انت ليش طماع

17 9

لايمكنك التصويت حتى الحصول على 20 نقطة على الأقل
إضغط هنا للإخفاء

كاشف نصابين 36
قبل 12 سنه و 3 شهر

السلام عليكم ورحمة الله وبركاته 

يا اخوان ليش الطمع 

سيارات قديمة موديلها قديم السوم فوق 20 الف ويطلب من الله الزود 

يا اخوي قديم موديله قديم لو ينعرض في الخارج ما جاب لك 10 الاف ريال تعرضه بسوم 20 الف 

ليش مكينتها من ذهب وقيرها من ألماس ؟ 

تو اشيك على اعلانات المرسيدس s500 موديل التسعينات واقدم كلها 35 الف و فوق 

يا اخوي قديم مرة لا تقارن بالجديد 

واعلانات السيارات القديمة جدا لو هي أصفار يا اخوي مالك حق تبيعها بأغلى من سعرها 

اتقي الله في نفسك 

كل هذا طمع و جشع فيك 

انت تتهم الناس وتقول شريطية ( والله العظيم ما احد شريطي غيرك ) 

اعوذ بالله 

ونسيت أذكر لكم بعض الشكليات اللي ماتنعطى وجه 

واحد يبيع حجر ما ادري من وين جايبه ويقول نادر جدا ( انت صاحي ولا سكران وداخل تطق طق على رسونا ؟ ) 

وش فيها الادارة ما تحضر هذه الاشكال من بيشتري حجر 

 ايش اسوي بحجر ارميه في البحر ولا اسويه ميدالية واقول للناس شوفوني معي حجر نادر

وكله ولا اهل الصين 

استثمر بيصير لك دخل لو تبيع بسعر كذا بتدخل كذا ( لو كل كلمة تقولها صادقة كان ما تبي تفك نفسك من بظاعة ما تسوى ريال ) 

الكثير والكثير في هذا الموقع 

وانا تراني عضو قديم مو جديد في هذا الموقع 

كنت مفكر انه بيتطور افضل من كذا بس يوم شفنا بعض الدلوخ كيف يبيعون و الله نبي نوقفهم عن حدهم 

ترى النصب مو بس اذا دفعت قيمة شيء وما استلمته 

النصب حتى في الاشياء اللي تشتريها 

انت غايب عن الدنيا ما تنزل اسواق ابد 

اللحين لو نقول جوال قيمته في السوق 1000 ريال مثلا 

يجي واحد من الدلوخ ويعرضه بـ 1200 ولا بـ 1500 ريال 

و يجيك دلخ ثاني ويشتريه 

طيب انزل السوق وشوف كم سعره بعدين اشتريه 

ترى موضوعي ما خلص ولي رجعة 

و ارجوا انك تغير طبعك يال الطماع ترى الطمع مو زين تشتري من الخارج بسعر تافه وتجي وبيعه علينا بسعر نار 

اي سلعة كانت انت مسؤل اما الله وامانا على السلع اللي تبيعها 

و الوساطة اللي البعض يطلع له فيزا تسوق ويقول انا وسيط اشتري لك اللي تبيه 

راجعو بنك الراجحي يطلع لك فيزا تسوق بدون شروط ( بس لازم يكون لك حساب بنكي ) فك عمرك من الوساطة اللي يستغلونك فيها ...


يتبع .... 

إبلاغ

الردود