أضف سؤال أو موضوع جديد          

تذكر ممكن انت ممكن اخوك ابوك امك اختك

up 16 down 9
congress 2 7
قبل 6 سنه و 4 شهر



السلام عليكم ورحمه الله وبركاته




( سبب كتابه الموضوع حادث فيه فتايات مصابات والعالم بس يتفرج على عوراتهم لا بارك الله فيهم اجانب وسعوديين )




المتجمهرين لا بارك الله فيهم كم نفس قتلوها وكم شخص وامراه انتهكوا سترها لغايه الفرجه وتجدهم يتجمهرون امام الحادث وكل واحد منهم مثل الامعه  الاحمق بس  يتفرج على الضحيه او تحصله يقلب السياره 








1- شفت واحد ثنين راعين فزعه واقفين خلاص  كمل طريقك وارفع تلفونك وكلم الاسعاف المرور امن الطرق الدوريات الامنيه
2- ماشفت احد ممكن توقف  وبرضه تتصل على المرور امن الطرق الاسعاف .
3- لا تجلس توقف وتسوي جمهره وفرجه عيب عليك
4-عيب  تنزل وتزاحم الناس وترفع جوالك وتجلس تصور عيب
5-عيب  توقف تقلب السياره  والاموات والمصابين تسرق مامعهم
6-عيب عليك ماتترك مصاب او ميت تتفرج في وجهه وتصوره عيب
7- ترى يمكن يوم من الايام تكون انت او اهلك او ابوك او امك او اختك عيب عليك
8- عيب سببتم زحمه وقفلتم الطرق لاجل الفرجه وترجع لاصدقاءك وخوياك تسولف بالحادث ياملقوف عيب
9- اعرف ان في وفيات سببه التجمهر والكتم على انفاس شخص مصاب يبي بس شويه هواء ونفس ويختنق منك عيب
10- ياملقوف الحادث في المسار الثاني وموقف وتقطع الشارع ذابحتك القافه تقطع الخط بس تبي تواصل للحادث عيب عليك
11- المرور والدفاع المدني والاسعاف كلهم متواجدين وبعد تبي تفرج  ياخي انت مريض عيب عليك




كل من يقوم بالاعمال هذي يعتبر قاتل او مشترك في موت شخص ويتحمل اي اجراء يقع عليه لنه ملقوف




ادري بعضكم بيزعل بس مارح يزعل الا واحد ملقوف لا يهمه لا حياه انسان ولا عرضه ولا ممتلكات




دم المسلم على المسلم حرام دمه وماله وعرضه وانت تنتهك كل شي في اخيك المسلم وهو مصاب ويتالم 



منقوول من اخونا   sauditop  










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


جزاك الله خير وبالنسبة لي اذا شفت حادث وعلى الاقل شفت واحد مسعف خلاص اكمل خطي وما أوقف وأدعيلهم ان الله يستر

عليهم ويشافيهم من مصايبهم .. والله يكفينا شر الحوادث .... مشكور أخوي .


up 3 down 0
الكاسر .. 911 . 756
قبل 6 سنه و 4 شهر



ناس صارت الكاميرا هوس عقول مغيبه قبل فتره نزل الشباب حادث لمرسيدس و الاخ يصور بالرجال و هو ينازع قسما بالله المنظر 
ما غاب عن بالي وين بشريتك التي تتميز فيها عن غيرك 
لا حول ولا قوة الا بالله والله موضوع اصبح آفه لدى الناس


up 2 down 0
alshishani 1593
قبل 6 سنه و 4 شهر



والله صدقت ولكن الشاعر يقول: لكل داء دواء يستطب به *** إلا اللقافة أعيت من يداويها


up 2 down 1
أبو تمام 1 246
قبل 6 سنه و 4 شهر



مشكور والله موضوع مهم

بس فئة الشباب خصوصاً فيهم لقافة غير طبيعية حتى لو مايبي يصور يبي يشوف بس وش الي صاير

المسكين ما يدري انة بلقافتة هاذي يعيق وصول الفرق الأسعافية والمرور للموقع على غير سنع



up 2 down 0
ms any 539
قبل 6 سنه و 4 شهر



الله يجزاك خير موضوع اتمنى يتم تكراره اكثر من مره حتى تتفتح عقول بعض البشر اللي الى يومك هذا ماعندها وعي ..


الامر الآخر ي أخوان انتبهوااااا تسعفون اي مصاب نهائيا لان ممكن لما تحركه تسبب له لاقدر الله شلل او وفاة ..



