أيهما أفضل من الناحية الصحية ...

العادي عشان تحرك رجلك. و ذهنك و أريح في القيادة بالنسبة لي

تختلف من شخص لشخص .. بالنسبة لي افضل العايدي لأنه يحرك الرجلين واليدين مع بعض كأنها رياضة للجسم

اما التماتيك يحسسني بالخمول شوي . فا افضل العايدي عن التماتيك وودي ان كل سياراتي قير عايدي .

والله ياخوي مافيه حد يعاف الراحه , التماتيك حلو ومريح لكن بعض السيارات مايصلح لها الا القير العادي لان المكينه صغيره اساسا 


مثل الاكسنت واليارس جربتهم قير تماتيك ماتنفع بريال وخاصه اذا ركبوا معك اهلك تصير ثقيله , اما القير العادي نشيطه شوي ..


مميزات القير العادي : 
* صيانته سهله وغير مكلفه 
* مايحتاج تغير زيت مثل الاتماتيك كل فتره تغير زيته 
* سواقته ممتعه 
* اقوى للسياره وانشط 

عيوبه وهذا اللي ابجاوبك عليه : 

* متعب بالزحمه وغير كذا اذا كانت السياره موديل قديم يجيك الم في ركبتك , معنا هايلكس موديله 97 الكلتش حقه اثقل كلتش جربته بحياتي

واستخدمته فتره وصار عندي الم في الركبه , اما السيارات الصغيره والجديده اغلبها كلتشها خفيف ومايأثر ولا يتعب مثل الاكسنت كلتشها ريشه ..

الحمد لله اسوق الاتنين سوا

لكن من سبع سنوات استخدم التماتيك عشان السكر والروماتيزم اجاركم الله
بس في القوة اكيد العايدي اقوى
في الصيانة اكيد العايدي ارخص ومعروفة خراباته عكس الاوتو

اول سيارة لي تعلمت عليها كانت كامري 97 قير عادي
بالثانوي كنت اذا عشقت اعطيها نص الكلتش
مسوي سواق ههههه
بعد فترة غيرت الكلتش و الكفرات بعد لاني كنت ادعس بقوة البنزين تفحط الكفرات !!!!

اللي اشوفه اللي يطول على القير العادي
يتعلم الغشامه و السرعه هذا رأيي

صراحه

سؤالك عجيب (:

سؤال مكانيكي صحي

كيف ، لاتسألني

(:

وفيه حاجه مادري هي فيني انا وبس ولا كل اللي يستخدمون قير عادي ههههههههههههههه

هي ان القير العادي يخليني امحط السياره محط ومارتاح الا لمن اعشقها بالخامس حتى داخل المدينه , بكذا ارتاح نفسسيا ....

القير الاتوماتيكي فائدته انه يريح اعصابك و يخليك مروق وما تشغل نفسك

في المقابل القير العايدي يشغلك كل شوي تعشقه وما تقدر تكلم جوال الا وانت معصب و من عند اللفه ترجعه للاول و يمكن تطفي و يبي لها وزنيه الى الخ

والقير العايدي صحيح انه يشغلك و يتعبك لكنه يحرك عضامك

فكل شيء له ميزه و له عيب

لكن فيه بعض الاشياء العيوب تغطي على المزايا

الاتوماتيكي ميزته ما يتعبك ابدا ابدا , بس ما يحرك عضامك

فالمقابل العايدي يتعبك كثير , بس يحرك عضامك

ونجد هنا

ان الاتوماتيك تفوق على العايدي لانه اكثر راحه

والله شوف القير عادي اقوى وافضل واسهل في الصيانة ... لكنه يضر الصحة لما ينقطع الكلتش
يضر بالصحة النفسية طبعا لانه يبغى فلوس ...

على العموم هو افضل من الاوتوماتيك

يارجال الاتوماتيك افضل طبعا

العايدي يجيك شد عضلي بالساق والفخذ

اما الاتوماتيك يريحك

صح ان عيب الاتوماتيك ما يحرك عضامه لكن فائدته اكبر مثل ما قال ابويزيد

اما العايدي يرهقك

ويخلي الشيب يطلع براسك

فالراحه النفسيه

افضل من الراحه البدنيه

فما بالك لو اجتمعوا الثنين مع بعض

وهالثنين اجتعموا بالاتوماتيك

ومشف اخوي مروان
يقول ما ارتاح الا لمن احطه بالخامس
يعني الحين هو يعاني من عدم الراحه النفسيه اذا ما كان على الخامس
و يعاني من عدم الراحه البدنيه لانه كل شوي يعشق

فخذ اتوماتيك وريح راسك

كل واحد باسمه الله يعطيكم العافية ويجزاكم كل خير على ماقدمتموه من آراء ومعلومات تفيد القارىء...اما بالنسبة لي كبرت في السن ( شوية ) وأصبحت ( أشيل ) هم المشوار بالسيارة.......

الاتوماتيك يريحك

المواضيع هذي حلوه ومفيده ياغالي شكرا على انها موجوده بصراحه فيها فايده

الله المستعان

الله المستعان