أضف سؤال أو موضوع جديد          

موضوع يهم الجميع

up 25 down 4
عدنان ابو لين 137
قبل 6 سنه و 9 شهر



السلام عليكم ورحمة الله وبركاته

هلا بالشباب.

موضوعنا اليوم سيتكلم عن مشكله صعبه قدجعلت اصحابها في موقف حرج للغايه

,بل احياناً كان فيه الموقف خطيراً للغايه.

 ومن الأشياء اللتي تبعث على الحزن انه كان بالإمكان تجنب هالموقف

 المحرج والخطير بكل بساطه

.. ما اطيل عليكم

..الأن نريد ان نتخيل ..تخيلوا معي.
.
الأن انت خارج العمران ..رحله قنصيه
.
.رحله ربيعيه اعددت لها العده وجمعت فيها ابنائك وأهل بيتك

وخرجتوا للصحراء في رحله يفترض ان تكون جميله

  في ذلك الجو الغائم والعشب الساحر والهواء العليل

لعبتوا ,اكلتوا, إستكشفتوأ علمت ابنائك الجديد والمفيد..

..الأن اقبل الليل بسواده ....زاد لسع البرد.... قل الطعام

إختفى الماء ...كثر التثاؤب ...بكرا مدرسه...بكرا عندك دوام
.
...النفس طابت ..تبي تسري..وراك مشوار طويل

للبيت..الخلى خالي..ماحولك احد...بسم الله ,ضفوا العفش...

هيا ياشباب ..اتوك بخطى متثاقله وقد اضاعوا احذيتهم

من التعب والإنهاك...الكره اللتي كانوا

 يلعبون بها تركوها غير مستعدين لإحضارها فهي بعيده

 وهم غير متحمسين لإحضارها فالتعب

 اخذ منهم كل مأخذ..تعالت اصوات لم يكونوا يسمعونها في النهار ...
حشرات غريبه  
ليليه المعيشه .أين الفراشات ,,الجراد اين تلك الطيور

..إزدادت ريبتهم وكثرت خيالاتهم السوداويه
 
,فرنوا إلى سيارتهم الجديده القويه رباعية الدفع .
.سفينة النجاه..ذات ال6سليندرات واللتي كانوا يتباهون بذكرها بين اولاد

الحاره بقوتها ,وتجهيزاته اللا متناهيه وسعتها وسرعتها العجيبه
.فبعثت هذه النضره فهم روح متفائله ,

الأن سيركبون هذا البساط السحري وبعد ساعه سيكون كلاً في غرفته وبجانب مدفأته
..جسده نضيف ,ثوبه نضيف

ولن يمهله النوم ..فهم تعبون منهكون..عادوا إلى واقعهم ,ذهبوا للركوب
..قدكانوا يتسابقون قبل الرحله على الركوب بجانب الشباك للمتعه.
.الأن لا يالون على شيء

..سيركبون كيفما أتفق فلا يهم المكان المهم مغادرة هذا المكان الموحش
.
.ركبت الكتيبه في السياره وقبلهم امهم حامله رضيعها وتأمل الوصول بسرعه للبيت
لتزيل عنه

حفاضته الله يكرمكم ايضاً الحليب بدأبالنفاد..صاحت عسى مانسينا شي؟
 مامن رد..الكل نائم .تمتمت بصوت خفي

وين راح هالشايب ,إنتضرت قليلاً فلم يمهلها الرضيع
..بدأ يجوع..صاحت وينك يابن الحلال خلاص نبي نمشي

قوه ..اتيت حامي الحمى تهرول فأنت لاتعصي لها امراً.
..حطيت الكشاف بالدرج ..جدعت الشماغ على الطبلون
 
..صكيت الباب بشويش فالسياره لازالت جديده
..توجهت يدك إلى السويتش لتدير محرك سفينة النجاه حلمك اللذي تحقق
.
فكانت المفاجأه !!شعرت بالمغص منها.
.ولعت لمبة السقف ..فتحت الدرج,صكيته,,اخذت الكشاف .

..وتحت المقاعد ..نثرت العفش
الأن انت تطوف حول السياره..صاحت ام الرضيع

..وش اللي جاك يابن الحلال. لم .ترد,,تواصل البحث,,اخرجت
جميع محتويات جيوبك..وش بلاك يابن الحلال..

