اللوح المميزة و المظاهر الخداعة

13 2

لايمكنك التصويت حتى الحصول على 20 نقطة على الأقل
إضغط هنا للإخفاء

غرك جمالك يا خسارة حلاتك 6900
قبل 10 سنه و 3 شهر

السلام عليكم و رحمة الله و بركاته ,,,

اخواني و حبايبي أسعد الله أوقاتكم بكل خير , يقول المثل المصري: (اللي عنده قرش محيره يشتري بيه حمام
و يطيره) و (الفاضي يعمل قاضي) و (الفلوس اللي تيجي بالساهل تروح بالساهل) إلخ ... هذي مقدمة بسيطة
عن المظاهر الخداعة اللي يبحثها بعض الناس لإكمال النقص في نفسه : (رقم مميز , لوحة مميزة , سيارة
مميزة بمواصفات خاصة) إلخ ... طبعاً لا شك في إن الشخص منا يبحث عن التميز ويحرص على يكون أمام 
الناس بمظهر لائق , و لكن في أشياء مبالغ فيها !!!!! يعني هل معقول شخص يروح يشتري رقم مميز ب 100
ألف ريال ؟ أو بعضهم يروح يشتري لوحة مميزة بمئات الالآف و يمكن تصل للملايين !!!! مثل الخبر اللي إنتشر
قبل فترة عن مواطن إماراتي إشترى لوحة رقم: (1) ب 10 ملايين درهم !!!!! ومركبها على (جاقوار) ما
توصل قيمتها 50 أو 60 ألف درهم !!!! المشكلة حتى الطفارى صاروا يبون يتميزون !!! يسولف علي واحد
عن شخص يعرفه جاء لمه يطلب سلف 10 آلاف ريال , يقول قلت له حاضر بس خير إن شاء الله وش تبي فيها ؟
قال له بكل صراحة , أبي ألحق على لوحة مميزة بالمزاد و أخاف تروح علي !!! و الفلوس أبقسطها لك كل
شهر ألفين !!! يعني بجد أترك التعليق لكم , و بنهاية الموضوع حاب أستطلع آرائكم حول الأرقام و اللوح
المميزة , هل هي مهمة بنظرك ؟؟ أنا بصراحة أشوف بس رقم الجوال هو اللي ممكن يكون مميز و طبعاً
ما يكون غالي يعني حده ألفين ثلاثة آلاف و بس !!! أما اللوحة ما عمري فكرت فيها ولا أصلاً أنتبه لها
أو أدقق فيها !!!

أسعد بتعليقاتكم حول الموضوع

محبكم &&& أبو طــــلال

إبلاغ

الردود