون افضل بلد بلعالم 


up 0 down 0
أستشاري الحب 6468
قبل 7 سنه و 5 شهر



قيادة السيارة تنعكس على شخصية القائد فالبعض منهم من مجرد تشوف قيادته الراكدة ( تدعوا له بالسلامة في الوصول )



up 0 down 0
elantra 6639 482
قبل 7 سنه و 5 شهر