اغلب سيارات موقع حراج لم يتم البيع

والسبب وانا اخوك تحصله  تاكي تحت المكيف ومتربع وتوه متغدي ويقعد يقولك صلحتها وانا عبيتها وغيرت زيتها 
 وضللتها  ومحافض عليها  ولا همه  
وكثير منهم للاسف يقول يا تجيب قيمة او  بحطها بكراج    ؟؟ 
طيب انت جاي تهدد او تبيع 
للاسف  صارلي اكثر من تسع شهور من حطيت عضوية ادور سيارة مناسبة ما حصلت 
الي راحت علي احس كامري موديل 2008 قير عاددي بــ30 حادها ومستعجل ووقتها ما معي فلوس 

بسبب أن سيارتهم غير مرغوبه أو رافعين أسعارها ومتعلق بسومه من قبل سنه 


وبيني وبينك السوق ميت الكل متجه الى الايجار المنتهي بالتمليك

يلي عطا  للاعضاء دس لايك شكله من سنه ما باع موتره  ههههههههههه  

السلام عليكم اخواني مساكم الله بالخير والرضاء 

حبيت اسالكم عن الكلام هذا ايش المقصد منه  الي بين القواس

(  لايمكن التقييم بشكل إيجابي 7 مرات متتالية..
إضغط هنا للإخفاء )

لا والله اغلبهم ماله نيه يبيع بس يقول بشوف موتري كم يسوى و ينزل اعلان و لا هو مايبي يبيع

السوق عرض وطلب والرازق الله  والنظيف يفرض نفسه وبصراحه الموقع في مبالغه بالاسعار وحتى الشريطيه مبالغين جدا فيها

صوت العزاوي ^ تعال عندي كامري تصلحلك 2007 فل كامل قير عادي وبسعر على كيف كيفك 

دخلت اعلان وراعي الاعلان كاتب السوم وصل لمبلغ (عالي وخيالي)
قلت له عام كم انسامت ؟ استظرف ):
رد برساله خاصه يقول مسيومه عام 2006 واللي سام انسحب ..شطب مخي مدري يطقطق علي والا صدق متمسك بسومه من 2006
كلن حلاله غالي عنده 

بيني وبينكم ترا موب بس هنا بحراج...."

حتى لو تنزل السوق النسيم او الشفا والله يالسيارات انها نفسها كل اسبوع ماتنباع!

انا لي 3 شهور انزل اسبوعيا النسيم والشفا والله يااغلب السيارات حفظتها خاصة اللي تجيك بالساحة!

المشكلة ان السوق بارد وراكد والشعب رافعين الاسعار فوق فوق"

نعم صحيح
سبب عدم بيع السيارات بكثرة لانه اغلبهم طاق سومه من راسه
ان سئلته قال سيمت برى ب50
وعلى الجوال ب51
وعلى الخاص ب52
ومن زميل عمل ب53
ومن واحد جاد وقف عليها وفحصها ب54
ويوم تسئله كم المطلوب يقولك ب 55 >>>>  طبعا هو كذاب لا فيه احد سام ولاشي بس يبي فيها 55

عشان كذا البركه نزعت منه وورط في سيارته

ياخي اقلها لاتكذب وقول ان السياره ماهي على السوم
ومطلوب فيها 55 وخلاص حتى لو غاليه على الاقل طلبت سعر محدد افضل من اسلوب الكذب

لان الاسعار عاليه واغلبهم يكتب جنه الشريطيه معارضهم والا الي يكتب انا مو مستعجل ان ماجابت القيمة الي براسي او بستخدم

لا واحلاهم اللي تتصل فيه .. وتسألو عن السيارة ويقلك يا اخي انا ما اعلنت عن السيارة 

بس ترا اذا جابتلي سعر بعت 

واحد يبي يبادل سيارته كامري 2007 ماشيه 300الف ويقول يبي فيها فوق 50

هذا رده
أخوي الموتر أسومه 80 الف.عندي كامري 2007 فل كامل فتحه جناح قير تماتيك. اللون مرغوب شاشة خرائط DFDY حساسات اماميه وخلفيه وستاره خلفيه. خاليه من الصدوم والرشات فيه بعض الخدوش ولاتذكر أبدا ووالموتر ويشهد غاية المستخدم ونظيف وبيض الوجه ممشاء الموتر حول 300 الف زيت يتغير شهريا. وسبق أني اعلنت أنسام الموتر مني بموقع حراج 46 الف ونسام بالمعارض 48 الف وحدي فوق 50 الف عموما اذا لك بالبدل أزودك 30 الف وبالله التوفيق

منجده يهرج ولا المشكله السياره الى سامها تسوي 95 الى 100000

تدرون  اكتشفت حاجة   كل المعلنين عن مواترهم في حراج   بزعل عليهمماخذين مقلب هههه
    تجيهم  سومات   طيبة  سومات  يطيرون الموتر   للسماء
ويعيشوون في وهم  السومات واحلام الاسعار 
من فترة حصلت  واحد في المعارض  معه مرسيدس 2006  قلتله كم عليه سوم قلي سيم في موقع حراج  65 الف
قلتله   طالما ساموه في موقع حراج  65  وراك ما بعت    قلي سوم المعارض ابيع  هههههههههههههه

من خبرتي اكتشفت
-
اسعار السوق ارخص بكثير من المعارض...البيع هنا بالمزاج...وفي ناس ينزل بضاعته واذا احرجوة الشرايين بالاسئلة راح وقفل الردود

يا جماعه فيها فرق بالاسعار خيالي

بحثت عن اكاديا  لغرض الاستخدام 

وجدتها هنا باسعار خياليه  تفوق العقل طبعا بحكم عدم معرفتي عن الاسعار كنت اعتقد ان هذا سعرها فعلا

فجلست اسوم  مع من سام  لكن  ربي سلمني وما صملت على شي او مافي احد تمم لي 

نزلت السوق  لقيت فرق غير طبيعي  وجدت الفرق يمكن عشرين الف ريال انا حمدت ربي وشكرته  اني مستعجلت 

عل العموم يجب يكون فيه اليه تسعير السيرات في الموقع  مو صعبه  ولا يا شباب اهم شي ما تعتمد على  كم السيارة ماشيه 

لان فيه امكانيه تلاعب  بالعداد فيه ناس ماعندها ذمه ولا ضمير يمكن يحلف ويكذب لاجل كم ريال ما راح يتهنى بها