زيت المكينة ناقص ماهو الحل

اول مره هي تنقص ولا من اول ؟؟

غيره وغير الفلتر
ولا تمشي على السيارة اكثر من 10 آلاف
لو كل واحد مشى 20 الف على سيارته كان افلست كل شركات الزيوت وكان ما تشوف سيارة بالشارع عمرها اكثر من 10 سنين

اول ما شريت السياره نفس المشلكة طلع ناقص ربع علبه او اقل لكن مو كل مره ينقص وانا اغير زيت بترومين العلبه السوداء
20/50

ابو فيصل لا يضيعونك الناس انت تأكد 
رح لوكيل الزيت المعتمد واسأله يمشي الزيت 
١٠ الآلاف او ٥٠٠٠ لان البنشرجيه نصب عيني عينك
واذا كلمته يقولك كل السيارات ابدلها كذا 
لان مره كنت مع صاحبي قال للبنشرجي بدل زيت ٥٠٠٠
اي نوع بس اهم شي يمشي ٥٠٠٠
قال البنشرجي ان شاء الله ولا مطلع زيت ابو ٣٠٠٠ قلت انت 
تبي تنصب علينا ولا شنو قال هذا احطه لأغلبية السيارات 
قلت هذا يمشي ٣٠٠٠ سكت البنشرجي ورحنا جبنا زيت من قطع الغيار 
ونصيحه لك يا ابو فيصل اشتر السيفون من الوكاله اصلي والله انه أرخص 
من البنشرجيه واضمن لانه اصلي والزيت اسأل عن زيت اصلي ويمشي 
١٠ الآلاف انت رح لوكيل الزيت المعتمد ولا تسمع كلام الناس اللي كلن
يفتي من جيبه ولو خبطت الماكينه لا سمح الله ما يأكلها الا انت
تحياتي  

يارجال انت من جدك ١٠ الاف كيلوا 
تعوذ من الشيطان ورح غيره مع السيفون
وغير كل ٣٥٠٠ كيلو حتى تدوم معك السيارة ،،

لا عادي ياشباب
انا اغير موبيل ون وامشي ١٠ الاف بدون اي مشكله
وقبل مشيت عليه ٢٠ الف 
والحمد لله السيارة مشت الى الان فوق ال ٣٠٠ الف كيلو والمكينة تمام بدون اي مشاكل

تضاربت الاراء ناس تقول غيره وناس تقول لا والسوات ياشباب نغير ولا لا هل فيها مضره

طلع عيار الزيت وحط شي منه بين اصابعك وافركه وشف هو لزج ولا كنه ماء

اذا عاد لزوجته فيه اشتر علبه من نفس الزيت وزود واذا شفت انه ما يصلح

غيره افضل

يا ابو فيصل 
نوعية زيتك وشو وانت رح لوكيله المعتمد وقل كم يمشي 
اذا قالك ٥٠٠٠ بدل علي ٥٠٠٠ واذا قال قالك علي ١٠ الآلاف بدل
علي ١٠٠٠٠ هذا خلاصة الكلام لا تعتمد علي الناس اعتمد علي
وكيل زيتك بس اما تغامر بنفسك وبماكينة سيارتك وتمشيها ٢٠ الف
علشان العضو الفلاني قالك لا وانا اخوك ما عليك من كلام الناس

ياخي معروفه على حسب نوع الزيت اذا بتحط من الرخيص  بدله كل ٤٠٠٠ - ٥٠٠٠ حسب اللزوجه 
اذا زيت تخليقي اللي هو الغالي  مثل موبيل ون. وكاسترول ماجنتك هذا يمشيك ١٠٠٠٠ - ١٥٠٠٠ وسلامتك 

ربع علبة فقط
هذا شي ممتاز
بعض السيارات تنقص علبة ويمكن اكثر
توكل على الله وزود عليها وخلاص
انا امشي عادة بين 10 وال 15 الف وما شاء الله وكاااااااااااااااااااااله

اكثر كلام المنتديات الا من رحم الله ...كلام غلط ومبالغ فيه وبعضه للاسف كذب

اذا مافي مصدر ثقة ومعروف عنه الامانة ،،، ويفضل من نفس تعليمات الشركة المصنعة للزيت لالالالالا تتــــــهور وتضيع مكينة عشان سمعت كلام (( يقـــــــــــــــــولوا )) يمشي 20 الف كم

اكثر الزيوت المستخدمة حاليا بالاسواق للجميع والأغــلـــب 5000 أو 10.000
غير كذا تحقق

الزيت ياشباب فيه باقي لزوجه ولونه مائل للبني الغامق طبعا الزيت ناقص اقل من الربع بعد هل هدا طبيعي وبعدين 
 شغلت الموتر ربع ساعه ودعست عليها لاخير والحمد الله ما طلع دخان 

اخوي زيت بترومين يجي علبه فضيه مو سوداء اذا كانت الفضيه غير الزيت خلاص كفى ووفى يمشي فقط 5000الف كيلو فقط لايزيد عن ذلك
اما اذا زيت كفائته طيبه وممتازه ويتحمل امشي فيه وترا نقص ربع علبه ماتضر بالمره لين مايكون النقص نص علبه وزود ماعليك دايما اسويها بالكورولا عندي

يا يبو فيصل
كل نوع له مسافة والافضل تشتري كرتون من الجملة وتسال عن المسافة الي تحتاج تغيير بس برضو لاتعتمد على المسافة وتترك التشييك قبل ماتنتهي المسافة اضمن للمكينة يعني اذا قال لك يميشي 10 الاف لاتنتظر ال ان توصل 10 الاف بل شيك عند ال 5 او 7 الاف اضمن حتى لو كان في تبخير او تهريب تنتبه له.