أضف سؤال أو موضوع جديد          

قير 4 وقير 6سرعات للخبراء؟

up 0 down 1
رايق السيارات 589
قبل 7 سنه و 4 شهر



السلام عليكم 

ياخوان انا بعرف ايش الفرق بين قير 4سرعات وقير 6سرعات وايش الافضل للقير زياده التبديلات او الاقل وايش الفروق بينهم وميزات كل قير وايش الافضل للبر وايش الاقل خراب واقل تصليح واقل تعقيد وارخص 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تختلف من سيارة لـ سيارة ، حدد بالضبط


up 0 down 0
hmada1213 2018
قبل 7 سنه و 4 شهر



طيب افضل للبر ايش


up 0 down 0
رايق السيارات 589
قبل 7 سنه و 4 شهر



ماتحس بصوت المكينة واقتصادي في البنزيم


up 2 down 0
الراس عالي 43
قبل 7 سنه و 4 شهر



8  تعشيقات احسن شي.  تصل الى سرعات عالية بدون ضغط على المكينة و تحس بسلاسة بالتسارع


up 1 down 0
a_aa_ma 1
قبل 7 سنه و 4 شهر



كل مازادت نمر القير كل ما ارتاحت المكينه وقلة صرفية البنزين ويعطيك عزم اقواء


up 1 down 0
شروكي 2007 181
قبل 7 سنه و 4 شهر



هههههههههه شيخ المعارض الله يرفع قدرك

مع كابرس امشي 120 عداد الضغط ماجاء 2

امشي 228 عداد الغضط على 4 بالضبط

180 يكون على 3 للموتر ابو اربع نمر\

ابو سته تعشيقات والله تمشي عليه 238 وعداد الضغط على 3.70 تقريبا ماجاء اربع

بالتوفيق

اكيد ست غيارات مصنوع بذمة


up 0 down 1
ابوووجووود 273
قبل 7 سنه و 4 شهر



مثل ماقال اخوي شيخ المعارض 

 6 غيار افضل يكون مريح ومايصرف بنزين


up 0 down 0
ahmad77771 305
قبل 7 سنه و 4 شهر



شيخ المعارض
الفورد عندي امشي 180 ضغط الهوا على 3.0 والقير 4 نمر 

وفيه طريقه تخلي ضغط الهوا على 180 يوصل 4.5 والقير 4 نمر 


لا مو اقصد الزر اللي في عصى القير

اقصد حجم الكرونه

كرونه 2.27 قومتها ضعيفه جدا لكن مريحه المكينه وتعطيك ضغط منخفض على السرعات العاليه

كرونه 3.27 قومتها ممتازه وضغط الهوا مرتفع شوي ومجربتها شخصيا

كرونه 4.10 هذي حقت قومات ودرفتات وضغط الهوا على 180 يوصل 4.5 واكثر لكن اغلب اللي يستخدمونها حقين قومات
ونادرا يستخدمونها للخطوط الطويله لانه تتعب المكينه

ولعلمك ترى نفس قير الفورد طوييييييل ويتحمل
جرب تكون في طلعه وانت ماشي 150 ومثبت السرعه راح تلاحظ القير يرجع نمره لثالث عشان يعطي عزم لانه في طلعه
ويمسك معك فتره لحد مايرجع الموتر لسرعته المحدده ويرجع يعطي رابع 
يعني النمره الثالثه وماشي 150 ولايضره شي 




الاول بالفورد يمشي 80 والثاني 180 والريوس يوصل ميه  وهو 4 غيارات
يعني باقي غيارين فلا تستغرب اذا شطفك فورد وانت على 260 لان القير الفورد قوي جدا
لاكن لازم تركب مبرد ونوع الكرونه له دور ...... الخ


up 0 down 0
ff-ff999 344
قبل 7 سنه و 4 شهر



السبب الرئيسي لزيادة النمر بالقير اهو تقليل صرفية الوقود فقط

واذا قصدك الافضل من ناحية التحمل فهذي تعتمد على التقنية لصناعة القير لان القير الاوتماتيك انواع , ماله دخل بالتعشيقات


up 0 down 0
فلوس مافيه 126
قبل 7 سنه و 4 شهر



بالنسبة للبر ياراعي الموضوع أنا اشوف النمر القليلة على الرمل افضل لأن الموتر يبقى شاد عزمه
مثال: في القير العادي وانت في البر لازم يكون القير بين الأول والثاني ونادراً ماتستخدم ثالث يعني الرابع والخامس في البر تنساهم

فإذا كان هناك أربع نمر في البر افضل من ست

وجهة نظر شخصية ولك احترامي وتقديري




up 0 down 0
أبو تمام 1 247
قبل 7 سنه و 4 شهر



يعطيك القير 4 نمر قوة وعزم افضل من 6 وتقبل مروري واحترامي


up 0 down 0
أبو تمام 1 247
قبل 7 سنه و 4 شهر