حجم المكية هل هل علاقة بطول عمرها ..؟؟

لا بس اصغر و اقل استهلاك بنزين عمر المكينه ماله دخل بحجمها

تعديل :

هل المكينة الأصغر حجماً أطول عمراً من المكينة الأكبر حجماً .؟ مثلاً المكينة ( 1600 ) سي سي هل مساوية للمكينة ( 2000) سي سي من ناحية طول فترة صلاحيتها ..؟؟ ولا مافيه فرق من ناحية فترة الصلاحية ..؟

مشكوووووور والله يعطيك العافية ياعبدالله السعدون ...

ههههه كتابة العنوان والموضوع ملخبط في الكتابة لاترتيب وبعض الحروف ماكولة ههه ...السمحوحة ..

السمحوحة = السموحة ..

الله يعافيك الي له علاقة بعمر المكينه هو الاستخدام مثلا تشوف كامري 2011 مخبط و كامري 1999 مكينتة وكاااالهه يعني حافض عليها و شيك على الزيت كل فتره و ان شاء الله ما تخرب عليك

يا أخوان قاعدة عامة
عمر السيارة مرتبط اكثر شيء براعيها (بعد قدر الله) ... اذا يحافظ عليها او يهينها

عبدالله السعدون كلام صحيح ..
( deed ) نعم صحيح طول فترة عمرها مربوط بالاهتمام والمحافظة ...
ماقصرتوا يااالنشامى ..

كيفية الاستخدام وتغير الزيت وملاحظة الحراره هذه اهم العوامل التى تؤثر على عمر الماكينه وليس حجمها

من وجهة نظري نعم.

معروف ان المكينة كل ماجاها ضغط تبذل جهد اكثر وبتالي على مدى الزمن تخرب.

من هذي القاعدة اقول نعم العمر له دور
لان مكينة 8 سلندر فالغالب تكون مريحه..بينما ال4 فالغالب تضطر تدعس عشان تزيد العزم.

والله اعلى واعلم.

موضوعك جداَ ممتاز وتستاهل احلا لايك / المتعــارف عليه أن المكينه كلما كبرت كلما كانت اطول عمر والسبب أنها تحتاج لجهد اقل والحصول على العزم يآتي بالضغط على دواسه الوقود بشكل اقل من المكينه الاصغــر وبالتالي يستهلك عمر المكينه بشكل اقل كما لو كانت صغيره

الله يعطيكم العافية ياوجيه الخير ....استفدنا من كلامكم كثير ...ماقصرتوا ....

حسب استخدامك 

بنسبه لي 
مكينه 4 سلندر 2400 سي سي 
مبسوط جدآ ولا عمري طلعت فوق 3 rpm ضغط المكينه  وتعطيني قوه ممتازه وسرعه حول 130  وطبعآ قير 6 سرعات بيساعد على هذا الامر  وبيعطي اكبر قوه ممكنه باقل ضغط واقل صرف بانزين 
لاكن نفترض انا  اكثر مشاوري رجلي مره حاره وضغط من 3-5 rpm انا تقريبا بستهلك تقريبا كامل طاقة المكينه 
وهذا يقلل من عمرها 

يعني __
 كل ماقل عداد ضغط المكينه طال عمرها  وقل استهلاكه للبانزين 

مثل سياره تجيب  120 كيلو او 100 كيلو    على   ار بي ام ( افتراضات )
1600- 4 rpm
1800- 3.5 rpm
2000- 3.2 rpm
8 سلندر - 1.5 rpm
وقد يتخلف القوه من سياره 1600سي سي من سياره اخرى 1600سي سي تعتمد على عوامل كثيره الوزن والقير والخ
بس دائمن في المكاين الصغيره  الفرق ضئيل جدآ
الارقام غير صحيحه بس طبق نفس الفكره  كل ماكبرت المكينه تعطيك اداء اكبر باقل جهد وكل ماقل جهدك على سياره طال عمرها 

الخلاصه انت وش استخدامك وخذ المكينه الانسب لك  بس من وجهة نظري خذ اكثر من احتياجك بشكل بسيط 
مثل 2.0 خذ 2.4  او 2.7 

الكلام كله اجتهاد مني والله اعلم