.أقول إهجدي ..سكتي عنا هالورع... تعالى صياح الرضيع اكثر
تكفى يابو محمد وش السالفه..ماترد يابو محمد..معذور ّّّيالمسكين

. بدأت السماء ترعد, يكاد البرق يخطف بالأبصار
هب هواء قوي تبعه المطر تضاعفت الزخات ,

,زجاج السياره جميعه غير مغلق..بدأ الهلع ..اتيت تهرول كعادتك
وتحتمي بالسياره .

.ترجتك بأن تقفل زجاج السياره إذ لم تكن راغباً بالمغادره.
.الأطفال بدأوا يشاركون اخيهم بالصياح..امرتهم امهم بالسكوت سكت بعظهم ,

,انت وش سالفتك وراك ماتمشي يابن الحلال ..فكنا متنا من البرد
انت وش اللي جاك!!!!!!!!
نضرت إليها وراسك يتصبب عرقاً قائلاً لها ( المفتاح ضاع )ردت يعني وشلون
رديت
يعني رحنا بخرايطها
ردت عسى المفتاح اللي به ميداليه بيضا.؟؟

 إيه إيه هو..........ردت وقالت ( شفته مع محمد وصالح العصر يلعبون به عظيم ساري)
عظيم ساري بالنهار ؟؟؟ لاحول ولاقوة إلا بالله

هاتي الجوال....خذ........وراه طافي ...قايلتنلك يبيله شحن وقلت نشحنه بالبر

تك تك ..الأن اصحوا..هذا خيال!! مجرد خيال!! لم يحدث... لكن قديحدث ..
الم يقل المصطفى إعقلها وتوكل؟..الم يكن بالإمكان تجنب مثل هذه الكوارث؟

مالخطأ اللذي إرتكب.لما لم تعد العده لهكذا إحتمالات ؟..
اخي الست تملك مفتاحان او أكثر لسيارتك ؟؟ لما تضعهم في البيت ؟؟

 لما لايكون هنالك مفتاح يكون للأمور الطارئه والحالات الإستثنائيه ؟؟

هل الأمر صعب ؟ هل تعلم احياناًقد يكون اهم من مالك اللذي تحمله في جيبك,

, وأهم من عزبتك اللتي حرصت على الا ينقص منها شيءاً.

.اخي والله ما عرف قيمة المفتاح الأحتياطي إلا من مر بضروف ضياعه.

.البعض فقده في بلد غير بلده,

,والأخر سقط مفتاحه في بئر عميقه في صحراء بعيده,

.والأخر اخفى مفتاحه حاقد.,.واحدهم لعبوا بمفتاحه عظيم ساري
 
والقصص كثيره. قالوا قديماً ( ما يموت بالربق إلا عيال البهم )

وقالوا حديثاً( القانون لايحمي المغفلين) لذا انا لا اقترح.
بل اهيب بإخواني ان يعدوا العده والأخذبالأسباب ويعقلها ويتكل ,

والمؤمن كيس فطن.. نعم هومجرد مفتاح صغير في حجمه,
لكن كبير في فعله ..خذه وأبحث له عن مكان داخل السياره

 وجد له مكان بعيد خفي غير متوقع لايعلمه سوى جبار السماوات والأرض
 ثم انت. وتوكل على الله.

 فإذا جاء وقت إحتياجه ستسجدلله شاكراً ان الهمك وهداك لهالطريقه .
فوجوده بالبيت غير مجدي..طبعاً ان اقصد المفتاح القادر على تشغيل السياره

..إليك اخي بعض الصور لتزداد
المتعه في الموضوع وفيها بعض الأماكن المقترحه..

 وأنت حر ضعه بالمكان اللذي تراه مناسب ولكن هذه مجرد امثله.

وأنت ادرى بسيارتك والأماكن المناسبه فيها.

