أضف سؤال أو موضوع جديد          

موظفين المرور قسم الحاسب تفضلو

up 0 down 0
hack1 2914
قبل 5 سنه و 4 شهر



السلام عليكم ورحمة الله وبركاته 
صبحكم / مساكم الله بالخير 

ي جماعه ودي أعرف هل نظام المرور يطلع فيه المهنه 
سألت واحد قالي نظام المرور العادي مايطلع فيه 
ولاكن قال فيه نظام الرخص بس مايدري هل يطلع فيه أولا 
والسالفه ومافيها أبغى أسجل لموزين بأسمي بس متخوف إني أروح أقص رخصة الملكية ويعرفو إني عسكري 
ولو فرضآ عرفو إني عسكري تعدي ع خير ولا فيها شرطه عسكريه 
تكفوووون أبغى منكم الإفاده 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله ما أدري هل يظهر أو لا
ولكن تأكد أنهم لو يبون يظهرون المهنه راح يضعون نظام بمجرد إستخدام إدخال رقم الهوية يظهر لهم كل شي عنك بالتفصيل فالمتوقع إنها ماراح تعدي عليهم إذا كانوا صارمين وحسبي الله عليهم
نزل وقد نزل قرار ملكي بسعودة التكاسي لكن مجرد كلام والناس ظروفها صعبة فالمفروض التاكسي تبقى محصورة على السعوديين فقط سواء موظف أو عاطل كفاية الشعب وضعه سيئ ؟


up 1 down 1
المستكثر -2
قبل 5 سنه و 4 شهر



لو كان سيستم المرور صاحي، فالمفترض يكون فيه ربط دايركت ويمنعها السيستم نفسه سواء تظهر المهنة للموظف او لا

لكن ربعنا شغلهم دجه ماظنتي بيدرون عنك

وبالعموم أتمنى يفيدونك الاخوان


up 0 down 0
abdulazizsh 117
قبل 5 سنه و 4 شهر



لازم يكون عندك رخصه عمومي الشي الثاني لازم ما تكون موظف عسكري الشي الثالث تخلص امورك من المرور وبعدها من المواصلات


up 0 down 0
لا حدود 479
قبل 5 سنه و 4 شهر



ما تقدر حتى وان مشت بتنقفط بعدين          واحد اعرفه عسكري فتح له سجل تجاري ومشت معه وانقفط واخذو منه تعد ومدري ايش وتسجلت في ملفه العسكري


up 1 down 0
العامري دوت كوم 2 453
قبل 5 سنه و 4 شهر



أخ بس 
وربي هم الي خلو الناس تتجه للشركات 
مع إن موجود عندي رخصه عمومي 
بس كله بسبب المهنه 


up 0 down 0
hack1 2914
قبل 5 سنه و 4 شهر



ليه مانسوي حملة كبيرة نطالب فيها بسعودة التكاسي سواء موظف او غير موظف يبج أن تنحصر التاكسي على السعودين دون شروط أو قيود وهذا في صالحنا وتخفيف الضغط المادي علينا


up 4 down 4
المستكثر -2
قبل 5 سنه و 4 شهر



ياخوي لاتتعب نفسك كل الدوائر الحكومية مرتبطة بمركز المعلومات بوزارة الداخلية 
وبتطلع عندهم وظيفتك وجهة عملك ولا راح يسجلونه بإسمك من الاساس 
وحتى لو سجلته بإسم واحد من قرايبك ولا اخوانك واستخدمته وطحت في المرور بيعطيك مخالفة ب ٥٠٠ ريال 


up 1 down 0
for speed 752
قبل 5 سنه و 4 شهر



حسبي الله عليهم 
طيب لو أطلعه بأسم شركه 


up 0 down 0
hack1 2914
قبل 5 سنه و 4 شهر



يطلع عندهم انك عسكري متأكد 100%


up 0 down 0
ابوسعد990 369
قبل 5 سنه و 4 شهر



المشكلة مو في تسجيل السيارة ممكن تسجل التكسي باسم اخوك صاحب قريبك زوجتك ابناءك
المشكلة في الرخصة العمومي
على حد علمي المتسبب يسمح لهم بالعمومي وايضا الموظف الذي تقتضي ظروف عمله الرخصة العمومي

لاحظ موسم الحج في مكة يتم اصدار تصاريح قيادة الحافلات لمن ليسو متسببين فقط لموسم الحج
والا ما المانع في منح اي سعودي رخصة عمومي ويشتغل ويعين خير

مالمانع لو كنت موظف ( مهما كان حجم الراتب ) ادور مصدر دخل تاني يعينني على صروف الزمان !!!!

عجبي


up 1 down 1
العمدة 1434 1190
قبل 5 سنه و 4 شهر



الشكوى لله وأنا أخوك دور لك شركة وحطها بأسمهم أو خذها جاهزة من الشركة .
ولكن الله يعينك على حاجتين .
الأولى الرخصة العمومي راح تآخذ قسيمة خصوصاً إذا طحت بواحد أقشر .
الثانية التأمين ما يشملك لا على الغير ولا الشامل لأنك لا تملك رخصة عمومي .
ولكن توكل على الله واشتغل وخلك حريييييييييص يعني لا تغلط لو 1 % وتصدم حاول لو صار حادث ما تكون سبب فيه 
وصدقني راح تلقى خير إن شاء الله 


up 0 down 0
أبو عبسي -2
قبل 5 سنه و 4 شهر



الحين في حركه جديده اعجبتني يشتري سياره لون ابيض ويركب استكر من الزينه عالباب (( اجره )) واللمبه مغناطيس فوق التنده ومتى ما خلص الكده فكها


up 0 down 0
لا حدود 479
قبل 5 سنه و 4 شهر



ازين لك خذلك ددسن نقل خاص حمل فيه وكد ابرك من العمومي ومايشترط رخصه


up 0 down 0
فهد4950 2546
قبل 5 سنه و 4 شهر



يطلع عندهم بنظام غير نظام البرنت العادي , كل دوائر الوزارة مربوطة ببعض الا الحقوق الخاصة والكلية الامنية انت تعطيهم تفويض ببياناتك


up 1 down 0
YASSER505 4165
قبل 5 سنه و 4 شهر