أضف سؤال أو موضوع جديد          

هل تقوم بصيانة مستمرة لسيارتك أم تتركها حتى تعطب ثم تصلحها ؟

up 5 down 4
عدنان ابو لين 137
قبل 6 سنه و 9 شهر



السلام عليكم ورحمة الله وبركاته
.
.
.
..
اسعد الله أوقاتكم بكل خير وسعادة
فيه مثل انقليزي يقول : إذا لم تعطب ؛ لا تصلحها
يعني دام تمشي مشّها على قولة ابن جدلان

ندخل بالموضوع

هل تعمل صيانه دوريه ولو خفيفه لسيارتك؟
( درهم وقاية خير من قنطار علاج)
عصفور باليد ولا عشرة على الطلحة < وش مناسبة المثل هذا ؟

والا تتركها لين تخرب القطعه ثم توهق وتنجبر انك تصلحها أو تخرّب أشياء أخرى وتصير العواقب وخيمة لا قدّر الله ؟

وفي كلا الحالتين اطرح لنا تجربتك

انا أصالتن عن نفسي ونيابتن عن موتري أقوم بصيانه خفيفه وقائية
فمثلا السيور والبواجي اذا كملت سنه بالسيارة غيرتها بدون ما تشتكي السيارة
واذا حسيتها مو طبيعية مثلا اصوات تفتفه اصلحها علا طول
منورين الموضوع يا اخوان
واعتذر من صاحب الصورة بس مشالله تبارك الله وحـــــــــش








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بحكم الطفرة ما اغير شيء لين يوقف الموتر اﻻ اذا كنت بسافر اسوي تشيك قبلها 


up 4 down 0
ابوابراهيم ksa 1390
قبل 6 سنه و 9 شهر



والله على حسب الموتر
اذا هو وكاله صراحة بهتم فيه وبلتزم بالصيانة الدورية




up 1 down 1
al_orainy 57
قبل 6 سنه و 9 شهر



الله يعطيكم العافية ومنورين الموضوع 
ابو ابراهيم الله يعينك بس خل ببالك العطل اذا اهملته يكبر فحاول قدر المستطاع ماتهمل 
القرني ماتفرق هو وكالة او غيرها بس تخيل ماهو وكالة ويطلع صوت وتهمله وترجع اخر شي 
علا سطحة وورشة كذا زدتها عليك 


up 2 down 0
عدنان ابو لين 137
قبل 6 سنه و 9 شهر



اسوي الصيانه الوقائيه في حالتين الاولي لما اشتري سياره مستعمله والثانيه لما يكون عندي سفر طويل غير كده ما اسويه غير زيت وفلتر والستر من عند الله


up 1 down 0
elbasha basha 106
قبل 6 سنه و 9 شهر



والله ياشنب اغلب الناس تاخذ سياره عمليه ونحصلها اثناء الخروج من المنزل بل الالف منها والسبب الشعب مايحب شي اسمه
صيانه ومعه حق والسياره وسيله لتنقل اما اذا قلبك مال الا سياره فارها او سياره معروفه بل خربات الله يعينك ع صيانه ..
من ناحيتي انا شخصيا اخليها لين ماتخرب بعدين اصلح ما اشيك ع الموتر الا اذا حولى دراهم او بغيت اسافر من كفرات لين
صوف اقمشه الخخخ ...


up 2 down 0
فهد الرويلى -64
قبل 6 سنه و 9 شهر



للاسف ولا احد يزعل من كلامي
اغلب الناس تتجاهل امر الصيانة
الا لمن تتعطل السيارة على الاخر
سبب بقاء السيارة سنين وايام هو عمل الصيانة الدورية عليها
السيارة مثل بني ادم عندما نمرض اي مرض لابد من المراجعة للمستشفيات كذلك السيارة ولو كانت حديد لكن لكل قطعة عمر افتراضي
الافضل تغيير اي قطعة تخرب على طول
لانه لو تراكمت الخرابات وقتها تكلفة الصيانة تكون باهظة ومرتفعة



up 0 down 0
العمدة 1434 1188
قبل 6 سنه و 9 شهر



نصيحه صلح الخراب اول باول لانه يجر شي اكبر منه وبتخسر اكثر...مثال بسيط لو سبت الفحمات ماغيرتها تحتاج خرط ولو تركتها اكثر بتسبب لك مشاكل في الصحن وممكن حوادث لاقدر الله والبواجي لو سبتها تضعف المكينه وتاثر عليها وغيروو كثير


up 2 down 0
حسان الشوق -254
قبل 6 سنه و 9 شهر



ههه الصراحة الموضوععلى الوتر الحساس
سابقا لما كانت الأحوال جيدة كنت إذا سمعت صوت غريب في السيارة أطب الورش عشان أصلحا
الحين داام ماشية امشيها ، ولو سمعت أصوات ايقاعات .... طفرة
اعرف بتكلفني أكثر بس,,,,,
كان كري القير عندي مكسور ومشيت عليه حول 8 شهور وتكلفته مع التغيير 350 أصلي ...
راحو الكراسي كلهم وبالغصب حطيت 950 ريال :)
الله يفرج علينا وعليكم وعلى أمة محمد



up 0 down 0
sniper_sa82 307
قبل 6 سنه و 9 شهر



انا اكره شي اسمه الصيانة هههههههههههههههه المكينة كانت تهرب زيت و موية هههههههههه و انا امشي عليها ومو مهتم وكل ما ترتفع الحرارة H اعبيها موية و ارجع امشي عليها لين مشيت عليها مسافة 2000 كيلو بدون زيت وجيمت المكينة و انفجرت هههههههههه لاكن الحمد لله على كل حال


up 0 down 2
بوخا 3560
قبل 6 سنه و 9 شهر



بالنسبه لي كل 5000 الاف زيت مع السيفون هذا اللي احرص عليه والكفرات كل سنه ونص الى سنتين طقم جدد وخرط الهوبات من السنه الى السنتين مره وهذا على حسب استعمالي للسياره والله الموفق



up 0 down 0
طيبين -62
قبل 6 سنه و 9 شهر



العمده وحسان وطيبين كلامكم بمحله 
سنايبر وبوخا ههههههه الله يعينكم 
اسعدني مروركم علا موضوعي 
وانا لي تقريبا سنة متابع بالمنتدى
ودخلت بعضويتي الاولى ومافي نقاط يعني اتابع بصمت اجباري
والحين هذي العضوية الجديده واول مره اكتب موضوع ومشالله عجبني تفاعلكم ومنورين يالغالين   


up 0 down 0
عدنان ابو لين 137
قبل 6 سنه و 9 شهر