الموضوع منقول يا اخوان عجبني وحبيت افيدكم معاي 
ختاماً اسأل الله الا يريكم مكروه تحيه طيبه للجميع والله يرعاكم









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


قصه جميله جدا

خشيت الجو وعشته صراحه

كاني بينهم

اهني صاحب الموضوع على ابداعه

وفعلا والله ما فكرنا فيها

كثيرين غافلين على الحركه هذي

اذكر الوالد مفصل مفتاح 

حتى بدون شيء نهائيا مافيه ميداليه ولا شيء

والمنيوم وصغير

وحاطه بالمحفظه حقته

مره جيت اخذ فلوس وحصلت المفتاح وسالته 

وش قصتك المفتاح الصغير هذا

قال هذا المفتاح مفتاح سيارتي

فلو قدر الله و ضاع المفتاح 

يكون عندي اسبير

ففكره جميله تخبي لك مفتاح اسبير بالسياره خصوصا

او تحطه في شيء دايم تاخذه مثل المحفظه 

ختاما لك اطيب التحايا و احلى لك


up 3 down 0
ابو يزيد 000 8712
قبل 6 سنه و 9 شهر



يعطيك العافية على الموضوع
فعلا الاسبير ينفع في اوقات حرجة والمشكلة اذا كان الاسبير في البيت وقفلت على المفتاح وانت بعيد عن البيت وش السواه ؟؟؟



up 1 down 0
خالد 89 141
قبل 6 سنه و 9 شهر



الموضوع جميل جدا....  قرأته وكأني معهم في السيارة 

تشكر جدا ع الموضوع والنصيحة 


up 2 down 1
راااضي 2523
قبل 6 سنه و 9 شهر



الله يعطيك العافية 


up 1 down 0
عبدالله 1020 462
قبل 6 سنه و 9 شهر



جميل جميل جميل جميل ومشكور اخوي على الموضوع الاكثر من رائع بصراحه ولك لايك مع نسكافيه


up 1 down 0
t o m a h a w k 759
قبل 6 سنه و 9 شهر



الموضوع ممتاز والسرد أجمل

تقدر تفصل علبه صغيره بحجم علبة الكبريت
وتربطها بسيم على شاصي السياره و تحط الاسبير بداخلها
مره شفت واحد مسويها


up 1 down 0
راعي 87 67
قبل 6 سنه و 9 شهر



جميل الموضوع ... 


up 1 down 0
muayad 1 768
قبل 6 سنه و 9 شهر



ي شيييييييخ اهنييك 



up 1 down 2
majid 09 1
قبل 6 سنه و 9 شهر



يا اخوي عدنان وش هالكلام خليتنا ندخل جو وعشنا القصه 
وبعدها قلت اكيد الابو مات وبعدها دخلنا فلم رعب واخرتها ولا مفتاح ضايع 
ههههههههه
صحيح مواقف كثيره تصير بالبر ولله الحمد انا اذا ابشغل السياره اشغله بالمفتاح الاحتياط 
والأصلي احطه بأحد الدروج او تحت المرتبه والمفتاح الاحتياط الثالث اخليه مع العجوز الله يطول بعمرها
لأني بعض مرات أقفل علي السياره وفيها المفتاح الأصلي ومفتاح الاحتياط الاول .
واللي يبي يطلع مثلا يخلي مفتاح الاحتياط مع زوجته مع سلاح ربع بحقيبة زوجته سبحان الله محد يدري عن الأمور 
ووش تصير.
لحد يقول المفتاح غالي حقه ٢٠٠ ريال او اكثر ابعطيكم طريقه اسهل تفصل مفتاح عادي ابو خمسه ريال واذا تبي تطلع للبر 
تركب المفتاح في مكان التشغيل وتحط عليه المفتاح الأصلي الالكتروني وتلامسه مع بعض وتشغل السياره وتحط المفتاح الأصلي بجيبك
وتنفع هالطريقه مع تشغيل السياره الصبح للتحميه حتي لو انسرقت مصير السارق يطفيها وان طفاها ما راح تشتغل ويتركها يحسبها خربت 
وتحياتي للجميع
وأشكرك علي القصه والجو اللي دخلتنا فيه يا اخوي عدنان


