أضف سؤال أو موضوع جديد          

لا تلتفت لكلام موظف الوكالة فهو في النهاية يؤدي عمله

up 18 down 3



السلام عليكم و رحمة الله و بركاته ,,,

اخواني و حبايبي أسعد الله أوقاتكم بكل خير , اليوم عندي موضوع خفيف و لطيف و هو بالنهاية مهمة التوعية
فيه لكي يتجنب الواحد منا الإختيار الخاطئ أو الإستعجال !!!!!
كثير من الناس و ألاحظهم من أصدقاء أو أقرباء أو زملاء إلخ ... إشتروا سياراتهم بناءاً على إنه زار أحد
الوكالات للسيارات و هجم عليه مندوب المبيعات هههههههه عشان يحظى بالغنيمة (العمولة) !!!! ويجيك المندوب
متحمس يمدح بسيارات الوكالة اللي يشتغل فيها و إنها من أفضل السيارات و إعتمادية و صبورة و قطع الغيار رخيصة
و الصيانة ممتازة و كلن يعرف لها إلخ ...!!!!  وكثير منهم للأسف يستخدم هالأسلوب حتى لو كذب و تدليس وأكثرهم
من جنسية عربية معروفة ما أبي أذكرها عشان ما يتحول الموضوع للشخصنة !!!!! و طبعاً بعد ما يعبًي راس
العميل بالمدح للسيارات اللي يسوًق لها , يتجه للخطوة الثانية و هي أخذ رقم العميل , و يا ويلك لو أخذ رقم 
جوالك !!! مكالمات بالصباح و بالظهر و بالليل و يزًن عليك برسايل  العروض و الإعلانات !!!!! لين ما
تقتنع فعلاً بكلامه و تشتري السيارة و بعد ما ياخذ (العمولة) تتصل عليه ثاني يوم عشان تبدي ملاحظة معينة
أو تسأله بشي يخص السيارة تلقاه (يصمًت لك) يطنشك !!!!! و يدور على ضحية ثانية إن صح التعبير !!!
كل هالسيناريو اللي ذكرته تو يحصل كثير و هو الغالب على (مندوبي المبيعات) بوكالات السيارات !!!!

و أنا أستغرب حقيقة من بعض الناس إنه يشتري سيارة بناءاً على مدح (مندوب مبيعات) فقط !!!! دون
الرجوع لمميزات السيارة و إنطباعات الناس عنها و سؤال مُلاك للسيارة اللي يرغب الشخص بشرائها
و الإستفسار عن وفرة قطع الغيار و الصيانة إلخ ... !!!! لذلك أنصح الجميع بعدم الإعتماد على كلام
مندوب المبيعات فقط !!! فهذا التسويق هو عمله و مصدر رزقه , و أكيد راح يعبًي راسك مدح بالسيارة
حتى لو كانت من اسوأ السيارات و أقلها إعتمادية !!!!! أنا بصراحة أروح كثير لوكالات السيارات و 
طبعاً أنا ما يقدرون (المندوبين) يصنفوني على إني عميل سهل !!!! لعدة وسائل أستخدمها لما أتناقش
مع المندوبين :

1/ لمًا يمدح سيارة (سيدان) مثلاً موجودة عنده بالوكالة , أحاول أستفزه بذكر مميزات موجودة بسيارات
أخرى من نفس الفئة ما هي موجودة بالسيارة اللي يسوًق لها !!! أو مثلاً الأسعار و الصيانة إلخ ...
و طبعاً أغلبهم يحاول إنه ما يدخل بموضوع المقارنة خصوصاً لو كانت المقارنة راح تتفوق على
السيارة اللي يسوًق لها !!!!

2/ ما أصدق (مندوب) مبيعات كلامه كثير !!!!! هههههههه , لأن أستغفر الله اللي كلامهم كثير ألاحظ
عليهم (كذب) و من العيار الثقيل بعد !!!!

3/ ما أفتح له مجال ولا بشكل من الأشكال إنه يأخذ رقم جوالي , بالعكس أنا أطلب منه (كرت) أو
أرقام للتواصل معاه .

طبعاً هذا موضوعي اليوم , و أتمنى منكم الإثراء و المداخلات التي تُفيد في صلب الموضوع ولا مانع أكيد
من النقد .

محبكم &&& أبو طلال










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الاحز =  الاحظ
البنوم= البنوك


up 0 down 0
بوسعد123 179
قبل 5 سنه و 11 شهر



الوالد الله يحفظه كان يبي جيب بورش المهم رحنا الوكاله وشرينا بعد روحه ورجعه من الوكاله تقريبا فوق ال 8 مرات هههههههههه
المهم يوم شرينا قلنا نبي للون اسود قالغير متوفر الا البني والابيض والسلفر*عشان يمشونها لان الالوان ذي ماتمشي زي الاسود*  وقلنا ننتظر المهم اليوم الي بعده اتصلو علينا وقالو في اسود بجده اخر حبه بنبيعه عليك ب 477 * سعر السياره المتفق عليه كان 456* كاش طبعا
كانو متوقعين اننا بنصدقهم ونقول خلاص خلاص يلا احجزوه بعد مادقينا ع واحد نعرفه بوكاله جده قال في تقريبا فوق العشرين جيب بورش اسود موقفه بحوشنا ههههههههههههه 


up 1 down 0
abdullahsafar
قبل 5 سنه و 11 شهر