* خويي قبل فتره شاف حادث قدامه على طريق الرياض وقام اعطى المصاب ماء يشربه .. وتوفى بسبب ان كان عنده نزيف داخلي


وبسبب لقافة خويي صحيح ان الاعمار بيد الله لكن الواحد يفعل بالاسباب يقول الاسعاف لما جاء اللي اعطاه المويه تسبب في اختلاط الدم   بالماء     وسبب له وفاة 


* ولد خالتي مره صار عليه حادث والحمدلله سلم , اول ماصدم جاء له شريطي قال راحت الكورولا ب 3000 ..؟؟؟ هههههههههههههه والله ي عليهم مخ ...


up 2 down 0
ابو سعود629 4705
قبل 6 سنه و 4 شهر



الله لايبارك فيهم اللي ذكرتهم .. 
ولاتنسو من احياها فكأنما احيا الناس جميعا ومن اماتها فكأنما امات الناس جميعا 
والنفس اللي تموت بسببك حتكون متعلقة في رقبتك وحتسأل عنها 


up 1 down 0
sosisos 614
قبل 6 سنه و 4 شهر



جزاك  الله  خير


up 1 down 0
امير الاصيل 1716
قبل 6 سنه و 4 شهر



بحكم عملي فني تخدير ودراستي وإلمامي المتواضع بالاسعافات الاوليه
أذكر لكم قصه حصلت معي قبل 4 سنوات  قدر الله ان اصادف حادث على طريق الدمام الجبيل وكان الناس متجمهرين بانتظار الاسعاف
توقفت بسيارتي وكان معي عائلتي وترجلت لموقع الحادث علني أكسب الاجر من الله تعالى بمحاولة انقاذ مصاب لكن الشرطه المتواجدين في موقع الحادث كان يبعدون المتجمهرين وبقيت اكثر من 10 دقائق اقنع الشرطي بأني لست طبيب لكن هناك مايمكن ان اقدمه
حتى أتاح لي المجال
ولو أن المتطفلين لم يتجمهروا ربما كنت لا أحتاج لأضاعة هذا الوقت لأقناع الشرطي بأني أود تقديم مساعده لأشخاص قد يكونوا بأمس الحاجة لها
وأخيرا اللهم أحقن دماء المسلمين في كل مكان وأحقن أعراض ودماء المسلمين في سوريا


up 1 down 0
أبو عمر الدمشقي 43
قبل 6 سنه و 4 شهر



الله يهديهم والله
مايرضونهها لنفسهم وجزاك الله خير ولك احلالايك


up 1 down 0
عاشق جنونك 142
قبل 6 سنه و 4 شهر



ودك اللي يصور انك تكسر الجوال علي جهته ذيك العينه الزباله عينه وصخه الشامت الله يبلاه بنسه ياخي افعل خير ولا انقلع وبعضهم يسرق الاغراض والجوالات الله يبلاه


up 1 down 0
o1s1s1 14
قبل 6 سنه و 4 شهر



كلامك صح ماعليه غبار بس السوال 

بس هل احد يطبق ام مجرد كلام في المواقع فقط 

و نلقاكم اول ناس متجمهر عند الحوادث لانكذب على بعض 

الزبده " ثقافة شعب " مايمديك تغيرها 

تحياتي لكم 


up 1 down 1
ماطر f15 171
قبل 6 سنه و 4 شهر



ياعمي مو لقافه .. بعضهم حرامية عيال كلب وصخين ... يدور اي شي يسرقه , ياعمي خويي حتى كرتون جوال فاضي ماخلوه له , واللي فتحوا الباب اول ماصدم ماكانوا يناظرونه على طول من الباب عالدرج يفتشون ويزرفون حتى النظارة اللي فوق اخذوها وهو وجهة كله دم



up 1 down 0
YASSER505 4174
قبل 6 سنه و 4 شهر



مره من المرات طلعت لدمام تمشية وحدي وبالخط لقيت اكثر من حادث وفي شباب والله يعجبونك راعين فزعات وقتها ليل لدرجة واحد من قوة الحماس لما خلص من حادث واهو قدامي ومسك خط وشاف واحد مولع الفليشر وواقف بعد الحادث بثلاثين كيلوا وقف عنده ههههههههه


up 1 down 0
aboamani 1147
قبل 6 سنه و 4 شهر



الناس شفايه تحب تتطلع وتشوف وناس تقول الله يستر وتمشي وناس تفزع يعني الاصابع مو سوا بس الاغلبيه يحبون تفرجون والله يكفينا شر الحوادث


up 0 down 0
طيبين -62
قبل 6 سنه و 4 شهر