ساهر على طريق الرياض الطايف

طلعت اكثر من مره جدة الرياض يعني مسافة 1000 كم
اول مرة اخذت قسيمة وكنت ادعس قريب 200 ومن بعدها صرت اطلع مع اثنين ونجهز اكل ومشروبات وثلاجة بالطريق
والسرعة ظا صرت ازود عن 140 ابد والغالب على 120-130
صدقني ما.بتفرق الا كم دقيقة.زيادة

والله ياخوان ان هذا الامر مزعج جدا ولكن لو نظرنا له نظره من زاويه اخرى نقدر نقول معهم حق في الي يسوونه معنا تدرون ليش السبب لأني جيت من الطايف قبل اسبوع تقريبا بعد الظهر وشفت بالطريق العجب العجاب سيارات كثيره مالها عدد جدد منطوله على جنب الخط من اليمين واليسار اما محروقه ولا منقلبه قلب شديد لدرجة انك ماعاد تعرف وش نوع السياره وماركتها وللاسف كلها سيارات شبابيه ولي يدل على ان الشباب وحدهم هم المعنيين بساهر لتهورهم الشديد ان ولله الحمد ماشفت طول الطريق وعلى كثرة الحوادث مافيه ولا سياره عائليه من ضمنها ليش لأن رب العائله يمشي بركاده وثقل لأنه يعرف انه شايل نفسه وافراد عايلته على كف القدر ومسؤل امام الله عنهم وعن نفسه لكن الشباب ماهمه الا يهايط قدام زملاه اني قطعت المسافه في كذا ساعه وانه قدر يجيب الي ماجابه غيره وفي النهايه شيبانه من وراه يقعدون في حسره عليه مدى الحياة ... اسف على الاطاله ولكن هذا ردي وسلامتكم من كل شر