أضف سؤال أو موضوع جديد          

داخلية سيارتي لونها اسود ابي اغيرها ساعدوني ؟

up 3 down 2
yazeedg92 131
قبل 7 سنه و 2 شهر



السلام عليكم 

ياشباب داخلية سيارتي لونها اسود كئيب صراحة 
صارلها سنة ونص معي وطفشت من الأسود 
ابي أغير الداخلية كلها هل في محلات مختصة بالشي ذا ؟ 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام يا الغالي

انا كان معي دينالي وكانت داخليته سودا

وكئيبه الصراحه وما تنفع الا بالجنوب

لان الاجواء هناك تساعد مثل اجواء الغرب

لكن بالنطقه الشماليه والوسطى والغربيه ما ينفع الا البيج لانه يتحمل وشكله اجمل طبعا

اذا انت بجده في محلات عند المعارض عليهم شغل لا يعلى عليه

والتنجيد ما يكلفك 800-900 ريال اذا موتر صغير و1200-1400 ريال اذا موترك كبير

التنجيد ممتاز جدا كانه وكاله , 

ينجدوا لك الاسيات ( المراتب )

ينجدوا لك القماش على الابواب

ينجدوا لك التكايه او يرشونها لك

ويبقا عليك انك تشتري وطايات ( الدعاسات ) بيج

وتتغير 70% وتسير افتح ب 70% عن الاول واجمل

والمعنى الصحيح تسير 

سبورت لانها لونين

واذا انت ما تبغا بيج

خله وايت بيج , البيج الابيض 

او ابيض

عشان تطلع لك سبورت


up 21 down 7
أبو يزيد 000 259
قبل 7 سنه و 2 شهر



سيارتي لونها فضي ( كيا اوبتيما ٢٠١٢ ) 
مكاني بعرعر لكني كل عطلة ادوج بأنحاء المملكة 


up 0 down 0
yazeedg92 131
قبل 7 سنه و 2 شهر



هلا بشيخ المعارض

والله شوفت عينك 

سرت بالسالب ههههههه

الله لا يقوله

لا بس هذي عضويتي الثانيه

لان العضويه الاولى يقول ما تقدر ترد لانك تجاوزت العدد المسموح

وصراحه ابغا اسولف واتكلم

فرجعت لعضويتي هذي

والمشكله ما يسمحون الا بردين باليوم 

يعني هذا اخر رد لان نقاطي بالسالب :(


up 20 down 2
أبو يزيد 000 259
قبل 7 سنه و 2 شهر



يعطيك العافية ابو يزيد التكاية عندي جلد 


up 0 down 1
yazeedg92 131
قبل 7 سنه و 2 شهر



ابو يزيد عطيتك دسلايك بالغلط 


up 3 down 3
yazeedg92 131
قبل 7 سنه و 2 شهر



احمد ربك باللون الاسود

سيارتي لونها هيلوز كامل من الداخل وهبلت فيني
كل ماركب احد معاي لازم القى اثار يده 

بعدها عرفت قيمت الالوان الغامقه وخصوصا الاسود


وش تقول يا شاقح

قسم بالله اني اركب السياره والقاها مغبره ما ادري من ايش

تصدق بالله اني ما انسم القزاز اذا وقفت السياره ونزلت منها

وارجع للسياره و هي تفور من الحراره لانها مكتومه

تدري ليه ما انسم القزاز

عشان الغبار يدخل من القزاز وارجع للسياره والقا فيها اثر غبار لازم امسحه بفوطه رطبه

وثاني شيء

اخواني اذا جو معي

ونزلتهم

اطالع ورا بالمراتب كلها طبعات رجول 

حتى مقاس الجزمه الله يكرمك مطبوع هههههه

الاسود يبان فيه اي شيء

اضرب لك مثل اخر

 سيارة ابوي من برا سودا

والله انه يغسلها اليوم

تجي بكره تلقى عليها طبقه غبار

وتقدر ترسم عليها

بعكس الالوان الثانيه <<>> الفاتحه طبعا مثل الذهبي الفاتح والابيض

فأحمد ربك ان عندك هليوز

والهليوز اهون من الاسود واجمل ب 99%


up 2 down 1
أبو يزيد 000 259
قبل 7 سنه و 2 شهر



الرمادي الغامق ارحم من الاسود

انا الي كرهني في المازدا 6 الجديده داخليتها سوداء مع ان الموتر يستاهل


up 0 down 1
abahal 1385
قبل 7 سنه و 2 شهر



انا أشوف اللون المناسب هو الزعفراني .. مدام الموتر اسود من داخل والطبلون اسود والله يوفجك ياخوي


up 0 down 0
بوسلطان 91297 342
قبل 7 سنه و 2 شهر



انا داخلية السيارة عندي بيج ومليت منه وكذا مره فكرت اقلبها اسود هههههههه
هو الواحد طبيعي يمل من اللون انت تشوف الاسود كئيب غيرك يشوفه فخم


up 4 down 0
al_orainy 56
قبل 7 سنه و 2 شهر



في محلات بكيلو 2 في جدة في يومين 3 يخليلك السيارة كلها من جوا اللون اللي تبيه 


up 1 down 0
sosisos 614
قبل 7 سنه و 2 شهر



مالك ال تجي للرياض 

محلات فيبر جلاس يصبغون الديكورات وعليهم ضمان 



up 1 down 0
muhanaad 24
قبل 7 سنه و 2 شهر



لاتغيرها بيج ولا ابيض نجدها لون جملي او (زعفراني) والطبلون اسود تجيك شياكة حتى مايبان فيه الوسخ على طول والمحل ما اقدر افيدك يفيدوك الاخوان بس الزين غالي اذا تبي تنجد لك والزمن بتلقى على ٣٥٠٠ او٣٠٠٠ ويعطونك ضمان عليه والله يوفقك ومن يقرا


up 1 down 0
المعاوي١٩٩١ 426
قبل 7 سنه و 2 شهر



تصدق عاد... انا ماحب اللون البيج والهيلوز نهائيا 
احب اﻻسود السيارات الفخمة والعاديةبس يمكن سيارتك كئيبة ماعرفوا للتشطيب وتركيبة اﻻلوان


up 1 down 0
talal abdullah 5421
قبل 7 سنه و 2 شهر



يعطيكم العافية وقررت أنجد جملي او زعفراني 
في محل ب سكاكا تو فاتح و ماركة معروفة بروح أنجد عندهم 
بالنسبة ل سيارتي بالعكس الداخلية ممتازة بس انا كرهت اللون الأسود أحس السيارة مظلمة 
ابي أغير 


up 0 down 0
yazeedg92 131
قبل 7 سنه و 2 شهر