حذاري من قهر الرجال يا قائدي السيارات
38
5
إضغط هنا للإخفاء
السلام عليكم و رحمة الله و بركاته ،،،
اخواني و حبايبي اسعد الله أوقاتكم بكل خير ، اليوم و أنا رايح للدوام الصبح
قهرني واحد الله يهديه و يسامحه !!!!!! كنت واقف عند الإشارة و أبغى ألف
يمين بس في واحد قدامي مسكر علي و ما أقدر أتجاوزه لأن نص سيارته
عندي و النص الثاني عند الواقفين بالإشارة !!!!! المهم جاء واحد وراي و
أزعجني بالبواري تييييييييييت تيييييييييت إمتحني !!!!! و قاعد يأشر الحمار
من المرايا لف يمين !!!!! أرقى الرصيف يعني أو أصقع اللي قدامي ؟؟ و أنا
بعد أبي ألف يمين مثلك يا حمار !!!!! بس إصبر كلها دقيقة و تفتح الإشارة
والله يا اخوان لو إني ما قريت أذكار الصباح و تعوذت من إبليس كان يمكن
نزلت عليه و مرمطت كرامته بالأرض !!!!! فيا اخوان لا تستفزون الناس وقت
السواقة !!!!! يمكن تطيح لك بواحد مو طايق نفسه و يصير ما لا يحمد عقباه
و ساعتها ما ينفع الندم !!!! إمتص غضب الأخرين و خلهم هم يعتذرون لك
مو أنت اللي تعتذر لهم ، أذكر قبل فترة لفيت لفة صغيرة بالغلط على واحد
ما إنتبهت له !!!! و بعدين جاء جنبي بالسيارة و حاول يرمي علي الموتر و
رافع يده يبي يتهاوش !!!!!! تخيل يا غالي لو سويت مثله وش كان بيصير ؟
كان أقل شي واحد منا داخل المستشفى !!!!! بس أنا وش سويت ؟
إعترفت بخطاي و سلمت عليه و عطيته ذيك الإبتسامة الساحرة !!!
على طول رفع يده و إعتذر و هو منحرج من ردة فعلي الغير متوقعة "
اللي أبي أوصل له من هالموضوع حذاري ثم حذاري من قهر الرجال !!!
فالرسول صلى الله عليه و سلم إستعاذ من قهر الرجال !!!! و شكرًا لكم
على حسن المتابعة .
محبكم &&& أبو طلال
إبلاغ
الردود
لاني كل ماافكر امد يدي اتذكر ابوي واقول ما تسوى عليه بكل يترجى التافه علشان يتنازل
والا انا عارف لو انزل عليه راح اكسر عظامه وبذوقه الالم
وشاكر لك الموضوع ولايك واحد
2
1
قبل 10 سنه و 10 شهر