تدليس ونصب من قبل موظف نجم حصل علي امس مشورتكم ياجماعه
4
2
إضغط هنا للإخفاء
السلام عليكم ورحمة الله وبركاته
اخواني ودي استشيركم في حادث صار لي يوم الاربعاء والحادث بالتفصيل هو :
يوم الاربعاء عند الساعه 2 الظهر كنت طالع من الحاره ومهدي وماسك مساري المهم وانا باخذ اللفه يمين الا وفجأه ويدخل علي راعي ربع ع سرعه مرتفعه وكان ماسك مساري يعني ماخذ اللفه من اولها
ولا قدر يتفاداني ولا اتفاداه وحصل الحادث وجهاً لوجه
صاحب الربع مأمن وانا مأمن وبعدها اتصلنا على نجم المهم جانا الموظف حق نجم وصور السيارتين
طبعاً انا ماجاني الضرر الا بسيط لان سيارتي نازله (سوناتا2013) وراعي الربع سيارته مرتفعه والشارع اللي داخل معه هو مرتفع فجته الصدمه في الجنب الايسر للسياره وصدامه يبي له تغيير كامل وانا كسر في الشبك وكسر بسيط في بداية الصدام
وبعدها عطانا الموظف ورقه مقسومه لنصفين انا كتبت الحادث اللي صار في اليمين والطرف الآخر في اليسار ووقعنا
والموظف قالي ان نسبت الخطأ على راعي الربع 100% لأنه داخل بسرعه وماسك مسار ماهو مساره
وبعدها طلع لنا ورقه وهو جالس في السياره وكانت مغطاة ولا طالع لنا الا نهايتها وفيه مربعين واحد وقع فيه صاحب الربع وواحد وقعت فيه انا وبعد كذا اعطاني ورقت مراجعه وقال هذا تراجع فيها فرع نجم ومن هناك يكملون لك الاجراءات ويعطونك ورقت اصلاح وتكمل كل الاجراءات عندهم
وانا وبحسن نية قلت اوكي والله يعافيك والمشكله الاكبر اني ما أعرف اي اجراء من اجراءاتهم لأنه اول حادث لي
واليوم الخميس راجعة فرع نجم اللي ع طريق الملك عبدالعزيز ولما رحت للموظف اللي ع الكونتر قال تعال معي شوي ودخلنا غرفه وقال نصيحه كان الحادث ملفق او غير صحيح اعترف لي وبنساعدك !!! ولا بحولك ع اللجنه وتراهم راح يغرمونك لو كشفوا انه غير صحيح !!!!!
قلت له حولني وانا اتحدى الشركه بكبرها تثبت هالشي لأنه الحادث صار وفيه شهود كثير عليه
المهم رحت للجنه وهي عباره عن غرفه متكي فيها واحد ع كرسي مسوي المحقق كونن !
المهم سألني كم سؤال كيف صار الحادث وماكيف قلت له الحادث بالتفصيل قال ما اتوقع ان الحادث صحيح ومانقدر نسوي لك اي شي فيه
بعدها انا ثارت اعصابي وقلت الان خلنا من الحادث انا ابي ارفع شكوى على المحقق اللي جاني
لأنه كذب علي واستغل عدم معرفتي بالأجراءات وقالي كلام ووقعني على كلام !
المهم رفعت الشكوى على المحقق حسبي الله عليه وقالوا بنتواصل معك بعد خمس ايام وبالنسبه بالنسبه للحادث راجع تأمين الطرف الثاني اللي هو تكافل الراجحي وهم يبتون في الموضوع ؟؟؟؟؟؟
انصحوني ياجماعه وش اسوي ؟؟
والله سبحانه يشهد على كل حرف ذكرته لكم
إبلاغ
الردود
0
0
قبل 5 سنه و 7 شهر