أضف سؤال أو موضوع جديد          

دعوة للنقاش حول صيانة السيارة

up 10 down 1
black-97 295
قبل 6 سنه و 10 شهر



ايش الافضل انك تسوي صيانة السيارة في الوكالة و لا تسوي الصيانة في اي ورشة خارج الوكالة مع ذكر السبب (كل واحد يكتب ووين يسوي صيانة لسيارته؟؟)








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


على حسب الميزانية ونوع الخراب :)


up 4 down 0
roooma 725
قبل 6 سنه و 10 شهر



انا انصح خارج الوكالة لان الوكالة حرامية ولافية احد صادق كلما جيت عندهم لهط فلوس يعني حتى غيار الزيت اغلى من برا لية زيتهم الماس وبرا زيت قلي والاى الوكالة صيانتهم لازم تاخذ موعد وش دعو هاذي سياسة تطفيش عشان ماتجيهم وتدبر عمرك
المراكز الخارجية صارت افضل بكثير وتتطور اجهزتهم اكثر
يعطيك العافية ع موضوعك


up 3 down 0
خالدالسلطان 2186
قبل 6 سنه و 10 شهر



اخوي انا كنت بانزل موضوع في نفس الموضوع .. بس دامك نزلت موضوع خلينا اكتب تعليقي ..انا اشتغلت مطبق في شركة توكيلات الجزيرة للسيارة (فورد) بالطبع كانت تجينا سيارات فخمة وجديدة يعني بعض خدمات الصيانة تمنع دخول الاشخاص مع سياراتهم في محلات الصيانة فيسير فيه لعب جوا لايعلمه الا الله مافيه اهتمام يتعلمون على سيارتك .. تخيل ان موية الرديتر يعبونها موية عادية ... مع العلم ان توكيلات الجزيرة افضل وكالة في التعامل وماخذين عنها الناس سمعة طيبة (فما بالك بالوكالات الثانية) وش يسر فيها .. انا رأي ان الواحد يروح المراكز الشهيرة في الصيانة ويجلس مع سيارته وكل شيء تحت عيونة ولااحد يقدر يلعب عليك



up 6 down 1
شهري 507 2310
قبل 6 سنه و 10 شهر



يعطيكم العافية يا شباب على ردودكم


up 0 down 0
black-97 295
قبل 6 سنه و 10 شهر



انا سيارتي جديده وبخلي الصيانه الى الـ 20.000
عشان اعرف ان الموتر سليم من العيوب وبعدها بسحب عليهم سحبه الييييييييمه
بالنسبه للزيت عندهم مدري وش قصته يقولون جوده !! لكن مايمنع اني اغير برا فيه مثله ماوقفت عليه



up 2 down 0
شكلين مآبحكي 4750
قبل 6 سنه و 10 شهر



شهري507

توكيلات الجزيره مره خربوا علي الدفرنس رغم اني نبهتهم انه الكرونه تحتاج الى وزن دقيق

فعلا بعد مااخذت السياره بدات تطلع ونه فالدفرنس وكنت متاكد انها من الكرونه

المهم 

انا عني ضخصيا اسوي صيانه لحد 15 الف كيلو 

بتكون كفايه للتاكد انه السياره خاليه من عيوب التصنيع

بعدين اسحب عليهم

ويعيطك العافيه على الموضوع وتستاهل احلى لايك


up 3 down 2



خارج الوكالة لان الوكالة اسعار غالية جدا ولاتضمن انهم غيرو لك هالشي فعلا
اشتر القطعة من الوكالة واركبها برا واشرف على عمال الورشة لعدم استبدال القطعة وتركيب قطع تجارية او مستعملة


up 3 down 0
رياض2011 1004
قبل 6 سنه و 10 شهر



اشوف ان خارج الوكاله يكون احسن منها تعلم اعطال السيارات تاخذ خبره يعني الوكاله تلقاه ميعرف يتكلم وبعدين الوكاله اضمن بس شغل اليد يقطع ظهرك على قلة فايده وخصوصا وكالة عبد اللطيف الله لايبلانا  ماهي وكاله سرقه عيني عينك


up 2 down 0
لافي يوسف 1155
قبل 6 سنه و 10 شهر



بصراحه الوكاله تدبل السعر ولكن الوكالات تختلف عند الوعلان تبع هونداي اسعار معقوله ام عبداللطيف اسعار مجنونه وكذلك الجميح والناغي والجفالي ولكن نيسان اللي على مخرج 18 اختلفو في اسعاره .


up 2 down 0
المتنامي 360
قبل 6 سنه و 10 شهر



أنا عن نفسي مثل ماقال أخونا روما ( على حسب الخراب ) أذا كانت صيانتها بسيطة وتغيير قطع استهلاكية وزيت وفلتر ...الخ سويها برا أرخص لك وأوفر لك وفي بعض محلات الصيانة الشهيرة تسوي لك عروض في حالة استمرارية التعامل معهم مثل تغير الزيت أربع مرات والخامسة مجانا وبعضهم يعرض لك نظام صيانة بالكوبونات مسبقة الدفع وهكذا ...


والوكالة ماترجعلها إلا في حالة الصيانة الشاملة للتأكد من عيوب السيارة المصنعية ( مثل ماأفادونا الأخوان ) وكذلك في الخرابات أو المشاكل الصعب معرفتها أو إصلاحها عشان مايجيك أي واحد يفتي من راسه هنا أقولك الوكالة أضمن لك ...


