أول مره اسافر على سيارتي ومحتاج نصائحكم بارك الله فيكم

وعليكم السلام الله يسهل عليك 

بحكم ان سيارتك جديده احمي مقدمتها من الترمل 

وفقك الله

السياره جديده وما تحتاج شي كل الي عليك شيك ع زيوتها وموية الرديتر وهواء الكفرات وتوكل ع الله وانا اشوف تسافر في النهار افضل لان الجو بارد هالأيام وتشوف الخط زين وساهر بعد 
توصل بالسلامه . . . 

البنزين اذا وصل الربع او قبل النص مثلاً فلل لا تقول خلها شوي عشان ما تنقطع أفضل لك تمشي بعد الفجر والسرعة ما منها 
خير ونا خوك ومن ناحية الترميل الجو بارد ما يحتاج فيري والموتر جديد ما عليه خلاف توكل على الله وأفضل لك تأخذ خوي 
وعليك بثلاجة الشاهي وترا الخوي ونيس ينسيك عنا الخط وتوصل بالسلامة ونا خوك 

زي ماقال راعي الرد الاول ، سولك حمايه لان سيارتك جديده ماشاء الله
وتحتاج الى شطرطون فقط هههههه وتوصل بالسلامه

الله ييسر امورك الحمدلله المناطق مترابطه ولاهي مقطعه 
المهم شيك على الامور الاساسيه للسياره زيت كفرات جميع السوائل 
ودام انها اول مره تقطع مسافه كذا 
من الان اجعل للك نقطة ترتاح فيها واذا نعست لاتكابر وارتاح 

+
دعاء السفر والتوكل على الله

درب السلامة ان شاء الله
و من ناحية البنزين صدق اخوي "بو مداوي" واهم حاجة تكون نايم زين ههههههه
واقرا دعاء السفر والله يحفظك وين ماكنت

حمايه ترميل ولا فيري فالوجه وتوكل على الله واكرفها ولا شي 1300 
السياره تعزك اكرفها بكرا تبيعها وتنسى وانتبه من ساهر 

اول شيء تسويه تشــيك على الــكــفرات والأستبـــنه وتأكد بأنها سليمه ١٠٠٪  ثاني شيء غير الزيت وشيك على ماء الرديتر والاشياء الأساسيه تكون عند بنشري ثالث شيء تأكد بأن عندك استبنه احتياطيه سليمه مع العده وحط جركل ماء في شنطه سياراه مع تمر ولاتنسى دعاء السفر

توكل على الله + دعاء السفر 

حاول انك تمشي بالليل من بعد المغرب لأن النهار راح يصادفك هواء 

حط لك حامي وجهيه من محلات الزينه بـ 15 الشفافه 

ظلل قزازتك الاماميه 0 0 

شيك على زيت المكينه 


وساهر ماعندك أحد من الطائف الى حلبان 
وبعد حلبان فيه صناديق ساهر 
يصور من وراء < جديده 

اذا ماكنت تحب تلصق خل واحد قدامك مسرع وخلك وراه منتبه 

شيك على كفراتك وخل ضغط الهواء 32 


عن نفسي مااحب أوقف في الطريق أبد قبلها انام لين وجهي يتنفخ 
واقوم أكل واتوكل على الله 

ومااوقف الا لـ البنزين والصلاه 
ودائم طريقي الليل يكون مافيه هواء زي الصباح وتكون السياره والكفرات مريحه

وانا اطلع من جده ومااوقف الا في الخبر 
لحالي معي أحد نفس الشي 

ولاتخلي البنزين ينزل عن الربع فوق الربع فلل موترك 

ودرب السلامه ومنور شرقيتنا 


جيب لي 3 مسحب حراق من البيك والا ماتدخل شرقيتنا اسوي لك نقطة تفتيش عند الكبري الطايح هههههههههه
وجيب الصلصه حقتهم الحمراء < وش جوه 
وجيب 3 برغر من بن بخيت 



ههههههههههههههههههههههه امزح توصل بالسلامه يارب

يبيلك اشطرطون الرصاصي   بس  وادعس 220 لين تاصل ههههههههههههه

المسافة 1300 كم

إذا أنت ما تقدر تمشي المسافة مرة واحدة فأنصحك تمشي من الشرقية العصر وتنام في القويعية لأنها المكان الوحيد على الطريق الي ممكن تلاقي فيه شقق نظيفة لأن المسافة من الرياض للطائف ما فيها استراحات جيدة