up 2 down 1
foxzx 1594
قبل 6 سنه و 9 شهر



سلبيات المفتاح اﻻحتياطي اكثر من ايجابياته
و اهم السلبيات هي سرقة المركبة


up 0 down 1
اليابان 2203
قبل 6 سنه و 9 شهر



منورين الموضوع يا شباب وفوكسز الله يسعدك ضحكتني من قلب ههههههههههه
المفتاح الاسبير ضروري عندي جاري الله يهديه كل فترة وفترة مضيع مفتاحه 
وخلاص معد ينفع معه الكلام الا متفق مع صاحب محل وبفصل ويبرمج بعد مايضيع
غير ان تكلفة المفتاح 500 بس الله يهديه 


up 1 down 0
عدنان ابو لين 137
قبل 6 سنه و 9 شهر



هههههههههه
الله يسعدك يا اخوي عدنان ويطرح فيك البركه 
عندي حل لجارك يمكن ينفع معه خله يبيع موتره 
ويشتري له هايلكس ٨٠ او ٨١ لا مفتاح الالكتروني ولا شي 
بملعقة او بسكروب يشغلها ههههههههه وشف هالقصه هذي 
صارت مع جارنا عنده هايلكس قديم ابتلش بعياله كل ما نام 
الظهر تسابقوا عياله علي السياره اللي يركبها اول هو يسوقها 
جاء عند أبوي يشكي له رد عليه أبوي بحل كالصاعقة نزل علي 
عيال جارنا قاله أبوي اخذ الملاعق بالمطبخ كلهن وحطهن تحت المخده تحت راسك
بعد يومين دخل الشايب المطبخ لقاء ملاعق جدد بالمطبخ ههههههههههه
عياله رايحين ومتقاططين وشارين ملاعق . 
والحل هذا يصلح لجارك درزن ملاعق ب١٠ ريال ابرك وأحسن من مفتاح ب٥٠٠ ريال
ههههههههه.
عسي ربي يسعدك ويسهل دربك وين ما وجهة يا عدنان 
تحياتي 


up 1 down 0
foxzx 1594
قبل 6 سنه و 9 شهر



طيب واللي سيارته بصمة ايش يسوي؟؟ يركب فيش كهرباء عند باب البيت مثلاً


up 1 down 1
أبولتين555 655
قبل 6 سنه و 9 شهر



ويسعد ايامك يا فوكسز لا الحين الله يباركله يبي ياخذ كلايزر c300 عاد تبي اقوله هايلكس
بيقطع العشره الي بيننا هههههههه
ابو لتين منور يالغالي بصمة الله يكون بعونك بس اعتقد في كرت ذكي للسيارة 


up 0 down 0
عدنان ابو لين 137
قبل 6 سنه و 9 شهر



مشكور على الموضوع والله وبصراحة دخلت جو معه 

المهم فيه طريقه حلوه وهي انه عمي مره شراء علبه من محل زينه السيارات 
وحجم العلبه تقريبا اصغر من حجم كف اليد وله غطاء 
فايدته انك تحط المفتاح فيه وتسكر الغطاء 
وله مغناطيس تلصقه ببدي السيارة من تحت او اي مكان مخفي 
يصعب الوصول له 
واذا ضاع المفتاح في البر او بعيييبد عن البيت 
هو انك ترجع لمكانك الخفي وتطلع المفتاح الاسبير 
وسلامتكم.... 


up 1 down 1
المشيعلي 454 3368
قبل 6 سنه و 9 شهر



قسما بالله عشت جوها أهنيييييييييييييييييييييييييييييييييييييك

الله يكثر من امثالك اللي يحبون الخير للناس


up 1 down 0
mish3all 17
قبل 6 سنه و 9 شهر



قصه رائعه فعلاً ..

فعلاً المفتاح مُهم جداً والبعض يتهاون فيه !


يعطيك العافيه


up 1 down 0
rowaf 69
قبل 6 سنه و 9 شهر



انا مركب مغناطيس اسفل السيارة وحاط فيه مفتاح احتياط
من ايام الهايلوكس 
الله يحفظنا 


up 1 down 0
alawi123 96
قبل 6 سنه و 9 شهر



روح ياشيخ الله يسعدك موضوعك مهم وذكرتني الله يذكرك الشهادتين


up 1 down 0
مالك رجا 605
قبل 6 سنه و 9 شهر