ارجوا المساعده

دور بالتشليح                      

ماحصلت ورحت للسوق المركزي عند كل جديد ماحصلت 

طيب ياخوان انا ملاحظ في صور مكاين الاوبترا م2008 انها تختلف عن مكينتي كلها16 بس الشكل يختلف هل هذا له دور ولو انزل صورة المكينة تقدرون تقولون لي مكينة ايش اوبترا ولا لا؟

نزل صورة للمكينة و المكان هذا بمكينة سيارتي هو مكان بلف الحرارة 

صورة المكينه بالرابط اللي فوق ماقدرت انزلها هنا

السيارة سيدان ولا هاتش باك ؟

سيدان السيارة اخوي

وعليكم السلام ورحمة الله وبركاته . اخوي انا معي اوبترا  واعرف كل موديلتها من 2004 الى 20011 مامر على مثل ها المكينه اتوقع المكينه مولفه لها ما هي شد بلدها

غريبة لكن عموماً الاوبترا تجي لها ثلاث مكاين وحدة المعروفة و الثانية مكان تعبئةزيت المكينة يكون فالوسط و الثالثة مثل مكينةسيارتك و لا تقلق ترى كل المكاين من صنع دايو 

صح انها مختلفة عن الاوبترا الموجودة لكن هي مكينة اوبترا و لا تخاف من الناحية هذي 

طيب كيف ماحصلت لها كوع والكوع مثل ماتشوفون تعبان لازم اغيره

@# يا جماعة هذي مو مكينة اوبترا

مكينة الأوبترا من 2010 وتحت تجي كذا شوفو الرابط

http://www.haraj.com.sa/userfiles21/2011-09-12/1cb6d415ed4dd54c0db9d25b63ac5c7e.jpg

و حق موديل 2011 بدون الغطاء لكن نفس اللي قبلها 

انت حقك مرررررة مو حق اوبترا ...اصلا الاوبترا غطاء الزيت ع اليمين و انت ع اليسار وحتى العلبة السوداء

اللي ورا المكينة ماتكون كذا ..

ياأخي هذي مو مكينة اوبترا نهاااائي شكله شريطي ضحك عليك وباعك ياها كذا

شوف هذي مكينة ايش وروح اطلب القطعة ..او خليها لين تخرب وركب مكينة اوبترا اما هذي كل مايخرب شي بتتعب زي كذا

والله يوفقك

والله ياخوي مدري وش اقولك لكن واحد من اصحاب محلات القطع قال احتمال مكينة ابيكا وواحد يقول حسب المواصفات خليجي ولا ايش مادري وين الله حاطني اول سيارة لي ولااعرف شي

ولو اوديها للوكالة هل ممكن يقولون لي مكينة ايش ولا بيسوون سالفة؟

هذي مكينة الأوبترا النوع اللي معك من الوكالة أنا كنت أقصد نفس سيارتك لأني شاك بنوعها يوم قلت سيدان

http://www.motortrader.com.my/news/new-chevrolet-optra-magnum-sedan-and-estate-and-a/

مكينة سيارتك خاصة بنفس النوع اللي معك وهو اوبترا ماجنوم ..

بابي انت ... الله يعطيك العافيه والله كنت على وشك ارجع لصاحبها الاول لان مالي شهرين شاريها لكن هل قطعها بالوكالة متوفره

لو بيدي عطيتك ادارة المنتدى

الله يعافيك ما سويت شيء المسلم كالبنيان يشد بعضه بعضاً و الله يبارك لك في حياتك و سيارتك و سائر عملك 

 الوكالة ما أقولك موجودة لكن أنت رح لهم و تأكد أفضل