وبعد القويعية لا تخلي البنزين يقل عن النصف، أذكر مرة وقفت عند محطة وما كان فيها بنزين ومشيت مسافة حتى لقيت محطة

الطريق جيد لكن لراحة أعصابك ثبت السرعة ولا تسرع، ما تسوى عليك تاخذ قسيمة

ومثل ما قالوا الشباب اعمل حماية للوجه وأنا أنصحك لو كانت سفرياتك كثيرة أنك تفصل برقع لك وللزمن

ولا تنسى اخوانك في المنتدى من دعوة طيبة

السلام عليكم حط حمايه على وجهيه السياره وعاير الزيت اذا يحتاج تغيير وشيك على الكفرات يفضل لو تكون على 35 وامش بنهار افضلك ولاتنسى دعاء السفر وتركد بطريق والحافظ الله سبحانه

دعاء السفر
علبة فيري و قطعة اسفنج احتياطا لو قابلت عج وقف و سوي الوجهية مع الاكتاف و المرايا ، ما انصحك ابد تركب بالحماية الفيري يؤدي الغرض و زيادة و لو بتركب ركب على الزجاج من الخارج فقط .
اقرب بنشري او فرع بترومين شيك على السيارة .
الخط مريح و المحطات كثيرة و ما بتنقطع ان شاء الله ،حرص على بنزينك لا ينزل تحت الربع .
الخدمات رديئة جدا في المحطات باستثناء مطعم البراك قبل الرويضة شباب و عائلات  ب 10 او 15 كيلو  و كاميرات ساهر من قبل القويعية موجودة ، و على طول خط الدمام .

الف مبروك ي غالي
و الله يعطيك خيرها و يكفيك شرها

مافي اي مشكله ي غالي سافر و ترجع بالسلامه
اهم شي لا تشد على السياره
و خف عليها و لا تشد .. الدعسه خلها طبيعيه امش 200عادي
لكن لا تدعس بقوه خل الدعسه هاديه جدا
و مثل ما قالو الشباب
البنزين ع الربع وقف فلل
اذا ما امداك تسوي حماية واجهه .. رشها تغبيره بخاخ ب15
و درب السلامه ان شاء الله

ي رجال عرافي اهم شي النوم والله اذكر طلعت من القصيم الساعه ٤ الفجر ووصلت الاحسساء الساعه ١٠ ومانمت زين وامشي ١٨٠ الى ٢٠٠ واعصابي مشدوده تقول مشدد هههههههه اهم شي النوم بالسفر وتوصل ب السسلامه ي صآحبي

قل هذه العباره



اللهم اني استودعتك نفسي وسيارتي واهلي ومالي


واعمل بالاسباب


خذ كفايتك من النوم قبل السفر

تأكد من ضغط هواء الكفر

خذ لك فيري وعليك بالمقدمه ولاتحط على الانوار لانه بيعدم عليك الرؤيه وصارت فيني اول
امشي قبل الفجر بساعه على الاقل واذا وصلت الرياض ريح لك ساعه وبعدها امسك خط الرياض الطائف ولي وصلت الطائف لاتقول المسافه قريبه بنزل جده خذ لك شقه وحط راسك ونام ومن اصبح افلح


والله يوفقك ويسر امرككك

كاميرات ساهر ملغمة الطريق
قبل ماتوصل الرياض ب 50 كيلو ثبت السرعه على 129 الين توصل المنطقة الشرقيه

عليك بدعاء السفر والتوكل على الله سبحانة 
وحاول انك تمشي باليل اريح للسيارة 

لاتنسى دعاء السفر و اهم شي وانا اخوك لااااااااتسرع، يعني بالكثير 160 كلم/ساعه . ثانيا لاتوقف في أي محطة على الخط وتنزل البقاله والسيارة شغاله ابدا ابدا ابدا . ثالثا اشتر رشاش حماية وجهيه شفاف (عدد علبتين) ورش الوجهيه بطبقه واحده وانتظر نص ساعه ورش طبقه ثانية وانتظر نص ساعه واخيرا رش الطبقه الثالثه . رابعا : ظلل الزجاج الامامي بتظليله شفافه كوري كوري ب 30 ريال للحماية من الترميل واذا رجعت لديرتك شيلها . خامسا لا تتهاون في تعبية البنزين لأن بعض المحطات على الخط ماتحصل فيها بنزين ، يعني اذا وصل البنزين تحت النص لازم تعبي . وخذ معك كومبريسور هواء للكفر واشتراك بطاريه وكيبل سحب للسيارة من باب الاحتياط (المفروض دايم في السيارة).
نسأل الله لك التوفيق والسلامة