أفضل محل لبيع الكفرات بالرياض

نصيحه لوجه الله


ابتعد عن الغرابي ابو يمن هم وكفراتهم


طريقة تخزينهم سيئه جدا يجبونها من الوكيل فدينات وخلال نقلها تلقى الشمس تضربها


وبعضها يجيبونها من الامارات معادة التصنيع باسعر رخيصه ويبيعونها على انها جديده


مر على يلو هات على طريق المطار عندهم كفرات عليها ضمان او محل ريد كاب


صحيح فيه اسعارهم تفرق عن الغرابي ب300 تقريبا لكن تضمن انها مخزنه تخزين صحيح وعليها ضمان


او تاخذها من الوكيل خصوصا انك على سفر والكفرات ماينلعب فيها

تحصل على طريق الخرج (الصناعية القديمة) محلات كفرات كثيرة فيه محل كبير دايم أشوف زحمه عنده اسمه دار الإطارات بجانب تويوتا الرشيد
وفي الجهة المقابلة فيه محل العمودي يبيع جملة بس المشكلة ما يركب وهو وكيل تويو و نيكسن يعني أصلي 100 % ودائما أنا أشتري من عندهم وأركبه عند دار الإطارات الكفر ب10 ريال

بعد صالة البابطين الي على خريص تمشي شوي مع الخدمة تحصل محل عمالة فلبينين وسعرة حليو افضل من ابو يمن

اخوي ما انصصحك تسأل وين افضل مكان لبيع الكفرات ... روح ي اخوي للوكيل الخاص بالكفرات بالشركه حقتهم .. شوف لك اسم الشركه مثل برجيستون .. دينلوب .. هونكوك .. يوكهاما .. سوموتومو .. شوف وين مواقع المبيعات حقتها و اشتر منهم و هذا الافضل لك بإذن الله 

دور وين موقع الشركات هذي اللي فاتحه لها محلات تبيع كفراتها ولا تروح لابو يمن يغشك او يجيب لك من بتخزينهم السيئ و يسب لك مكروه لا قدر الله وللمعلمويه ترى ابو يمكن يرفع قيمة الكفر و يحسب من كل طقم 50 او 100 او 150
و الشركات تعطيك بقيمتها الاساس زايد مكسب بسيط جدا ياخذونه منك 

يعينك الرحمن

وش الكفر  الي بتركبه رح للوكيل حقه وركبه ماراح تندم لانه يجيبه من المصنع
اما المحلات كلهم شغل دبي  دامك تبي الاصلي ادفع  الزين غالي 

ركبها من عند الوكيل بفرق عشرين ثلاثين ولا 50 ريال

بس اضمن انها ماهي ملفقه ولا تنغبن بعدين

اخوي انا اركب من الوكلاء وكاللحين مركب بريدجستون من الطلائع ضحكت لما دخلته تخيل سعره نفس سعر البناشر الكحيانين ههههههههههه وبعض محلات الغرابي اغلى ب 20 ريال للكفر تخيل.....

طيب وش رايكم بكفر القوديير

بيض الله وجيهكم وما قصرتم يإخوان وأنا معي آفالون يجي معها شد بلد تويو وآبغى مثلها
أخوي زئبق وين بالضبط الوكاله حق تويو (العمودي) اللي بالصناعية القديمة ياليت تدلني عليها وإن شاء الله بكرة أمر لهم وجزاكم الله خير .

افضل محل كفرات بالضباب السليمانيه تحت برج ساره سنتر مقابل الركن الفرنسي امدح فيه مره نصيحه توجه له اسعارهم طيبه شغلهم نظيف وتواريخهم جديده ومايبيعو الا كفرات الوكاله امدح فيه انا 

رح شارع الضباب امام مطعم الركن الفرنسي في محل محترم وخدماتة حلوة واسعرة ارخص من الغراب ميشلان عليه لوحة ميشلان هو في عمارة سارة سنتر 

 شارع الضباب امام مطعم الركن الفرنسي في محل محترم وخدماتة حلوة واسعرة ارخص من الغرابي ميشلان عليه لوحة ميشلان هو في عمارة سارة سنتر  
وشغلهم زين 

ههههههههههههههههههههه

صحيح الرد متاخر والموضوع قديم لكن الي يبي يغير كفرات باسعار حلوه ورجل ثقة
0504254134
ابو سلطان موقعه الغرابي 


Homoud

انامغير عند النهدي في الغرابي بس خدمات وضمان المحل ورجال طيب ابونجم 0507459999

السلام عليكم في عندك كفرات سوناتا مقاس17 هذا رقمى0501273217

وش رايكم في محل الجمله الي بالبطحا ابي كفرات دنلوب فتك

من وكيل كفرات تويو وين موقعه ؟

مانصحش باي حد الا من الخارج يعنى اقصد من بره . الناس بره عندهم ضمير.
ملاحظة
اللعب كله تلاقيه في الكفرات وفي اي محل كمان
انصح الشراء من امريكا ديتريوت

اشتر من أي محل لكن أول شيء لازم تأخذ فكرة عن معلومات الإطار وعن التراكشن الرموز رمز الحرارة والتماسك والإنزلاق والقياسات وبلد الصنع ووو بعدها ما راح أحد يقدر يغشك مهما كان وتلريخ صناعة الكفر مهم جداً حاول تاخذ تاريخ السنة آخر أسبوع ويكون الكفر مغلف والمخزن تبع المحل مكيف أو على الأقل محمي عن أشعة الشمس ومصادر الحرارة والغبار ولا تنسى تطلب فاتورة مختومة وموقعة بتاريخ التركيب . وفالك التوفيق أدري أن الرد متأخر لكن للفائدة