أضف سؤال أو موضوع جديد          

ما هي قصة البيع قريب في الموقع ؟

up 7 down 3
apple_store_us 115
قبل 7 سنه و 2 شهر



السلام عليكم 

انا ادور لي سيارة وما املك الكثير من الوقت حتى انزل للمعارض .  بس اذا فتحت الموقع وشفت شيء موديله قديم شوي يعني 2005 الى 2008 سومها يوصل 40 وراعيها يقول لبيع قريب انا ما اتكلم عن كل الانواع اتكلم عن سيارات اصحابها يقولون لك على السوم مالي حد وان سامها احد بحقها وزيادة يقول ماني بعيد لو توصل مليون نفس لشيء بيقول ماني بعيد 



انا اقول هذا لشخص لو يبي يبيع بيبيع بس كل من سام قاله ماني بعيد خلها تقعد عندك على قلبك 

واللي يقهر اذا نوى انه يبيع يعلن عنها بسعر اقل من سومها ايش تسمي هذه النوعيات بالله يوم جابت لك سعر ما تحلم يه ما بعت و تنزل اعلانات وانسامت من رجال صامل بكذا وحدي كذا ولا ماني بعيد و بعد فترة يبيعها برخص التراب خارج الموقع 

يعني لا تقول اللي سام مو جاد لانه انت اللي موجاد بعضهم صحيح يسوم واذا اتصلت عليه يقول لك الله يرزقك ما ابيها بس الغلط مو منه الغلط منك كل من سامها قلت له البيع قريب 


وفي حركات وسخة من قبل بعض المعلنين يعلن عن ي شء ويغير الايبي ويدخل من متصفح مخفي ويرد على اعلانه يمدح نفسه و يسوم سلعته بنفسه ولا يغلط على نفسه ويدافع على نفسه يعني نصاب وقوي عين 


هذا بختصار شديد ما يحدث هنا ...  

واعذروني اذا فيه اخطاء قاعد اكتب من الجوال







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يعني يبي يبعها بسومه قريبه من السومة الاخيرة 


up 1 down 0
ولد المدينة 2014 1307
قبل 7 سنه و 2 شهر



سبحان الله وبحمده عدد خلقه ورضا نفسه وزنة عرشه ومداد كلماته

كررها 3

بدون لايك ماني في حاجته


up 6 down 1
للآجره 278
قبل 7 سنه و 2 شهر



طيب ذكر سومها قول 50 الف مثلا و ساموها ب 55 الف وقال لبيع القريب ههههههه يعني على كل سومة يقول البيع قريب هذا لو توصل 100 الف ما باع 

يعني مماطلة في لبيع و محاولة رفع السعر بعبارة مالي حد 


up 1 down 0
apple_store_us 115
قبل 7 سنه و 2 شهر



كلها اساليب وحيل من أجل الوصول الى السعر الذي يرغبه
مثلا يبغى في سيارته 50 الف
يقولك سيمت على 
جوال ب43
خاص ب44
زميل عمل ب45
شريطي ب46
واحد شافها ووقف عليها ب48
والبيع قريب

يعني لا فيه احد سامها ولا شي
بالمختصر المفيد هو يبغى 50 الف ريال سواء سيارته تستاهل او ماتستاهل هو يبغى 50

وانا يعجبني الشخص الصادق حتى لو كان سعره مبالغ فيه
يعجبني اللي يقول ابي فالموتر 100 الف وموتره مايسوى 20 الف

على الاقل ماكذب مثل غيره 
جاك بالصريح موتري وابي فيه 100 الف سواء يسوى او مايسوى

هنا نقدر نقول اجنا نشكره على صدقه

اما اساليب الترفيع فسعر الموتر هذي صارت قدييييييييييييييييييييييييييييييييييممه

الموتر مسيوم وماني بعيد عن السومه ومثلايتها فالسوق اسعارها غاليه

ياخوي ياتختصر علينا وتقول كم تبي فالموتر
او انك تخلي الموتر على السوم ولاتجلس تسحب فخلق الله بعد مايسومون ويتعبون واخر شي انت فبالك سعر معين
اكشف على سعرك وريح الخلق منك


^^ مثل ما قال شاقح , بعض الناس للأسف صاروا ماديين بشكل مخزي !!! سبحان الله أغلب الإعلانات اللي أشوفها لازم تكون

مسيومة من زميل عمل و لازم جاره حاط عينه عليها و سايمها إلخ ... الصدق منجاة والله , خلك صريح قل أبي بسيارتي كذا ما

راح يجي أحد يضربك على إيدك و يجبرك ببيعة إنت ما تبغاها , عالعموم شف اللي يعجبك و إترك اللي ما خش مزاجك عشان

ما تتعب , يقولون الشيبان : (من عاش بالحيلة مات فقر) , الله يعافيك على هالمويضيع .


up 2 down 0



ما في أحسن من الوضوح والصراحة

المفروض البائع يوضع مواصفات السيارة بالكامل والمميزات والإضافات والعيوب والسعر المطلوب

وفي حالة أنه سيبيع بأعلى سوم ينتظر مدة اسبوعين ويبيع بأعلى سومة

لكن المشكلة في الموقع الناس الي يطقطقون سواء كان بيبيع أو يشتري فتلاقيه غير جاد في البيع وما يرد على الأسئلة أو يدخل يسوم ويخرب على الناس

ما أقول إلا الهداية من الله


up 1 down 0
أبو عبادة 4852
قبل 7 سنه و 2 شهر



وبعضهم يقول سيمت من شريطي   يعني شف شريطي وما هو مستخدم وسامها بسعر فلكي   ويبدا السوم من عنده 
 او بعضهم  يبي بسيارته 50 الف  يقول   سيمت 52 علشان  تقوله  بعني بخمسين ويقولك يالله تعال وهات 


up 0 down 0
صوت العزاوي 523
قبل 7 سنه و 2 شهر



النوعيه هذي لاتطول معهم لان نسبه تتمه البيعه 5%
اذا شفت هذي النوعيه عطهم سومتك ومش ان شفته مارد خلاص انسه
اكثر الي يسوون هذا الافعال هم شريطيه يبون يتكسبون منك


up 0 down 1
حسوف -60
قبل 7 سنه و 2 شهر



المشكلة البعض يعرض موتره بس كذا عبط لا يبي يبع ولاهم يحزنون يبي يشوف سعرها كم في السوق وهذا ممكن يصيع على العالم وقت تلقى الواحد يحتري السيارة وفي الاخير الاخ الفاضل يحذف اعلانه ولامن شاف ولا من دري


up 1 down 0
سليمان ثابت 485
قبل 7 سنه و 2 شهر



رحم الله امراؤ سمح اذا باع سمح اذا اشترى 
من وين تجي البركه 
ماتجي اذا طلعنا في الرقم يكبر ويكبر ولا نطالع  ان الله يبارك فيه 



up 0 down 0
بوسعد123 180
قبل 7 سنه و 2 شهر



انا ما علي من الي يسومون ويكتبون  سوماتهم الفلكيه  لاني ما اتوقع انهم جادييين

ما راح اسوم السياره الا اذا انا عارف سعرها   واذا نويت اشتري    يا اني اتصل بالرجل بشكل مباشر واعرف كم وصلت له واسومها له  ان وافق كان بها ما وافق اقوله عندك يومين فكر فيها لاني ادور سياره  وانت راجع اللي سامها لك بالمبلغ الفلاني هل هو صامل والا يلعب عليك

وبس  غير كذا لا اسوم  وازاود على شي ماهو لي 


up 0 down 0
شكلين مابحكي 3160
قبل 7 سنه و 2 شهر