شكرا لموضوعك وتقبل مروري ...:)


up 4 down 0
محمد المصباحي 1173
قبل 6 سنه و 10 شهر



انا افضل خارج الوكالة للاسباب:
1- السعر غالي
2- تأخير السيارة عندهم
3- اذا كانت صيانة دورية يصلحون اشياء اصلا مهي خربانة (يعني يخرطون الهوبات وهي توها جديدة) يلعبون في وزن الفرامل وغيرها
4- يمكن يسرقون اي شيء من السيارة زي الاستبنة وغيرها
5- ماتدري يمكن تشتري قطعة ولا يركبونها يصلحون لك اي كلام


up 1 down 0
أبوعوض 2210
قبل 6 سنه و 10 شهر



انا اغير كل شي حسب جدول الصيانة بالوقت والمسافه وقبل بعد...بس أشتري القطع من الوكالة من فلاتر وبواجي وصفايات ووواغير براا عند ميكانيكي ثقة صديق والسبب شغله مضبوط 100%
والوكالة ماجيها لان اسعارهم خيالية كل شوي ترتفع على حسب الكيلو هههههههههه وانتظار وروتين بس زيت القير غيرته عندهم 200 ريال //سيارة هوندا 07



up 1 down 0
talal abdullah 5415
قبل 6 سنه و 10 شهر



خلك تحت رحمت الوكالة ولا يحوسوك الورش من ورشة لورشة يصلح شي ويخرب شي


up 2 down 0
ميزراتي 62
قبل 6 سنه و 10 شهر



انا عن نفسي افضل صيانة السياره خارج الوكاله لان اسعارهم مبالغه فيها جدا جدا .. على سبيل المثال انا قبل فتره خرب علي السلك الداخلي حق الكبوت وصار ماعاد يفتح رحت للوكاله اشتريت السلك ب 30 ريال رحت للوكاله ابغيره قالوا لي شغل اليد لحاله 200 ريال .. انا استغربت من السعر .. تركتهم ورحت لورشه بالصناعيه والله انه غيره لي وانا واقف في خلال 10 دقايق ب 35 ريال وبنفس طريقة الوكاله .. ومن يومها وانا ساحب عليهم ..


up 1 down 0
المحترف99 928
قبل 6 سنه و 8 شهر



من جد ذبحونا من الوريد للوردي
ولا ٥٠٠ ريال زيت وكلام فاضي وكأنك تجري ورى معامله في المحكمة  والسيارة اول صيانته يعني جديده
الأفضل انك تسوي الصيانة في ورشه موثوق فيها جدا  وتوفر وقت ومال وتنعطى وجه مو يعاملوك كنك طالب صيانه مجانا


up 0 down 0
الخطاط 6
قبل 5 سنه و 3 شهر



أنصح الي يذب سياته عند الورشة على شان شغلة ساعة او ساعتين أنه يشتري القطع بنفسه
وقبل البدء يتفق معهم أنه يبي القطع القديمه قبل كل شي. ياخذها ويذبها بالزبالة أضمن من أنه يلعبون عليه فيها.

بعض الورشة لا يخافون الله
يحملك إصلاح أشياء فيها نص عمر مثل العضلات وغيرها ويبيعها
وبالذات الدينمو يحتاج فحمات بسيطة ويكلفك تجيب واحد جديد
ويصلح الأول
صارت السالفة فك وتركيب ما فيه شئ تصليح.

أو يمكن يطلب قطعة كهربائية ولما تروح من عنده يلقى العطل كتاوت أو فيوز ويصلحه ولا يخبرك
وعارف ربعه في قطع الغيار يسترد فلوسك لحسابه بواسطة الفاتورة (البعض يسلم العامل القطع بكسيتها بفاتورتها!!)

صحيح أن الحساب يوم الحساب ولا يضيع شئ
لكن الدنيا تبي والآخرة تبي.


up 0 down 0
خ.الد 99
قبل 4 سنه و 11 شهر



أحب أضيف
لا تفحص عند ورشة واحدة فقط
البعض عليمي ويكلفك بأشياء مالها علاقة بأساس المشكلة

معي قراندماركيز
وتعطل الجلنط يمسك خفيف
واحد قال قماشات
والثاني بيخسرني قال تغير اسلاك الجلنط كلها (طبعا يماني)
قلت ليه؟ قال لانها مع الوقت تتمدد!! قلت أنت عمرك شفت سلك الجلنط؟
ياخي سلك الجلنط لو تسحب فيه سيارة ثانية ما تمدد ولا أنقطع! لا تسميه سلك وتحسبه سلك فعلا! تراه واير مبروم.
غير كذا التصليح 200 ريال (من غير القطع)

وأروح لورشة ثانية وأصلحه ب 70 ريال مجرد وزنية فقط لا غير. لا ورد لي عشرة ريال من أمانته وتقديره لبساطة شغل يده, اسأل الله أن يرزقه وكل من يتقي الله.

مر على ثلاث ورش على الأقل
ولا تقول ما عجبك السعر قل بروح أجيب قطع. وأرجع للأفضل.


up 0 down 0
خ.الد 99
قبل 4 سنه و 11 شهر



في بعض الدول الإصلاح بالساعة
تروح لورشة محترمه عليه إقبال من شان ما يماطل فيك ويأخذ وقت أكثر بالتالي تدفع أكثر
لأن يعرف فيه زبائن غيرك.



up 0 down 0
خ.الد 99
قبل 4 سنه و 11 شهر