استفتاء اهيهما افضل الهايلوكس الدبل اوالشاص

شاص افضل ويمسك سعره بس عيبه المناقز  

الشاص يتحمل اكثر للتحميل و السحب

وش جاب الشاص عند.الهايلكس

كنك تقارن بين جحش و أبوه الحمار
الله يعزكم



امزح .... امزح .... كولوا سيارة كويييييس

شااص اكيد                

ي اخي مايبي له الهايلكس ٤ سلندر ب الله تبي تتحمل دبل وبعدين واحد مسستخدم الهايلكس دبل يقول دبل خفيف انسسئ متستفيد منه اما الثقيل اللهم يطلعهاا بس يعني فاشله والئ الشاص مايحتاج والئ يبي له تستشير 

الله يسامحك بس 

البقرة طول عمرها بقرة 

الهايلوكس الدبل ممتازة جداً حسب تجارب البعض ، دبلها قوي ولا يقل عن دبل الشاص ، حسب ما ذكر لي بعض الأخوان : ذهب مناسبة عند شخص في تهامة عسير والطريق المؤدي لمنزل الشخص يمر وسط وادي ، وبعد العودة من عند منزل الشخص كان فيه سيل في الوادي ولا يوجد طريق آخر سوى العبور من الوادي ، وكان جميع المدعوين سياراتهم جيوب لاندكروزر وواحد معه جيب لكزس وواحد معه هايلوكس دبل 2012 ، طبعاً الجيوب عبرت الوادي ولكن بصعوبة وصاحب الكزس ما عبره إلا بسحب أحد الجيوب له ، أما الهايلوكس فيقسم بالله أنها عبرت الوادي بأقل جهد ولا فحطت ولا شيء ، فعلى العموم الهايلوكس قوية ، والله أعلم .

جربتي لان كان معي هلي 91 و 95 و98 و2002و2006 و2009دفع رباعي طبعاً 95 مازالت معي من ناحية الراحة انا لم اشعر بفرق ابداً كلهن الي راكب ورا الله يعينة اما من ناحية ركوب السيارة والنزول منها الدفرنسين اصعب لارتفاعها عن الارض اما من ناحية القيادة انا ارى الهلي الدفرنسين القيادة اكثر متعة لان الارتفاع يجعلك المسيطر في الطرق المزدحمة والطويلة والوعرة اما من ناحية الرساوة الدفع الرباعي اكثر التصاقاً يعني(الجاذبية) من الدفع الثنائي اما من ناحية قوة المحرك انا كانت عندي نظرية (ان اي دفع الرباعي 4 اسلندر ليست بجيب) الى ان جربت هلي4×4 حكت واحد من اخوياي 2007وتحطمت نظريتي تماماً اي طريق وعر يسلكة جيب اسلكة وبكل ثقة وكلما كانت محملة كنت اكثر ثقة بسيارتي الهلي4×4 يعني اذا كنت محمل ومشغل الدبل الخفيف ومنزل الهوا والله اخر شي تفكر فيه انك تغرز عموماً من ناحية التقويمة الهلي 4×4 اقوى من العادية من 0الى90 مع مراعات تشغيل الدفع الخفيف اما من 90كم فما فوق فالعادية اسرع لان مقاومتها للهواء اقل اما في حالة مسك (الذرا) لان تفلت العادية ابداً انا افضلها على الجيب للاسباب الاتية:.
اذا شريت جيب ماتقدر تحمل عليه اذا رحت للبر ممكن تشيل 7 اشخاص طيب وفرشهم وشناطهم وعزبتكم؟
اذا شريت جيب (شاص) لان تستطيع ان تشيل اكثر من شخصين وممكن ثلاثة بالقوة
اما من ناحية صرفية الوقود وتغيير الزيت والصيانة واسعار قطع الغيار الجيوب مكلفة
عموماً الهلي 4×4 تشيل 6 اشخاص مع شناطهم وفرشهم وعزبتكم وخيمتكم وجراكن الموية كل هذا وبشكل مريح
باختصار اذا رحت للبر لوحدي لااخاف من اي شيء الا الله، حقاً انها سيارة تشعرك بالامان بعد الله