متردد بين فحص السيارة كمبيوتر ..

وعليكم السلام ورحمة الله وبركاته ...

ربي يسلمك يالغلا

شوف هذا الرابط وان شااء الله تستفيد منه .. بس اذا رحت تفحص الموتر خذ الرموز منه وشفها في هذا الرابط عشان مايضحك عليك وتعرف الخراب.

يعني انت سو فحص كمبيوتر واذا طلع الرموز حقة الخراب خذ ورقة نتيجة الفحص ورح البيت وروق وخذ لك شاي وادخل معلومات الفحص بالرابط وترجمها من جدنا قوقل وتطلع لك المشكله ورح خذ القطع المطلوبه ..

ان شااء اكون افدتك ...تحياتي

اووووه نسيت الرابط >> http://www.actron.com/code_lookup.php

والله اخوي الفحص الكمبيوتر ماعندهم سالفة خاسرة فلوس على الفاضي وبيطلعون لك الف خراب وهي في الاساس مايبيلها اي شي

نصيحة حاول انك تبحث عن مشكلتك في الانترنت بتلقى لها حل

شوف اخوي فحص الكمبيوتر مايصير الا اذا كانت لمبة التشك انجن والعه لجل تطلع اكواد الاعطال اما المبه طافيه فبيسوي عليك فلم بحكم انه اول شي مانعرف لغه انجليزيه والكثير لايعلم انهم يستغلون الكمبوتر بالنصب يعني انه بيقول لك تحتاج تغيير بواجي تحتاج تصفية بخاخات وصفاية بنزيل لجل يلهف منك مبلغ وقدره بس تقوله اعطيني الاكواد طيب الي طلعت وجه راح يتغير وماراح يعطيك لنه اساس مافيه الاعطال الي ذكرها 

اذكر مشكلتك وان شاء الله نفيدك

الأخ الفاضل أبو فيصل

تجنبــًا لأي عملية نصب مما ذكروه الإخوان فإليك نصيحتي

يفضل استخدام الكمبيوتر في تشخيص العطل ولكن
ما هو الجهاز الذي سيشخص العطل

المشكله أن أغلب مراكز الفحص تستخدم أجهزه عامه محملة ببرامج الشركات وهذه الطريقة غير مجدية
اذهب لمحل متخصص في فحص السيارات و لديه الجهاز الخاص بشركة السيارة
و أيضــًا احرص على أن لا يكون عند مركز الفحص مركز للإصلاح حتى لا تتعرض لعملية نصب

إذا كنت في الرياض فأنصحك بمركز كارتك فقط
و إذا كنت في غيرها فحاول أن تسأل عن المتخصصين في اللكزس
و أحيانــًا تقبلها الوكاله

إذا لم تستطع أن تفحصها عند متخصصين فاتجه للحل الذي ذكره الإخوان..خذ أرقام الأخطأ و ادخل للموقع و دور عليها أو ضعها هنا و الأخوان سيساعدوك

وفقك الله

اخوي ابو فيصل اللي راح يفحص سياراتك بالكمبيوتر هوا نفسه اللي راح يصلحها واذا ماصلحها اسحب سيارتك بس خلي اتفاق بينك وبينه ان يتم اصلاحها بعد الكشف
ولا تسيب السيارة وتروح وتستنى منه اتصال
يكفينا خلاص حتى البنقالية لعبو علينا :)

الفحص في الكومبيوتر ماينفع الا في حال كان الكومبيوتر مخصص لهذي السياره مثل gt تبع البي ام ,والجهاز الخاص بشركات تيوتا ولكزس
لكن كمبيوتر اي كلام والله مايطلع الا قرائة الحساسات الموجوده فقط 
كل اللي تحتاجه ميكانيكي فاهم شغله صح