أضف سؤال أو موضوع جديد          

حل مشاكل الكابرس واللومينا منقول

up 5 down 8
hamodyaz 179
قبل 7 سنه و 12 شهر



»  حل مشاكل اللومينا والكابرس (منقول)
تم تغير الموضوع
تم تغير الموضوع
بسم الله الرحمن الرحيم
السلام عليكم ورحمة الله وبركاته
نظرا لتشابه المشكلات في اللومينا والكابرس الي نسمع عنها وهي 8 سرنلد من موديل 2000 الى 2008
حبيت انزل موضوع يشمل جميع المشاكل وحلولها وأتوقع انه الموضوع الاول من نوعه في جميع المنتديات وللعلم ان المشاكل وحلها عن تجربة شخصية 




























بسم الله الرحمن الرحيم 
نبدا








1- القير ومشكلة التاخير او سماع حنة بين النمر :




اذا حسيت بان القير يطول بالنمر او بديت تسمع له صوت مثل الحنه خصوصا في النمرة الثالثة او الثانية فهذه بداية احتراق الكلاتشات واذا طولت اكثر واكثر راح تحترق كلياً ووقتها السيارة ماراح تصير فيها الا نمرتين بس الاولى والثانية ,, طيب وش الحل ؟
الحال طال عمرك والافضل أنك توظب القير بلا شك وتركب كلاتشات جي ام اصلية مع العلم انه يوجد نوعيات ثانية لكن انا اتكلم عن تجربة شخصية 
تركب كلاتشات جي ام اصلي ومبرد قير كبير سعره مع التركيب تقريبا 400 ريال , واذا كنت صاحب قومات ودعس ينصح انك تركب ترانز قو والشغلات هذي تتركب في ورش توظيب القيور .








[color=#FF0000]
2- الهوبات ومشكلة الرجه + الفحمات بسرعه تخلص :[/color




]طبعا هذي مشكلة معروفة انك لو تخرط الهوب مليون مرة الرجه ترجع مرة ثانية وايضا يصاحبها ان الفحمات تنتهي بسرعه ,, فيه نوع من الهوبات رياضي سعره تقريبا من 350 الى 400 ريال لونه ذهبي وتحصله مخرم هذي يركب بدون توليف انا استخدمته بصراحة ممتاز جدا بحيث اني ركب فحمات بدون ما اخرط ولكن مع الوقت الطوووويل يرجع يرج والحل انك تخرطه وراح يرجع من جديد مايرج والملاحظ على الهوبات هذي ان الفحمات ماتنتهي بسهولة ,, واماكن بيع الهوبات هذي بالرياض وجده والقصيم والايام الاخيرة انتشرت الهوبات هذي لدرجة انك تحصلها بالامكان العادية لكثرة الطلب عليها ,, 








3- الحرارة :




الان جا الصيف وجات المشاكل معه 
واحيانا بعض الاشخاص يصادفون ارتفاع درجة الحرارة عندهم فينصح انك تتاكد من الشغلات هذي , 1- انك تركب موية حمراء نوع اي سي ديلكو اصلية قيمتها من 60 ريال الى 70 ريال , 2- تتاكد من المراوح انها شغالة , 3- بالاخير تسوي تسييخ للراديتر قيمته من 70 ريال الى 100 ريال تقريبا 








4- الحرارة ترتفع اذا كنت واقف :




هذي اغلب الظن انها المروحة الكبيرة تعطلت واحسن حل انك تغيرها بوحده جديدة اصلية قيمتها 550 ريال 








5- صوت تك تك تك يطلع احيانا اذا كانت السيارة واقفة او باردة وفجاه يروح :








طرمبة الزيت عندك ضعيفة ولاتضخ زيت الى اعلى المكينة فاحسن شي انك تتلاحق نفسك وتغير الطرمبة قبل لاتوظب مكينة او تغير شغلات ثانية 
سعر طرمبة الزيت الاصلية من 400 ريال الى 600 ريال .








6- علامة تشيك انجن :




هذي صعب اي شخص يعطيك السبب الرئيسي في هذي المشكلة علشان كذا الحل الوحيد انك تروح تفحس كمبيوتر ويحدد لك العطل الاساسي في السيارة من ايش وسعر فحص الكمبيوتر من 60 ريال الى 100 ريال .








7- المسجل مايشغل سيديات او السيدي يكون عالق :




السبب هو ان عدسة المسجل يبغى لها تنظيف او اعطيك حل على السريع من واقع تجربة شخصية ,, روح لاقرب بنشري وخذ منفاخ الهواء القوي وطلع كل السيدياات واجلس انفخ داخل المسجل .








8- الانوار ضعيفة او الكهرباء تضعف او ظهور علامات فجاه على الطبلون :




هي اغلب الظن انها من البطارية والافضل انك تركب بطارية 80 امبير ,, او انها تكون من الدينمو .








9- تدخل المفتاح تحاول تشغل السيارة لكن المفتاح لايتحرك لايمين ولا يسار :




عندك مشكلة بالقفل حاول تشحم المفتاح وتجرب حظك او تهز السيارة والحل الاكيد انك تفتح القفل وتروح تشري واحد من الوكالة بـ 170 ريال وتاخذ القديم وتوديه لمحل مفاتيح او محلات الذهب المختصه بالاقفال ويزينه لك على نفس المقتاح القديم .








