اسعار المعارض الغاليه

وانا اخوك ما وقفت على المعارض 
بكل مكان غش واحتيال ونصب  
لا رحت تشتري خضره يغشونك لا رحت تغير زيت سيارتك يغشونك  لا رحت تشتري عطر يغشونك ثلاث ايام تضل الريحه هاه 
لا رحت تشتري لبن سمن  حليب مواعز  اي شيء تدفع به فلوس  لازم  يغشونك باي طريقة كانت 
ومره رحت ادور دينا ابي ارسل اغراض للحفر الباطن من الرياض جيت عند واحد يقول   علشان الوجه الطيب 800 ريال
ورحت للثاني يقول  مادلها بس باخذ عليك  800 ورحت للثالث  يقول توني جاي ها توني وصلت وصلت حموله بــ700 ريال
ورحت للرابع قال 500 ريال وعند باب بيتك اوصلها واخذته 

اخر شي افكر فيه اطلع سيارة مستعملة من معرض .. ما تأمنهم لا بسعر ولا بنظافة السيارة

صوت العزاوي صحيح كلامك في معظمه 
المفروض وزارة التجارة تقوم بواجبها في تحديد الاسعار عن طريق جميع الشركات المنتجة والممولة
لكن تحس انك للسوق السوداء مرة اسعار فوق ومرة اسعار تحت
الله المستعان 

العرياني كلامك بمحله لكن مو كل الناس تقدر عالجديد
ومشكورين عالمرور ولايك

يارجال نصب وبس

ولو قلت ابي اكلم صاحب السيارهـ ,, يتصلون على واحد متفقين معاهـ على انه صاحب السيارهـ ويقولولك كلم ههههههه

طيب خل اخوك يرجع للمعرض ويرفع حد السياره من 55 الى 65 وخلهم يتشطرون عقبها 
والله مايقدر يرفع ريال واحد خخخخخخخخخخخخخخخخخخخخخخخخخخخخخخخخخخخخخخخخخخ
لان الشريطيه دايم يحد السياره باقصى قيمه لها ويمكن اكثر

هذي في افلون كان اخوي بيشتريها برمضان اللي طاف والمصري يحلف مافيهاش الا الصدام دقشه دقشوا صفحه وزد جاء مصري ثاني واهو واقف ويوم سألته قال المقدمه مغيره كلها حيلهم بينهم هههه

صحيح كل حاجه صاره فيها نصب واحتيال على الشخص للاسف قليل مايكون صادق النيه

مشكورين على اثراء الموضوع ولايك للجميع