فقط من تملك سيارة عن طريق شركات التأجير

لو تقدر تاخذ قرض وتدفع كاش وتسدد للبنك تكون الفائدة الي اخذونها منك على الاغلب اقل + السيارة تكون اسمك مباشرة

كلها تراعي مصلحتها بالاول والاخير

شركة تسلفك عشان تشتري سيارة أو هي الي تشتري لك

وش تتوقع منها تقدم خدمة بـــلاش في بلد > نـــــــــــــــــــــــــاسه عايشين ع الاقساط

الارباح والتعامل وووووو متقاربين الي حد كبير ،،، مثل عمولة 7% تأمين 4% =11
أو عمولة 8% تأمين 3% =11
السداد المبكر يخصم التأمين عن الفترة المتبقية وتفرح فيه وتنسى > العمولة ، لان توزيع العمولة 100% السنة الاولى ،، 70% السنة الثانية وهكذا تنقص الين السنة الاخيرة

عند السداد ماتلاقي عمولة تخصم لك ، ويقلك انت مطالب بأصل المبلغ ولا علية خصم ^_^



بعض الشركات تعتمد عملية التأجير اليومي تحت غطاء الاقساط والتأجير المنتهي بالوعد بالتمليك المشرع ، غير التأجير المنتهي بالتملك (العقدين بعقد) عقد الايجار متمثل بالاقساط الشهرية و عقد التملك متمثل بالدفعة الاخيرة وهذا <<< باطل

مثلاً البنك الاهلي عقدة 6 صفحات كأنك بتشتري برج ع البحر ،،،يلزمك تسوي

صيانة بالوكالة فقط،
ماتمشي بالسنة اكثر من كذا الف كيلو ، وعند الزيادة تحاسب عليها عند ترجيع السيارة لاي سبب
عدم السماح لعمل تفويض لاشخاص اخرين ( وهي لك)

دايم الدفعة الاولى تخنق شركات التقيسط ،، بالعمولة لانها ع المتبقي
الدفعة الاخيرة احذروا منها

شركة الوطينة للقسيط > ع حد علمي هي الوحيــــــــــــــدة ماعندها دفعة اخيرة ويحسسوك بجد ان هذي سيارتك من الراحة بالتعامل
بس دفع اولى 15 20% عالية شوي ع الاغلب عشان كذا اذا كانت العمولة متقاربة مع مع شركات اخرى مااااعندها دفعة اولى او دفعة رمزية > العبرة بالاجمالي كمممممممم .. بالتوفيق

كل العقد لصالح الوكالة وللأسف ربعنا ما يحبوا القراءة

مسموح تمشي في السيارة 2400 كم في الشهر فقط ولو حبيت ترجع السيارة للوكالة يحسبوا عليك كل كيلو زيادة

إذا عملت حادث وعليك الحق اكثر من 50% تدفع 700 ريال ولو كان أقل تدفع 500 ريال

ولو عملت 3 حوادث في السنة وكان الحق عليك فيها أكثر من 50% يحق لهم سحب السيارة

طبعا كل الي كتبته بخصوص عقد عبد اللطيف جميل وكلهم اوسخ من بعض

الله يرحم الحال الشعب كله مديون زيي انا قرضين للبنك وسيارتي ضرب قيرها وبظطر اخذ سياره بقيمه بيعها او ادفع لشركات التاجير ويروح نص الراتب ديون

الشكوى لله 
الحال من بعضه اخوي goodhearted 
معي سياره نظام أجار من الراجحي 
ورحت أبغى افسخ العقد لأني ماعاد عندي مجال للإقساط
وابغى ارجع لهم السياره وعندهم مقدم مبلغ كويس ومن غير
الاقساط الشهريه اللي ياخذوها 
قالو لي ادفع ٢٨ الف ونفسخ العقد
حسبي الله في نظامهم الغاشم
بالله عليك استأجر سياره لمدة سنه ب اكثر من ٦٠ الف

مثل ما قالك الأخ mat2rain
لو تقدر تاخذ قرض اوفر لك
وبدون وجع راس ومشاكل وشروط
بالتوفيق