كيف أوفر فلوس عند غيار زيت سيارتي ؟؟ تبي تعرف أدخل وتدعي لي

14 3

لايمكنك التصويت حتى الحصول على 20 نقطة على الأقل
إضغط هنا للإخفاء

أبو تمام 1 248
قبل 10 سنه و 11 شهر

السلام عليكم ورحمة الله وبركاته شخباركم طيبين مرتاحين
سؤال مين منا يغير زيت سيارته ؟؟

سؤال غريب صح كلنا بطبيعة الحال نغير الزيت عشان نحافظ على جودة أداء المحرك ولكن السؤال كل كم تغييره يجب تغيير الفلتر؟؟؟؟
أنا عن نفسي أغير في كل السيارات اللي ملكتها زيت وسيفون في كل مرة
أطول لعمر المحرك وبالنسبة للتكلفة ماراح يكلفك إنك تحافظ على سيارتك والمثل يقول "درهم وقاية خير من قنطار علاج"
(معادلة)
لنفرض قيمة العلبة في البناشر =15 ريال وسيارتك تشيل 5 علب مع السيفون يطلع الحساب عليك ( 15X5=75) ريال والسيفون في البنشر = 25 ريال لو كنت زبون عند البنشر يعطيك هو بـ 20 ريال يعني الحسبة كلها تطلع عليك 95 ريال
فكرت في الموضوع وقلت كل شهر اخسر 100 ريال عشان الزيت ليش ما احاول اوفر على نفسي وبديت المشوار بعد الاستعانه بالله عز وجل بـ 3 خطوات بسيييطه ولا تكلفني شيء بالعكس توفر علي جزء من مبلغ غيار الزيت طبعاً سيارتي انا جمس موديل 99 وتختلف الأسعار من سيارة لسيارة
1)- شريت كرتون فلتر زيت مكينة بقيمة 150 ريال فيه 12 سيفون يطلع علي السيفون بكم ؟؟ 12.50 ريال
والبنشر بـ 20 وفرت على نفسي في الخطوة الأولى 7.5 ريال
2)- وجلست مع البنشري يوم وسألته من وين تجيبون الزيوت قالي من المحل الفلاني والله اروح اسأل عن زيت موبيل 1000 (علبة حديد هذا اللي استخدمه) قالي بـ 10 ريال وخذيت 5 علب طلعت علي الحسبة 50 بكذا وفرت في الخطوة الثانية على نفسي 25 ريال من قيمة الزيت
أما رقم 3 وما أدراك ما رقم 3
3)- رحت للبنشري اللي اتعامل معه وقلت كم تغير الزيت والسيفون قالي 100 بعد الخصم 95 ريال
قلت له طيب لو أجيب السيفون من عندي قالي ناخذ عليك 10 ريال حق فك وتركيب السيفون + قيمة الزيت (75 ريال) قلت له طيب لو الزيت من عندي قالي آخذ عليك 10 حق الزيت و10 حق السيفون ريال أجرة يد قلت توكل على الله
فبكذا شريت السيفون 12.50 ريال + قيمة الزيت 50 ريال + 20 ريال أجرة يد البنشري= 82.5 ريال

كذا طلعت انا الكسبان سيفون اصلي وزيت جديد ومش مخزن وفي نفس الوقت رخيص ووفرت على نفسي 12.5 ريال عيالنا اولى بها
أتمنى أكون وضحت الطريقة كاملة للتوفير خلونا مفتحين ولا يضحكون علينا البناشر والله الشغلة ماتبي شيء بس شوي وقت توقف عند محل بيع الزيوت بالجملة وشيل اللي تحتاجه سيارتك من زيت وعلى البنشر وتوفر على نفسك مثل ماهو واضح في الموضوع

وتقبلوا مروري واحترامي

إبلاغ

الردود