فكره لتطوير موقع حراج للافضل

1 4

لايمكنك التصويت حتى الحصول على 20 نقطة على الأقل
إضغط هنا للإخفاء

عادل الطائف 159
قبل 10 سنه و 4 شهر

اخواني اعضاء وزوار موقع حراج كل اللي يهمنا احنا نعرف وضع السيارة كاكل كثير من الناس الي عارضه سيارتها ماتصرح عن كل شي الاعلان شي وعلى الطبيعيه شي ثاني يعني تقول الواحد السيارة المكينه القير موظبة يقولك نظيفة ياخوي مايهمني كلامك انها نظيفة الفحص يوضح كل شي بس قولي وابري ذمتك مو حد الفحص ادفع فلوسه وبعدين يرجع يقولك انا قلتلك نظيفة وانت بكيفك والله يشهد ان قبل فترة واحد عرض سيارته يوم ارسله على الخاص يقولي شد بلد وماكتب الله نصيب في لحظتها وشوي الا اشوف وهو معدل الاعلان يقول السيارة موظبة ماكينه وقيرعلى الشرط اشلون قال تمشيك 5 سنين هههه الاخ بحسبة المصنع اخوي لا يعلم الغيب الا رب العالمين واللي الي تسأله عن حال سيارته يقولك تعال ومارح نختلف تروح تشوف العجب العجاب يا اما ترد تي تي زي مارحتي جيتي ولا ما تتفقون ولا يقولك فيه اشياء بسيطة وبسم الله فيها وفيها ياخوي بسيطة عندك انا ماتخارجني ضياع وقت على الفاضي طيب يعني بالعقل اشياء بسيطة وراك ماتصلحها ؟ ويوم تسأله كم اسعار القطع هذي ولا هذي يقولك ماعرف طيب كم تكلفة التركيب والله مادري طيب على اي اساس حكمت انها بسيطة ؟ او يقولك تقريبا وش من تقريب انت سألت وعرفت كم تكلف بإجرة اليد ولا لا ؟ ولا بعد ماتشتري بفترة بسيطة تبدى تظهر معاك بعض المشاكل الي ماظهرت وقت الشراء وحتى لو تدق على الي شريت منه تبي تسأله  مجرد سؤال عشان تعرف هالمشكله من قبل ظهرت له وحاول يعالجها وش صار معه ولا حظك ونصيبك توها طلعت فجاءة يا اما مايرد وان رد طبعا الرد المشهور اللي يختصر كل الأسئلة والاجابات مادري او ماعرفلذا اقترح مثل مافي خانات اجباري على الملعن لازم يملاها زي عنوان الاعلان والمدينة ووسيلة الاتصال والمدينه وحاطين نوع السيارة والماركه ورقم العداد وحالة السيارة اختياري اتمنى من القائمين يوضع خانات اجبارية على الملعن الاجابة عليها عشان كل واحد يشتري على بينه ويكون كل شي واضح كل شي قدامك مايحتاج ترسل عام وخاص وتدق اتصال مقفل مايرد كله عشان تبي تستفسر عن شي* حالة البدي 1- شد بلد 2- رش تجميلي 3- رش سمكره وفي حالة السمكره يحطون له خانه يوضح فيها مكان الرش وين ويذكر اي اضرار ناتجه عن الحادث ولا زالت موجودة .* حالة المكينة 1- شد بلد 2- موظب 3 - مغيروفي حالة التوظيب والتغير يحطون خانه يوضح فيها البائع اذا مانتج عن هذا الموضوع اي اضرار لازالت قائمة ولم تحل .* وخانة اجبارية للممشى السيارة ترى زهقنا وحنا نصيح كم ممشى السيارة وصار بواقع التجرية الي مايرد من اول سوال يعني سيارته ماشيه واجد .وفي بعض المواقع يكون تحديد السعراجباري مافيها شي حطو خانة للحد وخلو باب التفاوض مفتوح لا يقعد الواحد يفاوض ويفاوض وصاحب السيارة سومة طيبة ونطلب من الله الزود ولا يبي يصرح كم يبي الا بعد مايضغطون عليه الشباب بالاسئلة كم الحد كم الحد ياخوي حط حدك وشف سومات السوق وكل واحد بخارجهواخيرا يحطون خانه يوضح فيه البائع اي صيانة ميكانيكية او كهربائيه تحتاجها السيارة وبكذا يبري ذمته وهالشي مهم جدا جدا وهذا الي يهمنا كمشترينطبعا الي مايعجبه هالكلام المكتوب = انتبه امامك شريطي :)وش رايكم يااأخوان ؟ اتمنى من القائمين على موقع حراج النظر لهذا الاقتراح بعين الاهتمام لأنه راح ان شاء الله يسهل عملية الشراء على المشترين لأنه يجيب على الكثير من الاسئلة اللي تهم المشترى قبل مايقدم على خطوة الشراء يكون توفرت لديه معلومات كافية عن السلعة المعروضة اتمنى ياخذوه من باب تطويرللموقع اتمنى من الجميع التفاعل عشان يوصل صوتنا لإدارة الموقع ودمتم بخير .

إبلاغ

الردود