القزازة الامامية مكسورة هل يمشونها الفحص

200 ؟
زودها 300 وتصير 500 وروح عند السالم وغير القزاز مره وحده يمشيك ل5 سنوات
افضل من 200 ريال وبعد 6 شهور ينفلق القزاز

ولعلمك ترى مع الحراره عندنا وكتمة السياره الشطوب الصغيره هذي ترجع تشطبلك القزاز

اما الفحص فلازم يكون عند WASTAH ايف يو دونت هاف WASTAH بيرجعونك وترسب في الفحص

غيرها انا قعدولي على 5 سنتميتر وقيمة قزازها 400 ريال مع التركيب بي ام دبليو 98

بالنسبه لفحص الطايف يمشون الى ٢٠ سم اكثر من كذا ( فشل )

عشرين سم يعتبر حجم لارج ما راح تمر مع الفحص 

الفحص عنهم مقاسات  اذا كانت الكسر كبير ما تمر ولازم تدفع 24 اعادة  

نصيحتي لك اذا كانت  القزازة وكالة سوها ليزر  اخسر ميتين لان الجديده فوق الميتين 

اهم شي اهرب من التجاري ما يجي نفس المقاس يدخل هواء ويطلع صوت واهتزازت  واذا صار شي لا قدر الله 

تتفجر على الوجه مو مثل الوكاله  ما تتطاير  وربك الي يحمي 

تحياتي

لا ما يمشون
فشل بالختم اللي عنده

يعطيكم العافية شباب انا بقولة ادا تمشي في الفحص صلحتها عنده اما ادا ما مشت عاد وش نسوي نغير والله يعينا على الاسعار
وبالنسبة ياشباب زيت القير كل كم موتري كورولا 2006 مكينة 1300 نبي تفاعل شباب الله يخليكم

جرب حضك انا بالنسبه لي ادخل السياره على طول بدون ما اشيك
بعدين اروح اشيك عليها وافحصها واصلح اللي طلعت راسبهفيه
لان بعض الاحيان اصلح واخسر وتطلع لي اشياء ثانيه
وكلها ٢٤ ريال اعاده فحص
وانصحك تجي من بعد الساعه وحده ما فيه زحمه

دخلت سيارة ولد عمي بالفحص الدوري بالرس و فيها شطب واضحبالقزاز رسبها قلت للموظف تعرف مكان اغير بوه القزاز. قال وشولوه ادفع ٢٤ ريال اعادة فحص و انجحك ما يحتاج تغير شي. روتين فقط عشانهم مجبرين يرسبون كم سيارة

و دفعت و نجحت و انا بمكاني