التأجير المنتهي بالتمليك ورط الكثيرين

20 3

لايمكنك التصويت حتى الحصول على 20 نقطة على الأقل
إضغط هنا للإخفاء

غرك جمالك يا خسارة حلاتك 6900
قبل 11 سنه

السلام عليكم و رحمة الله و بركاته ,,,

اخواني و حبايبي أسعد الله أوقاتكم بكل خير , اليوم حاب أتكلم عن أشياء غريبة شفتها بالموقع الصراحة !!! أنا
لي فترة أدخل صفحة (التنازل) أدور سيارة صغيرة و قسطها خفيف عشان أخليها للمشاوير البسيطة و القريبة
مثل: (إكسنت , ريو , يارس إلخ ...) خصوصاً إني ممكن ألقى سيارة للتنازل يكون سعرها زي الكاش أو أزود
بشي بسيط !!! فليش أدفع كاش و ممكن ألقى أقساط بنفس السعر ؟؟ ما علينا من هالموضوع بس اللي حبيت
أشير له بأني شفت ناس ورطانين فعلاً بالتأجير المنتهي بالتمليك !!!! و كثير أشوف سيارات للتنازل مجاناً
و مدفوع منها مبالغ ماهي بسيطة مثلاً 40 و 50 ألف !!!! و في ناس واجد ماخذين سيارة قسطها 2500
و 3000 يستهلك أكثر من 30% و 40% من دخله الشهري !!! و بعد كم شهر يحس بأن القسط ثقيل عليه !!!
خصوصاً إذا كان (متزوج) و عنده إلتزامات كثيرة مثل: إيجار , مصاريف بيت , فواتير إلخ ... !!! أو تلقاه
يتحسف على القيمة العالية اللي حسبوها له الشركة مثل سيارة قيمتها كاش تلقاها ب 90 ألف يحسبونها على 
140 ألف و يمكن تزود !!!! و اللي يبي يتأكد من كلامي يدخل صفحة (سيارات للتنازل) بالموقع و يشوف
العجب , و الله في سيارات أشوفها ما مشت أكثر من 5 آلاف و تلقاه دافع مقدم 15 أو 20 ألف و بالنهاية
يحطها للتنازل مجاناً أو يطلب 3 آلاف أو 5 آلاف !!! مرة  شفت إعلان لواحد و تعجبت بصراحة منه !!!
الأخ ماخذ كامري 2013 و دافع مُقدم 15 ألف , وحدود 3 أقساط أو 4 ما أذكر , وما مشى عليها إلا 3 آلاف
و طالب مبلغ للتنازل 7 آلاف عشان يدفعها مقدم لسيارة ثانية !!!! يعني ما أدري هل هو غباء ؟ أو سوء 
تخطيط ؟ تروح تتخسر على سيارة حول 20 ألف ولا تمشي فيها إلا 3 آلاف !!!! بصراحة أنا ما ألوم البنوك
و شركات التقسيط على نهب الناس بالأسعار الفلكية !!! لأنهم و بكل أسف لقوا من يشجعهم على هالشي !!!
حتى اللحين طايحين بحركة بعض الوكالات و الشركات لمًا تبي تستلم سيارة تنازل , قبل لا يعطونك السيارة
يسوون إعادة تقييم للسيارة على النحو التالي : سعرها بالسوق + نسبة التقسيط + إعادة جدولة للأقساط , وطبعاً
يحسبون سعرها بالسوق على مزاجهم هم مو على سعرها الحقيقي !!!! و طبعاً الاخ العزيز (aziz 747) هو كان
يشتغل بشركة تقسيط , و عارف أساليب الشركات الملتوية وحكى بعض منها في مواضيع سابقة لي , المهم أنا
أبغى من اللي كان لهم تجارب سيئة في التأجير المنتهي بالتمليك , يشاركونا فيها عشان تعم الفائدة و نتبادل 
الخبرات حول الموضوع , شكراً لكم على حُسن المتابعة و نلتقيكم في مواضيع قادمة إن شاء الله .

محبكم &&& أبو طلال

إبلاغ

الردود