10- تسمع صوت مزعج اثناء المشي او الانعطاف:




مثل ( ووون ووووون ووووون ) يزيد الصوت على حسب السرعه او تسمع بشكل ملحوظ اذا لفيت الى جهة معينة مثلا يمين او يسار هذا من برنق الجنط وسعر الواحد الاصلي 600 ريال هو عموم واحد يخترب مايختربون الاثنين مع بعض الا نااااادر




11- صوت ضجه او السيارة ترج بشكل قوووي خصوصا وهي واقفه :




هذي المكشلة غالبا تكون من كراسي المكينة يعني عندك الكراسي تعبانه والله لايهينك تغيرهم سعر الكرسي الواحد فيه انواع من 100 ريال الى 250 ريال تقريبا ( ملحوظه الاسعار غير اكيدة 100 %) 












12- رجه بالدركسون عند سرعه معينة تظهر فجاه وتروح عند سرعة معينة :








هذي عندك واحد من الاثنين : يا الكفرات تحتاج ترصيص , او انك مركبهم عكس اتجاه السهم اللي مرسوم على الكفر ,, أو جلد الكردان عندك تعبانه ( الجلد اللي بنهاية العامود ) سعرها الاصلي تقريبا 500 ريال




13- جهاز مانع الانزلاق ( التراكشن ) لايعمل :








هو نادر يتعطل واذا تعطل راح تظل علامة التراكشن اووف شغالة على طول الى ان يتم اصلاح العطل ,, وغالبا تكون من الفيوز انه حرقان وقيمته من 5 ريال الى 10 ريال تقريبا ,, مع العلم انك لو رحت فحصت كمبيوتر على المشكلة راح يقولك العامل تحتاج الى جهاز مانع انزلاق جديد والسبب انه مافيه اشارة كهربائية صادرة من الجهاز نفسه لان الفيوز حرقان يعني زبدة الكلام قبل ماتسوي او تفحص تاكد من الفيوز 








14- البريك مايمسك بقوة وتحس انه ضعيف وتسمع صوات هواء اذا دعست بريك ورجلك تروح لداخل اكثر مع ظهور علامة تيشك انجن احيانا واحيانا ماتطلع :




اذا كان المشكلة كذا 
هذا عندك الباكم تعبان ولازم تغييره 
وسعره حوالي 500 الى 550 ريال اصلي انا شريت واحد لكن من فترة طوويلة 
الباكم هو القطعه السوادء اللي موصول فيها علبة زيت البريك
تحصلها قريبة مرة من الطبلون ولونها اسود وهي شكلها دائري كبير
بس انت قبل لاتغير تاكد من العامل 








15كان فيه تقطع بالموتر اول التشغيل وبعد ربع ساعة يختفي :




البواجي والاسلاك عندك خرباانه








طبعا هذي اغلب هالمشاكل تواجه كثيرين من أصحاب اللومينات والكوابرس هذي هي حلولها




تحياتي للجميع 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كورولا من المديلات القديمة 


up 3 down 5
bandara 1134
قبل 7 سنه و 12 شهر







اذا بين السيارتين افضل انك تاخذ يارس مافي مقارنه افضل من كل النواحي
ولو تاخذ اكسنت افضل منهم الاثنين وانتبه من سيارات استخدام التاجير سابقا 
الله يوفقك بالسيارة النظيفه  






up 2 down 1
شبل بالحارث 156
قبل 7 سنه و 12 شهر



خذلك جيلي باندا اصفار قيمة 19 الف


up 1 down 7
khalid39 75
قبل 7 سنه و 12 شهر



اكسنت اعتقد اقتصاديه و قطعها رخيصه نوعاً ما

اما الصيني ابعد عنه


up 3 down 3
rowaf 69
قبل 7 سنه و 12 شهر



ليه ابعد عن الصني ❗️❗️❗️


up 5 down 3
hamodyaz 179
قبل 7 سنه و 12 شهر



اذا لقيت نظيف خذ كراون فكتوريا و لو قدرت  خذه من امريكا مواترهم نظيفة مررررررة 


up 1 down 2
aooa1729 533
قبل 7 سنه و 12 شهر



النترا  .. كورولا 
اكسنت .. يارس 

غيرها ماتنفع بريال من الي ذكرتها وقطع غيارها غالية 


up 2 down 2
ls caprice 2078
قبل 7 سنه و 12 شهر



النترا خصوصا موديلات 2008 الى 2010 ممتازة
اكسنت 2008 الى 2010 ممتازة
اخيرا مازدا 2008 الى 2010 عيبها بس القطع غيارها غالية مع انو افضلهم بالرساوة


up 2 down 0
has90has 253
قبل 7 سنه و 12 شهر



عندك الاكسنت ممتآزه واقتصاديه وعمليه وقطعها متوفره اعبر عن رآئئ فقط غيري يرى ان هناك افضل منها


up 2 down 0
snfo0o0o0r 10
قبل 7 سنه و 12 شهر



كروان قيكتوريا .
جراندماركيز.
اكسنت2006.2011.
 كرولا.
النترا 2006.2011.
    وبتوفيق ان شاءالله.


up 0 down 1
حموودي2012 75
قبل 7 سنه و 12 شهر



مشكورين جميعكم على الردود 
بس ابي اعرف وش مشكله النيسان صني ٢٠٠٧
ومشكورين كلكم


up 1 down 0
hamodyaz 179
قبل 7 سنه و 12 شهر



مازدا والنترا اشوفها مناسبه بحكم موديلات حديثه 



up 0 down 0
ahmad77771 305
قبل 7 سنه و 12 شهر



الكبرس الموديلات هذي ابعد عنها كلها مشاكل


up 0 down 0
m-baz 337
قبل 7 سنه و 12 شهر



الصني اقوى شي مما ذكر محركه عمره اطول تكيفه ثلاجه قلليلة اعطال


up 1 down 0
مركب شيوخ 5
قبل 7 سنه و 12 شهر



هيونداي النترا ٢٠٠٧


up 0 down 0
أبو أحـــمد 2434
قبل 7 سنه و 12 شهر